Apa 10:37 - The Keyagana NT and 25 OT books

³⁷ Ani alagepa gemo Yoniʼa aniʼmo faleno apateʼniya afinatetiʼmo Galeliya kotegamo afole aiteno muki Yutiya kotegaʼeʼmo aino atagu faeno uneno huʼniye.

Apa 10:37 ပူးပေါင်းရင်းမြစ်များ

Matiyu 2:1

Maliyaʼa Yesuʼmo Metelehamu taonifiʼmo Yuta kotegamo Helotiʼa kini vekamo maiʼneno vayaʼaiteʼmo yagaino apateʼniya afinaʼmo alino ateʼniye. Alino ateʼnigeʼapaeʼmo kanefiʼmo alagepa huʼa neʼagaya vayaʼmo yegemo haine neʼeya kotegatiʼmo eʼa Yulusalemu taonifiʼmo avaʼyi huteʼapaeʼmo,

Matiyu 3:6

Apakaemo eʼa hosu kavaʼapieʼmo aeʼa hakalo huʼa ha paiʼnageno Yoneni anipiʼmo aniʼmo faleno apateʼniye.

Luki 23:5

lokiya gefatiʼmo huʼapaeʼmo, Galeliya kotegatiʼmo aepa faino alino apaya maleme maleme eno manile Yutiya kotegaʼeʼmo alino apaya malenoʼaeʼmo muki vayaʼmogi hosu kavaʼmo hisayafekeʼmo alino he tino apateʼniye, huʼa ha paiʼnae.

Luki 4:14

Goti Aunemeʼamoʼmo Yesuʼa lokiya vaino ateʼnigeno halate aino atagi neno Galeliya kotega uʼnigeʼa ageteʼapaeʼmo ava gemo huʼnaya gemo muki Galeliya haopalegamo maiʼnaya vayaʼmogi afiʼnae.

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 2:22

Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.

Apa 26:26

Ala kini vekamoʼmo ani kavafeʼmo ava gemo ago afiʼniyaʼmofeʼmo koli osuʼna aeʼna hakalo huʼna ha nepauve. Ago afole yategamo afole aiʼniyaʼmofeʼmo ago afiʼnovana ani kavafeʼmo ava gemo ago afiʼniye.

Apa 28:22

Huliʼa oʼmeʼnayaʼmonanafa muki kotega maiʼnaya vayaʼmogimo alita fako hutapa lapaote maiʼnaya vayaʼmogitapaeʼmo hosu gemo nehae. Ani gemo afiʼnonaʼmofeʼmo ani kavafeʼmo kagesamo neʼafina gemo afigesune, huʼa ha paiʼnae.