Apa 10:30 - The Keyagana NT and 25 OT books

³⁰ Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 10:30 ပူးပေါင်းရင်းမြစ်များ

Samu 55:17

Netepinagi alopa yegefinagi haniʼilagaʼenagi huʼna nagaemo nunumuʼmo huʼna alopa gefatiʼmo keya aesugeno afigiye.

Neniyo 10:12

Agaemo magoʼe gemo naha painoʼaeʼmo, Neniyo, huno, koli osuvo. Kagaemo aepa faika Goti gemo aepaʼamo agesanafe huge kagufamo alika afepi atege huʼnana afinaʼmo Gotiʼa nunumuʼmo huʼnana gemo afiteno alino nateʼnigeʼna emiʼneʼnove.

Matiyu 28:3

Uʼana agaʼana alino alave nehiya yakana agufa vekamo fai maiʼnigeno kukenaʼaletiʼmo yaveyaveʼage huʼnigeʼana ageʼnaʼae.

Maki 16:6

Agaemo hunoʼaeʼmo, lapau oʼaiyo, huno, lapakaemo Yesuʼa Nasalasa taonifi vekamo malipu yosaleʼmo nili aiʼnageno faliʼniya vekamo agegefeʼmo neʼae. Ageyo, huno, Mafi oʼmaiʼnifa ago he tino uʼniye. Kiʼa ateʼnaya yaʼageʼmo haneʼniyanagi ageyo.

Luki 24:4

Na agufa kavaʼmo huʼnifi, huteʼa apakesa alaʼamo neʼafigeʼanaeʼmo alave alave nehiya kukena yaʼmo vailiʼnaʼa vekalaʼmo hapaopaleʼmo afole aiteʼana he tiʼana maiʼnaʼageʼapaeʼmo

Apa 1:10

Kokuʼnapiʼmo aulu heʼa ageʼa maiʼnageʼanaeʼmo lole vekalaʼmo yaveyave kukena vailiʼnaʼa vekalaʼmo malage huʼana afole aiteʼanaeʼmo apakaeʼeʼmo magokepi he tiʼana maiʼnaʼae.

Apa 10:22

Ami ati vayaʼaiteʼmo yagaino neʼapateya vekamo agiʼamo Koniliyasiʼa kagaetegamo alino lateʼnigeta neʼone. Agaemo kanale vekamo Gotifeʼmo mono nehiya vekamo maiʼniye. Muki Yu vayaʼmogimo huʼapaeʼmo, kanale vekae, huʼa nehaya vekamo maiʼnigeno Goti enisole vekaʼamoʼmo agaefeʼmo hunoʼaeʼmo, Pitafeʼmo ge hugenoʼao eno kaha paisigeka geʼamo afigane, huno ha paiʼniye, huʼa ha paiʼnagenoʼaeʼmo,

Apa 10:29

Alino nave liʼniyaʼmofeʼmo nagaefeʼmo eno hutapa ge huʼnageʼnaeʼmo mago gemo osuʼna afaʼa eʼnove. Nagaefeʼmo na agufa yafeʼmo ge huʼnae, huno apafi geʼnigenoʼaeʼmo

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 10:31

Koniliyasiyo, huno, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 3:1

Mago afinaʼmo Pitaʼe Yoniʼeʼmo Yulusalemu taonifiʼmo alopa mono notegamo yegemo uno lamino folaga huʼniya kanaleʼmo Yu vayaʼmogi nunumuʼmo nehaya kanaleʼmo uʼnaʼae.