Apa 12:11 - The Keyagana NT and 25 OT books

¹¹ Ataleno uʼnigenoʼaeʼmo Pitaʼa agesamo aino halo aiʼnigenoʼaeʼmo, Alagi ago afole aiʼniye. Ala kava neʼmoʼa enisole vekaʼamo alino ateʼnigeno emineno Heloti ayapatiʼe Yu vayaʼmogimo ani kavaʼmo hugune, huʼa huʼnaya kavapatiʼeʼmo nagufamo ago alino katino nateʼniye, huno agesamo afiʼniye.

Apa 12:11 ပူးပေါင်းရင်းမြစ်များ

Aepa Gemae 15:13

Ala kava neʼmoʼa ina ge huno ha paiʼniye. Afika alagepa huka afiyo. Kaginago vayakamo uʼa alu vayaʼai koteʼmo maiʼneʼa aliʼyaʼapimo aliʼa apatesageʼa fo hataletiʼa kafugamo lusi kana yaʼmo apamigae.

Aepa Gemae 18:13

Ala kava neʼmoʼa Emalehamufeʼmo, Selaʼmo na kava higenoʼaeʼmo kigi nehunoʼaeʼmo, ago anekalo leʼnovanageʼna haiya kava huʼna mafaʼnemo aliʼna ategauve, huno agesa neʼafiye.

Aepa Gemae 26:9

Inagi Amimalekiʼa Aisakifeʼmo keya aeno ge huno ha painoʼaeʼmo, Alagi akageʼmo maiʼniye. Na kava higeka nasaʼnimoʼae, huka huʼnane, huno afi geʼnigenoʼaeʼmo Aisakiʼa hunoʼaeʼmo, Nagaemo nagesa afiʼnaeʼmo, aʼniye, huʼna hisugetapaeʼmo agaetetife fikumo namagisageʼna falisufi, huʼna nagesamo afiteʼnaeʼmo ani agufa gemo huʼnove, huno ha paiʼniye.

Samu 34:22

Ala kava neʼmoʼa aliʼyaʼamo neʼaliya vayaʼai apakupi mafaʼnemo miya faino alino katino neʼapate. Agaefeʼmo aliʼa amufa amiʼnaya vayapatiʼmo magoke vekaeʼmo, hosu vekamo maiʼnane, huno huteno alagi alino hafaino oʼatalegaiye.

Samu 34:7

Ala kava neʼmo enisole vekaʼamoʼmo Ala kava nefeʼmo koli nehaya vayaʼaiteʼmo yagaino vego huno apateteno apakufamo alino katino neʼapate.

Samu 41:2

Ala kava neʼmoʼa hapa maesigeʼapaeʼmo ofaliʼa afaʼa maigae. Ma mopafiʼmo maiʼneʼapaeʼmo aulena vayaʼmo maigae. Ala kava neʼmoʼa kame vayaʼai apayapiʼmo apavaleno oʼapamigiye.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Neniyo 3:25

Inagi agaemo hunoʼaeʼmo, Ageyo, huno, Nagaemo atafiʼmo loleʼe loleʼe vayaʼmo nofi kiʼa oʼapateʼnageʼa aiʼa hakalu heʼa uʼeʼa nehae. Atamoʼeʼmo apakaemo noʼapale. Napa fo vekamo mago gotigi mafaʼnegana huʼna neʼagove, huno huʼniye.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neniyo 6:22

Gotiʼnimoʼa enisole vekaʼamo alino ateʼnigeno emineno laiyoni anagaʼmogi apavayaleʼmo alino akanigeʼa nahaeʼa oʼneʼnae. Agaemo nageʼniyana aulagaleʼmo mago hosu kavaʼmo osuge kagaetegaʼeʼmo mago hosu kavaʼmo osuge huʼnovaʼmofeʼmae.

Luki 15:17

Inagi hogoteno negi nagi kavaʼmo huʼniyana ani afinaʼmo agesamo aino halo aiʼnigeno agesamo afinoʼaeʼmo, afoʼnimo aliʼyaʼamo neʼaliya vayaʼmogi magoʼe huno lusi neʼyaʼmo haneʼnigeʼa neʼnaya yafena naga teʼnigeʼna aise afinaʼmo falisuvafeʼmo huve.

Apa 12:7

Ala kava neʼmo enisole vekaʼamo afole aiʼnigenoʼaeʼmo maiʼniya kalavusi nopiʼmo aeno ha leʼniye. Enisole vekamoʼmo Pita haopaleʼmo amagino hauneno atetenoʼaeʼmo, Malage huka he tiyo, huno ha paiteno aupatiʼmo alino he tino ateʼnigenoʼaeʼmo lole seli nofitalaʼmo ayapatiʼmo aino hatu maeno asagauno aiʼniye.

Apa 24:27

Filikisiʼa Yu vayaʼmogimo amuse huʼa atesayafeʼmo Poloʼa hatu maeno oʼateno kalavusifiʼmo afaʼa ateʼnigeno maiʼniye. Lole kafugamo utegeno Posiyasi Fesitasiʼmo Filikisi aimuʼyaleʼmo eno maiʼneno yagaino apateʼniye.

Apa 25:9

Fesitasiʼa Yu vayaʼmogimo agaefeʼmo amuse huʼa atesayafeʼmo Polofeʼmo hunoʼaeʼmo, Yulusalemu taonifiʼmo uʼna haiʼna agoti huʼna katesuvafeʼmo afaʼa uka haigapiye, huno afi geʼnigenoʼaeʼmo,

Apa 5:19

Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.