Apa 12:6 - The Keyagana NT and 25 OT books

⁶ Helotiʼa hunoʼaeʼmo, Egamo Pitaʼmo avaleliʼneʼna muki vayaʼai apaulagaleʼmo agoti huʼna ategauve, huno agesa afiʼniya haniʼilagamo Pitaʼa ati vekalaʼmo maitaʼageno folagapiʼmo havaeʼniye. Lole seli nofitalatetiʼmo ayatalateʼmo kiʼa ateʼnageʼana lole ati vekalaʼmoganimo kipateʼmo yagaiʼana ateʼana maiʼnaʼae.

Apa 12:6 ပူးပေါင်းရင်းမြစ်များ

Aepa Gemae 22:14

Inagi Emalehamuʼa ani kotefeʼmo, Ala kava neʼmoʼa laha maesiyafeʼmo fikumo lamigiye, huno agi ateʼniye. Vayaʼmogimo ani agimo aeme aeme eʼa hemenimo huʼapaeʼmo, Ala kava neʼmoʼa agaiʼa aveleʼmo laha maesiyafeʼmo fikumo lamigiye, huʼa nehae.

Samu 4:8

O Ala kava nene, huʼna, Kagaekeʼmo yagaika neʼnatananageno mago yaʼmoʼa afaʼa oʼnahaegaiye. Naipamoʼmo falu huʼninageʼna maiteʼna havaeteʼna huguve.

Matiyu 28:4

Kanoluleʼmo yagaiʼa maiʼnaya ati vayaʼmogimo ageteʼapaeʼmo lusi kava huʼa koli huteʼa atete huteʼapaeʼmo mopafiʼmo apagoʼya faiteʼa faliʼnaya vayakana huʼa maiʼnae.

Apa 12:5

Pitaʼa kalavusifiʼmo maiʼnigeʼa ati vayaʼmogimo yagaiʼa ateʼa maiʼnageʼapaeʼmo muki siosi vayaʼmogimo Gotiʼa ha maesiyafeʼmo lusi kava huʼa nunumuʼmo huʼa ateʼnae.

Apa 21:33

Ati vayaʼaiteʼmo hogote vekamo yagaino neʼapateya vekamoʼmo Polo haopaleʼmo uno maiʼnenoʼaeʼmo, Lole seli nofitalatetiʼmo kitapa ateyo, huno hapa paiʼniye. Agaemo ani vayaʼaifeʼmo hunoʼaeʼmo, Ina laʼmo maiʼnenoʼaeʼmo na agufa kava huʼniye, huno apafi geʼniye.

Apa 28:20

Ani kavaʼmo afole aiʼniyaʼmofeʼmo lapaketeʼnaeʼmo ani gemo lapa paisuvafeʼmo huve. Isaleli vayaʼmogimo apavayagunagu huʼa agava maiʼnaya vekalefeʼmo kalavusi huʼa nateʼnageʼna hemenimo maiʼnove, huno hapa paiʼniye.

Apa 5:23

ago uta avaʼyi huteta agonana kalavusi nopiʼmo oʼmaiʼnageʼa yagaiʼa neʼapataya vayakeʼmo yagaiʼa maiʼnae. Kitamo yakituta haita agonana afaʼa haneʼnigeta ageʼnone, huʼa hapa paiʼnae.

Efasasi 6:20

Ani gelefeʼmo Goti apa vekaʼamo kalavusi huʼnove. Gotiʼa alino namiʼniya gemo koli osuʼna lokiya gemo huʼna aeʼna hakalo huʼna hapa paisuvafeʼmo nunumuʼmo hutapa nateyo.

2 Timoti 1:16

Ala kava neʼmoʼa Onesifolasiʼe afamo anagaʼaʼeʼmo hau huno apateno. Onesifolasiʼa kalavusifiʼmo maiʼnova kavafeʼmo avagage osuʼnigeno Lomu taonifiʼmo eno avaʼyi huteno lusi kava huno kahauya huno nagetenoʼaeʼmo muki afinaʼmo naha maete naha maete huʼnigenoʼaeʼmo naipamoʼmo falu huʼniye.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.