Apa 11:28 - The Keyagana NT and 25 OT books

²⁸ Ani vayapatiʼmo mago vekamo agiʼamo Agamasiʼa he tino Goti Aunemeʼaletiʼmo mago gemo hapa painoʼaeʼmo, Muki haopalegamo kafu kavaʼmo afole aigiye, huno hapa paiʼniye. Ala vekamo Kilotiyasiʼa vayaʼaiteʼmo yagaino neʼapateya afinaʼmo ani agufa kafu hu kavaʼmo afole aiʼniye.

Apa 11:28 ပူးပေါင်းရင်းမြစ်များ

Aepa Gemae 41:38

Feloʼa aliʼyaʼamo neʼaliya vayaʼaifeʼmo hapa painoʼaeʼmo, Goti Aunemeʼamoʼmo ani vekafi maiʼniye. Alu vekamo ani agufa vekaeʼmo kahauya huta agesupiye.

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Matiyu 24:7

Mago nofi vayaʼmogi alu nofi vayaʼeʼmo kamemo huge mago gamani vayaʼmogi alu gamani vayaʼeʼmo kame huge muki haopalega kafu hu kavaʼmo afole aige imimaʼmo alige hugiye.

Luki 2:1

Ani afinaʼmo hogote vekamo yagaino neʼapateya kini vekamo agiʼamo Sisa Agasasiʼmo hunoʼaeʼmo, muki kotega maiʼnaya vayaʼai apakimo aliguve, huno hu maleʼniye.

Luki 3:1

Taipiliyasi Sisaʼa hogote vekamo muki vayaʼaiteʼmo fifitiniʼa kafugamo yagaino apateʼnigeno Ponitiyasi Pailatiʼa Yutiya kotega vayaʼaiteʼmo yagaino apateʼnigeno Helotiʼa Galeliya kotega vayaʼaiteʼmo yagaino apateʼnigeno nepuʼamoʼmo Filipiʼa Ituliya kotega vayaʼaiteʼe Talekinaitasi kotega vayaʼaiteʼeʼmo yagaino apateʼnigeno Laiseniyasiʼa Amilini kotega vayaʼaiteʼmo yagaino apateʼniye.

Apa 18:2

Poloʼa uno ageyana mago Yu vekamo itaʼamoʼmo Ponitasi kotegamo alino ateʼniya vekamo agiʼamo Akuvilaʼa ani taonifiʼmo aiseʼamo akeyaʼvilagamo eno maiʼniya vekamo ageʼniye. Mago muki vayaʼaiteʼmo yagaino neʼapateya vekamo agiʼamo Kilotiyasiʼa Yu vayaʼaifeʼmo hunoʼaeʼmo, Lomu taonifatiʼmo ataletapa viyo, huno hapa paiʼnigeʼanaeʼmo Akuvilaʼe aʼamo agiʼamo Pilisilaʼeʼmo geʼamo afiteʼana ataleʼeʼana Kolitiyani taonifiʼmo maiʼnaʼageno Poloʼa uno anakaeʼeʼmo magokepi lokaeno maiʼniye.

Apa 21:10

Magoʼe afinaʼmo maiʼnonagenoʼaeʼmo mago vekamo agiʼamo Agamasiʼa Gotitegati gemo alinineno aeno hakalo huno hapa nepaiya vekamo Yutiya kotegatiʼmo lagaetegamo eno avaʼyi huʼniye.