Apa 13:2 - The Keyagana NT and 25 OT books

² Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 13:2 ပူးပေါင်းရင်းမြစ်များ

Neniyo 9:3

Afiteʼnaeʼmo Ala kava netegamo naipa nagesamo amiʼneʼna neʼyaʼmo oʼneʼna mo sige kogu kukenamo vaige laʼnefamo aliʼna falege huteʼna lokiya kava huʼna nunumuʼmo huʼna ge huʼnove.

Matiyu 17:21

Nunumuʼmo nehuʼapaeʼmo neʼyaʼmo mo sisayana ani agufa hosu apaune vayaʼmo afaʼa aliʼa hapa faiʼa apatalegae. Alu kavatetiʼmo aliʼa hapa faiʼa oʼapatalegae.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Matiyu 9:38

Ago afu leʼniyaʼmofeʼmo hoyamo afoʼamofeʼmo nunumuʼmo higenoʼao hoyaʼafatiʼmo neʼyaʼmo alisaya vayaʼmo alino apatesigeʼa ugae, huno hapa paiʼniye.

Luki 10:1

Ala kava neʼmoʼa sevetiʼa vayaʼmo lekana paino apateteno lole vekalaʼmo alino lokaeno anatete anatete hutenoʼaeʼmo, muki uʼneʼna hisuva taonifiʼe kotegaʼeʼmo uta hogotetegeʼna vino.

Luki 2:37

Muki afinaʼmo alopa mono nopiʼmo maiʼnenoʼaeʼmo muki netepiʼe hanipiʼeʼmo Gotifeʼmo mono huge nunumuʼmo huge neʼyaʼmo mo sige huno maiʼniye.

Apa 10:19

Pitaʼa hunoʼaeʼmo, Ageʼnova kavaʼmo aepaʼamo na agufa kavaʼmo ageʼnofi, huteno agesa alaʼamo neʼafigenoʼaeʼmo Goti Aunemeʼamoʼmo hunoʼaeʼmo, Afiyo, huno, Loleʼe magoʼe vayaʼmogi kagaefeʼmo kahauya huʼa kagesayafeʼmo neʼagi

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 13:3

Ani gemo afiteʼapaeʼmo neʼyaʼmo oʼneʼa mosiʼa maiʼneʼa apayaʼmo anakufaleʼmo maleʼneʼa nunumuʼmo huteʼa aliʼa anaoteʼmo anateʼnageʼana uʼnaʼae.

Apa 13:4

Goti Aunemeʼamoʼmo Manamasiʼe Soloʼeʼmo alino anateʼnigeʼana uʼana lamiʼana Selusiya taonifiʼmo uʼana avaʼyi huteʼana sipifiʼmo uʼana haiteʼana aniʼmo lakaeʼana Saipalasi ani agoʼnanenafiʼmo uʼnaʼae.

Apa 14:26

solovala aniʼmo lakaeʼana halate Atiyoki taonifiʼmo eʼnaʼae. Goti vayaʼamogimo ani taonifatiʼmo hogoteʼa Gotiʼa yagaino anatesiyafeʼmo aliʼa ayapiʼmo anateteʼa aliʼa anatageʼana uʼana Goti aliʼyaʼamo aliʼnaʼae. Ani aliʼyaʼmo ago aliʼana hano huteʼana eʼnaʼae.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 4:36

Magoke vekamo agiʼamo Yosefeʼa Livai nofi vayapati vekamo Saipalasi ani agoʼnanenafi vekamo maiʼniye. Apa vayaʼmogimo agiʼamo Manamasiʼae huʼa ateʼnae. Manamasiʼae agimo aepaʼamo ina kavaʼmo huno alino lokiya vaino neʼapateya vekamae.

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Apa 8:29

Goti Aunemeʼamoʼmo Filipifeʼmo hunoʼaeʼmo, Uka talala haopaleʼmo lokaeka uvo, huno ha paiʼnigeno

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 10:15

Mago vekamoʼmo alino apatesigeʼa oʼvisayana haiya kava huʼa uʼa aeʼa hakalo huʼa hapa paigae. Ani kavatefeʼmo avoʼmo kae maleʼniya gemoʼa hunoʼaeʼmo, alagepa faigoko geʼaletiʼmo alino nanu aeno neʼapateya gemo aliniʼeʼa aeʼa hakalo huʼa hapa nepaiya vayaʼmogi apaiyamo kanale apaiyamo haneʼnigeʼa aliniʼa neʼae. Apakaemo alagepa kavafeʼmo ava gemo afiteʼa apamogaga aisayafeʼmo ani gemo aliniʼa neʼae.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

1 Kolitiyani 12:11

Ani kavaʼmo aepa vekamo magoke Aunemeʼamo maiʼnenoʼaeʼmo mani Aunemeʼamokeʼmo hauʼnigenoʼaeʼmo ani kavaʼmo huno neʼapamiye.

1 Kolitiyani 7:5

Mago yalavelaʼmoganimo magoke agufa gemo huʼanaeʼmo, laʼaote laʼaote hutaʼa maiʼnetaʼa neʼyaʼmo oʼnetaʼa mosiʼnetaʼaeʼmo nunumuʼmo huguʼae, huʼana hisaʼamoʼmo aise afinaʼmo anaote anaote huʼana havaeʼneʼanaeʼmo nunumuʼmo huteʼanaeʼmo halate magokepi lokaeʼana havaegaʼae. Lapakufaleʼmo alagepa hutapa yagaitapa olapatesageno Sataniʼa humi lapateteno lapayateʼmo aligiyanagi magokepiʼmo lokaetapa havaeyo.

2 Kolitiyani 11:27

Lusi aliʼyaʼmo alige alaga nahaege asole afinaʼmo nau okalege naga tege anifeʼmo nahauge asole afinaʼmo neʼyaʼmo oʼnege yasimo nahauge kukenaʼnimo ohanege huʼna maiʼnove.

2 Kolitiyani 6:5

Vayaʼmogi lamagige kalavusi huʼa latege apano aeteʼa apavamusa gemoʼmo huge huʼnae. Lokiya aliʼyaʼmo aliʼnonageno alagaʼmo lahaege lau okalege neʼyaʼmo oʼnege huʼnone.

Galesiya 1:15

Huʼna maiʼnovaʼmonanafa itaʼnimoʼmo alino oʼnateʼnigenoʼaeʼmo hogoteno Gotiʼa hauʼniya afinaʼmo agaiʼalefeʼmo ago lekana paino nateteno fikumo naha maeno namiʼniya kavatetiʼmo nagaefeʼmo keya aeno ge huʼniye.

Efasasi 3:7

Inagi Poloʼnamo mani alagepa gelefeʼmo aliʼyaʼamo alisuvafeʼmo Gotiʼa fikumo naha maeno namiteno himamuʼaletiʼmo naipafiʼmo aliʼyaʼmo aliʼnigeʼna aliʼyaʼamo neʼaluve.

Kolosi 4:17

Lapakaemo Akipasifeʼmo Ala kava neʼmoʼa kamiʼniya aliʼyakamo alika hano huvo, hutapa ha paiyo.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

2 Timoti 1:11

Gotiʼa ani faigoko geʼamo aeʼna hakalo huʼna hapa nepauva vekamo maige apa vekaʼamo maige alu nofi vayaʼaina aliʼna apaya neʼmalova vekaʼamo maige huʼna maisuvafeʼmo ago lekana paino nateʼniye.

2 Timoti 2:2

Nagaemo muki vayaʼaifeʼmo aeʼna hakalo huʼna hapa paiʼnogekaeʼmo apakaeʼeʼmo magokepi lokaeka maiʼnekaeʼmo kagaemo ago afiʼnane. Kagaemo ani afiʼnana gemo muki afinaʼmo alagepa huʼa aliʼyaʼmo neʼaliya vayaʼmogi ani geleʼmo yagaiʼa atesayafeʼmo alika apamigeʼapao aliʼneʼa magoʼe huʼa alu vayaʼmo aliʼa apaya maleyo.

2 Timoti 4:11

Lukiʼa agaiʼageʼmo nagaeʼeʼmo lokaeno maiʼniye. Makiʼa Goti aliʼyaʼmo neʼalinoʼaeʼmo alagepa huno naha maegaiyanagi avalelika eno.

2 Timoti 4:5

Afigayaʼmonanafa kagaemo muki afinaʼmo alagepa huka kagesamo afiteka kagaikaleʼmo alagepa huka yagaika kato. Hanageke yaʼmo neʼalikaeʼmo oʼataleka atafauka alagi huka maiyo. Uʼeʼa huʼa alagepa faigoko gemo aeʼa hakalo huʼa hapa nepaiya vayaʼmogi neʼaliya agufa aliʼyaʼmo lokiya vaika aliyo. Goti aliʼyaʼamo neʼalina aliʼyakamo muki agufa kavaʼalefeʼmo aliyo.

Himulu 5:4

Mago vayaʼmogi apakaiʼapimo huʼapaeʼmo, ani aliʼyaʼmo afaʼa aligune, huʼa osugafa Gotikeʼmo Elonifeʼmo keya aeno ge huʼniya kava huno keya aeno ge huʼniya vayaʼamogigeʼmo ani aliʼyaʼmo afaʼa aligae.

1 Samiyo 2:11

Hanaʼmo nunumuʼmo hutenoʼaeʼmo agaemo Elakenaʼeʼmo Lema taonifiʼmo uʼnayaʼmonanafa aise mafaʼnemo Samiyoʼmo ani koteʼmo maiʼneno Ala kava neʼmo aliʼyaʼamo Ilai aulagaleʼmo aliʼniye.