Apa 10:9 - The Keyagana NT and 25 OT books

⁹ Egaʼamo Yopa haopalega kateʼmo neʼagenoʼaeʼmo Pitaʼa felugakukuʼmo nehavaeya noʼmo nokatoʼmuʼmo otu nokatoʼmumo haneʼnigeno nunumuʼmo hisiyafeʼmo uno haiʼniye.

Apa 10:9 ပူးပေါင်းရင်းမြစ်များ

2 Samiyo 11:2

Mago uneʼmo Neviniʼa hipaʼaleʼmo havaeno maigeno he tino nokatomuʼmo otuleʼmo uno haino uneno huʼniye. Agaemo aulu heno mugalegamo ageyategamo mago a kanomoʼmo aniʼmo nefalegeno ageʼniye. Ani a kanomo alagi alagepa apaulagamo neʼagaya a kanoe.

Samu 55:17

Netepinagi alopa yegefinagi haniʼilagaʼenagi huʼna nagaemo nunumuʼmo huʼna alopa gefatiʼmo keya aesugeno afigiye.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Sefanaiya 1:5

Nagaemo otu nokatoʼmuleʼmo uʼa haiʼa maiʼneʼa yegelefenagi kailefenagi kanefitefenagi huʼa monoʼmo nehaya vayaʼmo aliʼna hano huʼna apatalegauve. Lole apaipa apakesamo neʼafiya vayaʼmogi nagaefeʼmo mono huteʼa nagiʼnilefeʼmo lama gemo nehuve, huʼa huge aigofe gotiʼa Molekitefeʼmo mono huteʼa agiʼaletiʼmo lama gemo nehuve, huʼa huge nehaya vayaʼmo aliʼna hano huʼna apatalegauve.

Matiyu 20:5

Ani kava huno felugakukuʼmo ani agufa kavaʼmo huge uneʼmo ani agufa kavaʼmo huge huʼniye.

Matiyu 24:17

Kumatega maiʼnisaya vayaʼmogimo kagemi yaʼapimo alisayafeʼmo noʼapifiʼmo uʼa ohaiyo.

Matiyu 27:45

Felugakukuʼmo muki haopalegamo hani huteno loleʼe magoʼe aovamo utegeno halate uneʼmo yegemo leʼniye.

Matiyu 6:6

Nehayaʼmonanafa Afotapimofeʼmo nunumuʼmo hugefeʼmo notapifiʼmo uta haitapa kitamo ki maleʼneta fala kino neʼmaiya vekaekeʼmo nunumuʼmo hiyo. Afotapimoʼmo fala kita nehaya kavatapimo neʼageya vekamoʼa muki vayaʼai apaulagaleʼmo miyatapimo lapamigiye.

Maki 1:35

Egamo gotigefeʼmo huʼnigenoʼaeʼmo Yesuʼa he tino taonifatiʼmo atalenuno vaya oʼmaiʼnaya haopalegamo nunumuʼmo huʼniye.

Maki 6:46

Utageno Yesuʼa nunumuʼmo hugefeʼmo avefiʼmo uno haiʼniye.

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

1 Timoti 2:8

Nahauʼniyanageʼa muki ve anagaʼmogimo lole apakesamo oʼafiʼneʼa apaote kavaʼmo huʼa apaipamo neleya kavaʼmo ataleʼa alagepa huʼa maiʼneʼa muki haopalegamo maiʼneʼapaeʼmo nunumuʼmo hugae.

1 Samiyo 9:25

Henagaʼamo apakaemo ani aise aveleʼmo haneʼniya kotetiʼmo ataleʼa taonifiʼmo uʼa lamiʼnae. Samiyoʼmo Soloʼa avalelino noʼamo anagamo uno haino Soloʼeʼmo kegeʼmo huʼnaʼae. Soloʼmo haniʼilagamo ani anaga nopiʼmo havaeʼniye.