Apa 13:21 - The Keyagana NT and 25 OT books

²¹ Henagaʼamo apakaemo Gotifeʼmo huʼapaeʼmo, mago kini vekamoʼmo yagaino latesiyafeʼmo avaleka lamiyo, huʼa ge huʼnageno Gotiʼa yagaino apatesiya kini vekamo agiʼamo Soloʼa Kisi mafaʼnemo Menisameni nofi vayapati vekamo avaleno apamiʼnigeno fotiʼa kafugamo yagaino apateʼniye.

Apa 13:21 ပူးပေါင်းရင်းမြစ်များ

1 Samiyo 10:1

Inagi Samiyoʼmo mago aise olivi uvelimo alino Solo agenopafiʼmo lakino ateteno haeno netenoʼaeʼmo ina gemo huno ha painoʼaeʼmo, Ala kava neʼmoʼa agaiʼa vayaʼaiteʼmo yagaika apatesanafeʼmo lekana paino kateʼniyaʼmofeʼmo uvelimo lakiʼna kateʼnove, huno ha paiʼniye.

1 Samiyo 11:15

Inagi mukiʼamo Giligo taonifiʼmo uʼa Ala kava neʼmo aulagaleʼmo apakaemo huʼapaeʼmo, Soloʼmo kini vekatimae, huteʼa huʼa haleʼa huʼnae. Apakaemo Gotiʼe magoke apaipamo kalisiya ofalinimo huʼnae. Ani haopalegamo Soloʼe muki Isaleli vayaʼmogiʼeʼmo ani kavafeʼmo lusi kava huʼa apamogaga aiʼnae.

1 Samiyo 15:1

Samiyoʼmo Solofeʼmo ina ge huno ha painoʼaeʼmo, Ala kava neʼmoʼa Isaleli vayaʼaleʼmo kini vekamo maiʼneka yagaika apatesanafeʼmo alino nateʼnigeʼna uʼna uvelimo faleʼna kateʼnove. Kateʼnovaʼmofeʼmo hemenimo kagaemo Ala kava neʼmo geʼamo afiteka akame huvo.

1 Samiyo 8:5

Apakaemo huʼapaeʼmo, Afiyo, huʼa, kagaemo ago kosuna leʼnanageʼanaeʼmo lole mafaʼnekalaʼmoganimo kagaemo nehana kavaʼmo akame nosaʼae. Hemenimo kagaemo mago kini vekamo lekana paika ategenoʼao yagaino lateno. Agaemo alu nofi vayaʼai kini vayaʼmogi nehaya agufa kavaʼmo huno yagaino lategaiye, huʼa ha paiʼnae.

1 Samiyo 9:1

Mago vekamo agiʼamo Kisiʼmo Menisameni nofi vayapati vekamo Amaiyo mafaʼnemo maiʼnigeno Amaiyoʼmo Silo mafaʼnemo maiʼnigeno Siloʼmo Mekolati mafaʼnemo maiʼnigeno Mekolatiʼmo Afaiya mafaʼnemo maiʼniye. Kisiʼmo vayatama vekamo maiʼniye.

1 Samiyo 9:15

Egamo Ala kava neʼmoʼa Samiyofeʼmo ha painoʼaeʼmo,