Apa 12:15 - The Keyagana NT and 25 OT books

¹⁵ Hapa paiʼnigeʼapaeʼmo, Negi gemo nehane, huʼa huʼnagenoʼaeʼmo, Haʼao, alagi lama gemo nehuve, huno magoʼe magoʼe huno huʼnigeʼapaeʼmo Pita enisoleʼamo eno maiʼnegaiye, huʼa huʼnae.

Apa 12:15 ပူးပေါင်းရင်းမြစ်များ

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Matiyu 18:10

Ehetapiye, huno, aise mafaʼne anagaʼaifeʼmo ina agufa vayane, hutapa osiyo. Lapa nepauve, huno, yagaiʼa neʼapataya enisole vayaʼmogimo muki afinaʼmo kokuʼnapi afoʼnimo augosafiʼmo ageʼnae.

Maki 16:11

Hapa painoʼaeʼmo, Yesuʼa ago he tino afaʼa maiʼnigeʼna ageʼnove, huno hapa paiʼniyana ani geeʼmo lama ge nehiye, huʼa apakesa oʼafiʼnae.

Maki 16:14

Henagaʼamo leveniʼa vayaʼmogi neʼyaʼmo neʼnageno apaulagaleʼmo afole aiʼnigeʼa mukiʼamogi ageteʼapaeʼmo ageʼnaya vayaʼmogi hapa paiʼnaya geʼapieʼmo apakesamo oʼafiʼnayaʼmofeʼmo apaipamoʼmo lokiya vaiʼnigeʼa apakesamo afiʼa fatago osuʼnageno ge hapauʼniye.

Luki 22:59

Magoʼe huno aise afinaʼmo utegeno mago alu vekamoʼmo lokiya gefatiʼmo hunoʼaeʼmo, ani vekamo Galeliya kotega vekamo maiʼniyaʼmofeʼmo agaeʼeʼmo magokepi lokaeno neʼmaiya vekae, huno huge huge huno maiʼnigenoʼaeʼmo

Luki 24:11

afiteʼapaeʼmo aigofeʼmo nehae, huʼa apakesamo afiʼnae.

Apa 12:16

Pitaʼa magoʼe huno hakalu hakalu huno kitaleʼmo amagino maiʼnigeʼa afiteʼa uʼa lamiʼa kitamo yakiʼa Pitaʼmo ageteʼapaeʼmo lusi kava huʼa hapau aiʼnae.

Apa 26:24

Poloʼa agaiʼamo gemo huno ha maesiyafeʼmo ani gemo nehigenoʼaeʼmo Fesitasiʼa Polofeʼmo hunoʼaeʼmo, kagaemo negi neʼmalane. Asole afinaʼmo mukufiʼmo lekana nepainaʼmofeʼmo kagesamo alino hosu huno kateʼnigekaeʼmo negi nagi gemo nehane, huno ha paiʼnigenoʼaeʼmo,