Apa 11:20 - The Keyagana NT and 25 OT books

²⁰ Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.

Apa 11:20 ပူးပေါင်းရင်းမြစ်များ

Matiyu 27:32

Apakaemo taonifatiʼmo malaga avaleliʼa uʼnagenoʼaeʼmo mago vekamo agiʼamo Saimoniʼa Salini kotega vekamo neʼegeʼa fotu huteʼa malipu yosamo aliʼa kofiʼa ateʼnageno kofilino uʼniye.

Yoni 7:35

Yu vayaʼmogi apakaiʼapimo huʼapaeʼmo, haiya kotegamo visiyafe hunoʼaeʼmo kahauya hutapa oʼnagegae, huno nehiye. Agaemo vayatimo atagu faeʼa uʼa Galiki nofi vayaʼeʼmo lokaeʼa maiʼnaya kotegamo uno alino apaya malesiyafeʼmo nehifiye.

Apa 11:19

Sitiveniʼa faliʼniya afinatetiʼmo Goti vayaʼalegamo lusi hanageke kavaʼmo afole aiʼnigeʼapaeʼmo ataleʼa atagu faeʼuʼeʼa huʼnae. Mago vayaʼmo Finisiya kotegamo apaune heʼuʼa maige Saipalasi kotegamo apaune heʼuʼa maige Atiyoki taonifiʼmo apaune heʼuʼa maige huʼneʼapaeʼmo Goti geʼamo Yu vayaʼaifekeʼmo aeʼa hakalo huʼa hapa paiʼnae.

Apa 11:22

Ani kavafeʼmo ava gemo aino atagu faeno uneno huʼnigeʼa Yulusalemu siosi vayaʼmogi ani gemo afiteʼapaeʼmo Manamasiʼa aliʼa ateʼnageno Atiyoki taonifiʼmo uʼniye.

Apa 11:26

ageteno avalelino Atiyoki taonifiʼmo eʼniye. Anakaemo mago kafugamo siosi vayaʼeʼmo aliʼana anupa huʼana maiʼneʼanaeʼmo asole vayaʼmo aliʼana apaya maleʼnaʼae. Atiyoki taonifi vayaʼmogimo geʼamo neʼafiya vayaʼaifeʼmo apakiʼapimo Kalisitini vayane huʼa hogote afinaʼapimo apakimo apateʼnae.

Apa 11:27

Ani afinaʼmo mago vayaʼmo Gotitegati gemo alini eʼa aeʼa hakalo huʼa hapa nepaiya vayaʼmo Yulusalemu taonifatiʼmo eʼa Atiyoki taonifiʼmo avaʼyi huʼnae.

Apa 13:1

Atiyoki kotega siosileʼmo mago Gotitegati gemo alini eʼa aeʼa hakalo huʼa hapa nepaiya vayaʼe aliʼa apaya neʼmalaya vayaʼeʼmo maiʼnae. Ani vayaʼai apakiʼapimo Manamasiʼagi anupa vekae huʼa agi neʼaya vekamo Simiyoniʼagi Sailini kotega vekamo Lusiʼagi Maneyeniʼagi Soloʼagi huʼa maiʼnae. Maneyeni afaluʼamoʼmo Helotiʼa vayaʼaleʼmo yagaino neʼapateya vekamae.

Apa 14:26

solovala aniʼmo lakaeʼana halate Atiyoki taonifiʼmo eʼnaʼae. Goti vayaʼamogimo ani taonifatiʼmo hogoteʼa Gotiʼa yagaino anatesiyafeʼmo aliʼa ayapiʼmo anateteʼa aliʼa anatageʼana uʼana Goti aliʼyaʼamo aliʼnaʼae. Ani aliʼyaʼmo ago aliʼana hano huteʼana eʼnaʼae.

Apa 15:22

Apa vayanagi yagaiʼa neʼapataya vayatama vayanagi muki siosi vayanagi huʼa ani gemo afiteʼapaeʼmo, Mago vayaʼmo lekana paita apateteta Poloʼe Manamasiʼeʼmo alita apatesunageʼa Atiyoki taonifiʼmo lokaeʼa ugae, huʼa huteʼa Yutasiʼa alu agiʼamo Masamasiʼe Sailasiʼeʼmo lekana paiʼa anateʼnae. Ani vekalaʼmo muki konaga vayapatiʼmo hogote vekalane.

Apa 15:23

Ani gemo avoʼmo kaeʼapaeʼmo, Konagatimogitapae, huta, Alu nofi vayane. Atiyoki taonifiʼmo maiʼnaya vayaʼe Silisiya kotegamo maiʼnaya vayaʼmogitapaʼeʼmo ge lapamamaeʼnone. Lagaemo konagatapimogitamo apa vayaʼmogitaʼe yagaita neʼapatona vayatama vayaʼmogitaʼeʼmo avoʼmo kaeʼnone.

Apa 15:30

Aliʼa apateʼnageʼapaeʼmo alini uʼa Atiyoki taonifiʼmo avaʼyi huteʼa eyo huʼa huʼnageʼa muki vayaʼmo eʼa aliʼa anupa huʼa maiʼnae.

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 18:22

Sisaliya taonifiʼmo uno avaʼyi huteno ataleno uno Yulusalemu taonifiʼmo uno haino siosi vayaʼmo ge apamamaeteno apataleno Atiyoki taonifiʼmo uno lamiʼniye.

Apa 2:10

Filisiya vayaʼmo eta maige Pamifiliya vayaʼmo eta maige Isipi vayaʼmo eta maige Sailini taoni haopalega Lipiya kotega vayaʼmo eta maige Lomu vayaʼmo eta maige huʼnone.

Apa 4:36

Magoke vekamo agiʼamo Yosefeʼa Livai nofi vayapati vekamo Saipalasi ani agoʼnanenafi vekamo maiʼniye. Apa vayaʼmogimo agiʼamo Manamasiʼae huʼa ateʼnae. Manamasiʼae agimo aepaʼamo ina kavaʼmo huno alino lokiya vaino neʼapateya vekamae.

Apa 5:42

Apa vayaʼmogimo muki afinaʼae afinaʼaeʼmo alopa mono nopiʼe muki nopiʼeʼmo Yesuʼa Kalaisi vekamo maiʼniye, huʼa aliʼa apaya malege aeʼa hakalo huʼa hapa paige huʼa maiʼnae.

Apa 6:1

Yesu geʼamo neʼafiya vayaʼmo magoʼe huʼa asole vayaʼmo afole aiʼnageʼapaeʼmo Galiki apakemo neʼaiya Yu vayaʼmogimo Himulu apakemo neʼaiya Yu vayaʼaifeʼmo huʼapaeʼmo, Kogu aʼnetimo muki afinaʼae afinaʼaeʼmo aliʼa fako huʼa neʼapamiya monifatiʼmo noʼapamiye, huʼa ge hapauʼnae.

Apa 6:5

Hapa paiʼnageʼapaeʼmo muki vayaʼmogimo amuse huteʼapaeʼmo, kanalene, huʼa huteʼa Sitiveniʼa Gotifeʼmo alagepa huno agesamo afino fatago huʼnigeno Goti Aunemeʼamoʼmo aipafiʼmo havai teʼniya vekagi Filipiʼagi Polokolasiʼagi Naikenaʼagi Taimoniʼagi Pamenasiʼagi Nikolasiʼagi huʼa lekana paiʼa apateʼnae. Nikolasiʼa Atiyoki kotega vekamo Yu vayapati vekamo oʼmaiʼniyaʼmonanafa Yu mono gemo afiteno Yu vayapiʼmo eno maiʼniya vekamae.

Apa 6:9

Mago vayaʼmo Yu vayaʼai mono nopiʼmo aliʼa anupa huʼa maiʼnae. Ani mono noʼmo agiʼamo vayaʼmo kalavusi aliʼyaʼmo neʼaligeʼapaeʼmo hatu maeʼa apateʼnageʼa afaʼa uʼnaya vayaʼai mono none, huʼa agi ateʼnae. Ani vayaʼmo Yu vayapatiʼmo Sailini kotega vayaʼe Alekasani kotega vayaʼeʼmo maiʼnae. Apakaegi Silisiya kotega vayanagi Esiya kotega vayanagi huʼa Sitiveniʼa huʼniya geletiʼmo he tiʼa ge vaiʼnae.

Apa 8:35

Filipiʼa lekana paiʼniya gefatiʼmo Yesufeʼmo ava gemo aeno hakalo huno ha paiʼniye.

Apa 8:5

Filipiʼa Sameliya kotega taonifiʼmo uno Kalaisife ava gemo aeno hakalo huno hapa paiʼniye.

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Apa 9:29

Soloʼa koli osuno lokiya gemo huno Ala kava neʼmo Yesu agiʼalefeʼmo aeno hakalo huno hapa paiʼniye. Galiki apakemo neʼaiya Yu vayaʼeʼmo ge huge afige huʼa maiʼneʼa hapa paiʼnigeʼapaeʼmo amagisayafeʼmo huʼnae.

1 Kolitiyani 2:2

Hogoteʼna naipafiʼmo, apakaeʼeʼmo uʼna magokepi lokaeʼna maiʼneʼnaeʼmo muki kavafeʼmo nage kaniʼna ataleʼneʼna Yesu Kalaisifekeʼmo nagesamo afiʼneʼna Yesu Kalaisiʼmo malipu yosaleʼmo nili aiteʼa aliʼa he tiʼa ateʼnaya kavafekeʼmo nagesamo afiʼneʼna aeʼna hakalo huguve, huʼna lokiya vaiʼna nagesamo afiʼnove.

Galesiya 2:11

Inagi Pitaʼa Atiyoki taonifiʼmo eno hosu kavaʼmo huʼniyaʼmofeʼmo agaefeʼmo aulagafiʼmo ge hauʼnove.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.