Apa 11:26 - The Keyagana NT and 25 OT books

²⁶ ageteno avalelino Atiyoki taonifiʼmo eʼniye. Anakaemo mago kafugamo siosi vayaʼeʼmo aliʼana anupa huʼana maiʼneʼanaeʼmo asole vayaʼmo aliʼana apaya maleʼnaʼae. Atiyoki taonifi vayaʼmogimo geʼamo neʼafiya vayaʼaifeʼmo apakiʼapimo Kalisitini vayane huʼa hogote afinaʼapimo apakimo apateʼnae.

Apa 11:26 ပူးပေါင်းရင်းမြစ်များ

Aiyeya 65:15

Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Yoni 2:2

Ani vayaʼmogimo Yesuʼe geʼamo neʼafiya vayaʼefeʼmo ge huʼnageʼa eʼa maiʼnae.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 11:20

Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.

Apa 11:22

Ani kavafeʼmo ava gemo aino atagu faeno uneno huʼnigeʼa Yulusalemu siosi vayaʼmogi ani gemo afiteʼapaeʼmo Manamasiʼa aliʼa ateʼnageno Atiyoki taonifiʼmo uʼniye.

Apa 11:27

Ani afinaʼmo mago vayaʼmo Gotitegati gemo alini eʼa aeʼa hakalo huʼa hapa nepaiya vayaʼmo Yulusalemu taonifatiʼmo eʼa Atiyoki taonifiʼmo avaʼyi huʼnae.

Apa 11:29

Geʼamo neʼafiya vayaʼmogimo ani gemo afiteʼapaeʼmo, Yutiya kotega maiʼnaya konagatimogi hapa maeta na magi monimo maleʼnopigeta ani kavaʼmo huta magoke magoke huta apamigune, huʼa huʼnae.

Apa 14:20

Ataleʼnageʼapaeʼmo apakesamo afiʼa fatago nehaya vayaʼmogimo eʼa faiʼa vego huʼa ateʼa maiʼnageno he tino atagi nenuno taonifiʼmo havaeʼniye. Egamo agaeʼe Manamasiʼeʼmo Nemi taonifiʼmo uʼnaʼae.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 14:23

Anakaemo muki siosiʼale siosiʼaleʼmo uʼeʼa huʼana nunumuʼmo huge neʼyaʼmo mosiʼana maige huʼana maiʼneʼanaeʼmo Goti vayaʼaleʼmo yagaiʼa apatesaya vayatama vayaʼmo lekana paiʼana apateʼnaʼae. Apateteʼanaeʼmo Ala kava neʼmoʼa alagepa huno yagaino apatesiyafeʼmo apakesamo afiʼa fatago nehaya Ala kava neʼmo ayamufaʼage vekamo ayapiʼmo apatemale apatemale huʼana umenitata huʼnaʼae.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Apa 14:28

Anakaeʼe geʼamo neʼafiya vayaʼeʼmo yatala afinaʼmo maiʼnae.

Apa 18:27

Apolosiʼa hunoʼaeʼmo, Akaiya kotega ugesuve, huno hapa paiʼnigeʼapaeʼmo konagaʼamogimo huʼapaeʼmo, He, kanalene, huʼa huteʼa, Galiki konagaʼapimogi Goti geʼamo neʼafiya vayaʼaifeʼmo mago avoʼmo kaeʼapaeʼmo, Alita falu fala hutapa ateyo, huʼa kaeʼa amiʼnae. Uno avaʼyi hutenoʼaeʼmo Gotiʼa fiku hapa maeno apamiʼnigeʼa apakesamo afiʼa fatago nehaya vayaʼmo alagepa huno hapa maeʼniye.

Apa 19:9

Mago vayaʼamogimo lokiya apaipamo haneʼniyaʼmofeʼmo apakesamo afiʼa fatago osuʼa muki vayaʼai apaulagaleʼmo Ala kava neʼmo kavafeʼmo huʼa faipa huʼa ateʼnagenoʼaeʼmo Poloʼa apataleno uno Goti geʼamo neʼafiya vayaʼageʼmo apavalelino uno Tilanasiʼa sukulumo alino apaya neʼmaleya nopiʼmo muki afinaʼae afinaʼaeʼmo alu ge alu geletiʼmo apakesa alino hapa paiʼniye.

Apa 20:1

Apano aeʼa hano hutageno Poloʼa Ala kava neʼmo geʼamo neʼafiya vayaʼaifeʼmo ge huʼnigeʼa eʼnageno apanu kino alino falu fala huno apatetenoʼaeʼmo, maitaleyo, huno hapa paiteno apataleno Masetoniya kotegamo uʼniye.

Apa 20:30

Mago vayaʼmo lapakaepatiʼmo he tiʼa apakame hisayafeʼmo aigofe gemo huteʼa apakesamo faiteʼa apayate aligae.

Apa 21:4

Lamiteta Ala kava neʼmo geʼamo neʼafiya vayaʼaifeʼmo kahauya huta apaketetaeʼmo apakaeʼeʼmo magoke salemo lokaeta maiʼnone. Goti Aunemeʼamoʼmo hapa paiʼnigeʼa Polofeʼmo huʼapaeʼmo, Yulusalemu taonifiʼmo uka ohaiyo, huʼa ha paiʼnae.

Apa 26:28

Agalipaʼa hunoʼaeʼmo, aise afinaʼmo Kalisitini vekamo hamalesuvafeʼmo nagesamo alika naha nepaine, huno ha paiʼnigenoʼaeʼmo,

Apa 6:1

Yesu geʼamo neʼafiya vayaʼmo magoʼe huʼa asole vayaʼmo afole aiʼnageʼapaeʼmo Galiki apakemo neʼaiya Yu vayaʼmogimo Himulu apakemo neʼaiya Yu vayaʼaifeʼmo huʼapaeʼmo, Kogu aʼnetimo muki afinaʼae afinaʼaeʼmo aliʼa fako huʼa neʼapamiya monifatiʼmo noʼapamiye, huʼa ge hapauʼnae.

Apa 6:5

Hapa paiʼnageʼapaeʼmo muki vayaʼmogimo amuse huteʼapaeʼmo, kanalene, huʼa huteʼa Sitiveniʼa Gotifeʼmo alagepa huno agesamo afino fatago huʼnigeno Goti Aunemeʼamoʼmo aipafiʼmo havai teʼniya vekagi Filipiʼagi Polokolasiʼagi Naikenaʼagi Taimoniʼagi Pamenasiʼagi Nikolasiʼagi huʼa lekana paiʼa apateʼnae. Nikolasiʼa Atiyoki kotega vekamo Yu vayapati vekamo oʼmaiʼniyaʼmonanafa Yu mono gemo afiteno Yu vayapiʼmo eno maiʼniya vekamae.

Apa 9:19

Aniʼmo faleno atetegenoʼaeʼmo neʼyaʼmo neʼnigeno lokiya vaino ateʼniye.

Apa 9:38

Yopa taonimo Lita taonimo haopaleʼmo haneʼniyaʼmofeʼmo Pitaʼa Lita taonifiʼmo maiʼniye, huʼa huʼnaya gemo Yopa taonifiʼmo mago vayaʼmo geʼamo neʼafiya vayaʼmogi ani gemo afiteʼapaeʼmo lole vekalaʼmo aliʼa anateʼnageʼana uʼana Pitafeʼmo huʼanaeʼmo, Malage huka lagaetegamo eno, huʼana ha paiʼnaʼae.

1 Kolitiyani 11:18

Hogoteʼna lapa paiʼnaeʼmo, Mago vayaʼmogimo, aliʼa anupa huʼa neʼmaiya afinaʼmo aliʼa fako huʼa apaote apaote huʼa neʼmaiye, huʼa naha paiʼnageʼnaeʼmo alagi lama gegeʼmo huʼnegae, huʼna nagesamo afiʼnove.

1 Kolitiyani 12:12

Mago vekamoʼmo magoke agufamo haneʼniyaʼmonanafa muki agufafiʼmo alu ya alu yaʼamo haneʼniye. Agufafiʼmo asole yaʼamo haneʼniyaʼmonanafa magoke agufamo haneʼniye. Ani kavaʼmo huno Kalaisi agufamo haneʼniye.

1 Kolitiyani 14:23

Muki siosi vayaʼamo eʼa aliʼa anupa huʼa maiʼneʼapaeʼmo alu apake alu apakemo neʼaisageʼapaeʼmo saufamo apakesamo afiʼa fatago hugefe nehisaya vayaʼmogimofi apakesamo afiʼa fatago osuʼnaya vayaʼmogimofi huʼa eʼa afiteʼapaeʼmo negi nagi gemo nehaya vayaʼmo maiʼnae, huʼa hugae.

1 Kolitiyani 4:17

Lapakaemo ani kavaʼmo hisayafeʼmo Timotiʼa nahau nayamopafiʼmo nahauʼniya mafaʼneʼnimo aliʼna ateʼnovanageno lapakaetegamo ugiye. Agaemo Ala kava nepiʼmo maiʼnenoʼaeʼmo oʼataleno alagepa aliʼyaʼmo neʼaliye. Agaemo Kalaisi Yesupiʼmo maiʼneʼna nehuva kavafeʼmo nava gemo huno lapaipa lapakesamo alino he tino lapategaiye. Nagaemo mani kavafeʼmo muki haopalega siosiʼale siosiʼaleʼmo maiʼnaya vayaʼmo aliʼna apaya neʼmalove.

Efasasi 3:15

Goti afamo anaga vayaʼamo muki kokuʼnapi neʼmaiya vayaʼe ma mopafi neʼmaiya vayaʼmogiʼeʼmo Gotiʼa afoʼapimotetiʼmo ala apakiʼapimo neʼaliye.

Yemisi 2:7

Apakaemo lapakaefeʼmo alagepa agimo neʼaya agiʼalefeʼmo huʼa faipa huʼa neʼatae.

1 Pita 4:14

Lapakaemo Kalaisiʼmo akame nehayaʼmofeʼmo ge nelapausayana Goti aulagaleʼmo alagepa hutapa maiʼnayaʼmofeʼmo afaʼa lapamogaga aigae. Goti Aunemeʼamo ha le konali Aunemeʼamoʼmo lapakaeteʼmo alagi maiʼniyaʼmofeʼmae. Apakaemo Gotifeʼmo huʼa faipa huʼa neʼatagetapaeʼmo lapakaemo ala agiʼamo neʼamiye.

1 Pita 4:16

Aligayaʼmonanafa Kalisitini vayaʼmo maiʼnayaʼmofeʼmo kana yaʼmo alisayana lapavagage osutapa ani kavatefeʼmo Goti agiʼaleʼmo alita asaga hiyo.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

Leveleseni 3:18

Ani kavaʼmo hutapa maiʼnayaʼmofeʼmo kagemi yatapimo hanesiya vayaʼmo maisayafeʼmo goli yafaʼmo atafiʼmo kaeʼna aliʼna alagepa hu maleʼnova goli yafaʼmo nagaetetiʼmo miya faiyo. Lapakufaʼalagaʼageʼmo maiʼnayanageno lapavagage osisiyafeʼmo nagaetetiʼmo yaveyave kukena yaʼmo miya faita vaiyo. Lapaulagaletiʼmo ageta alagepa hutapa agesayafeʼmo lapaulagaleʼmo falesaya malasinimo nagaetetiʼmo miya faiyo.