Apa 10:31 - The Keyagana NT and 25 OT books

³¹ Koniliyasiyo, huno, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 10:31 ပူးပေါင်းရင်းမြစ်များ

Neniyo 10:12

Agaemo magoʼe gemo naha painoʼaeʼmo, Neniyo, huno, koli osuvo. Kagaemo aepa faika Goti gemo aepaʼamo agesanafe huge kagufamo alika afepi atege huʼnana afinaʼmo Gotiʼa nunumuʼmo huʼnana gemo afiteno alino nateʼnigeʼna emiʼneʼnove.

Neniyo 9:23

Gotiʼa kagaefeʼmo lusi kava huno hauʼniyaʼmofeʼmo aepa faika nunumuʼmo nehanagenoʼaeʼmo gekaleʼmo aeno atagaina huno naha paiʼnigeʼnaeʼmo kaha paisuvafeʼmo emiʼneʼnove. Huʼniyaʼmofeʼmo geʼaeʼmo kagesa afifi nehuka alagamuna gemo aepaʼamo afiteka ago.

Luki 1:13

enisole vekamoʼmo hunoʼaeʼmo, Sekalaiyasiyo, huno, koli osuvo. Nunumuʼmo huʼnana gemo Gotiʼa ago afiʼniyanageno akamo Ilisameteʼmo ve mafaʼnemo alino ategaiye. Agiʼamo Yoniʼae huka ato.

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 10:32

Kagaemo mago vayaʼmo alika apategeʼa Yopa taonifilagamo viyo. Mago vekamo agiʼamo Saimoniʼa mago alu agiʼamo Pitafeʼmo ge hisageno eno. Agaemo hamoʼamo Saimoni nopiʼmo agaeʼeʼmo lokaeno maiʼniye. Hamoʼamoʼmo afu agufaletiʼmo alu ya alu yaʼmo alo nehiya vekamo noʼamo ani haigileʼmo haneʼniye. Enoʼaeʼmo kaha paigiye, huno naha paiʼniyaʼmofeʼmo

Apa 10:4

Ala kava nene, huno, na agufa yane, huno afi geʼnigenoʼaeʼmo, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Filipai 4:18

Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

Leveleseni 5:8

Aliʼnigeʼapaeʼmo loleʼe loleʼe vayaʼe tuveti foʼa vayatama vayaʼmogiʼeʼmo aikeli sipisipimo aiyafiʼmo asagauʼa aiʼnae. Mukiʼamogimo apamete apamete huʼa alopa gitagana yaʼmo alige alopa goli yuvapa alige huteʼa maiʼnae. Ani yuvapafiʼmo atafiʼmo kaeʼnageno alagepa atumo neʼaiya agufa yaʼmo haneʼniya kava huno apaote vayaʼmogimo nunumuʼmo nehaya gemo haneʼniye.