Apa 11:17 - The Keyagana NT and 25 OT books

¹⁷ Lagaemo Yesu Kalaisi Ala kava nefeʼmo lagesamo afita fatago huʼnonagenoʼaeʼmo Gotiʼa Aunemeʼamo lamiʼniya kava huno alu nofi vayaʼmo apamiʼniyaʼmofeʼmo nagaemo ina agufa vekamogeʼna Goti kaʼmo afaʼa akaniʼna oʼategauve, huno hapa paiʼniye.

Apa 11:17 ပူးပေါင်းရင်းမြစ်များ

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Apa 10:45

Yu vayaʼmo apakesamo afiʼa fatago huʼnaya vayaʼmo Pitaʼeʼmo Yopa taonifatiʼmo eʼa maiʼnaya vayaʼmogimo ani kavaʼmo ageteʼapaeʼmo hapau aiʼnae. Alu apake alu apakemo aiteʼapaeʼmo Goti agiʼaleʼmo aliʼa asaga huʼnageʼa afiʼnae. Afiteʼapaeʼmo Gotiʼa fiku hapa maeno neʼapamiya Aunemeʼamo alu nofi vayaʼmo apamiʼniyaʼmofeʼmo hapau aiʼnae.

Apa 10:47

Pitaʼa hunoʼaeʼmo, Lagaemo Gotiʼa Aunemeʼamo ago lamiʼniya kava huno mani vayaʼmo ago apamiʼniyaʼmofeʼmo aniʼmo faleta apatesuna kavateʼmo mago vekamoʼmo ka akanino oʼategaiye.

Apa 11:15

Nagaemo aepa faiʼna gemo hapa nepaugenoʼaeʼmo Goti Aunemeʼamo hogoteno lagaeteʼmo emineʼniya kava huno apakaeteʼmo emineʼniye.

Apa 5:39

Inagi Gotiʼa alino aepa faiʼnisiyaʼmoʼmo lapakaemo alitapa hano hutapa oʼatalegae. Fiku yanagetapa lapakaemo Goti kameʼamo maigae. Mago kavaʼmo apakaetegamo osutapa afaʼa apataleyo, huʼna lapa nepauve, huno hapa paiʼniye.