Apa 10:23 - The Keyagana NT and 25 OT books

²³ Haitetapa mani nopiʼmo havaeyo afaʼa yagaiʼna lapategauvanagi, huno hapa paiʼniye. Egaʼamo Pitaʼa he tino uʼnigeʼapaeʼmo agaeʼe mago Yopa taonifi konaga vayaʼaʼeʼmo magokepi uʼnae.

Apa 10:23 ပူးပေါင်းရင်းမြစ်များ

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 10:29

Alino nave liʼniyaʼmofeʼmo nagaefeʼmo eno hutapa ge huʼnageʼnaeʼmo mago gemo osuʼna afaʼa eʼnove. Nagaefeʼmo na agufa yafeʼmo ge huʼnae, huno apafi geʼnigenoʼaeʼmo

Apa 10:33

malage huʼna kagaefeʼmo ge huʼnogeka alagepa kava huka nagaetegamo eʼnane. Gotiʼa ani gemo hapa paiyo, huno kaha paiʼniya gemo laha paisanageta afisunafeʼmo hemenimo Goti aulagaleʼmo eta alita anupa huta maiʼnone, huno ha paiʼniye.

Apa 10:45

Yu vayaʼmo apakesamo afiʼa fatago huʼnaya vayaʼmo Pitaʼeʼmo Yopa taonifatiʼmo eʼa maiʼnaya vayaʼmogimo ani kavaʼmo ageteʼapaeʼmo hapau aiʼnae. Alu apake alu apakemo aiteʼapaeʼmo Goti agiʼaleʼmo aliʼa asaga huʼnageʼa afiʼnae. Afiteʼapaeʼmo Gotiʼa fiku hapa maeno neʼapamiya Aunemeʼamo alu nofi vayaʼmo apamiʼniyaʼmofeʼmo hapau aiʼnae.

Apa 11:12

Goti Aunemeʼamoʼmo hunoʼaeʼmo, Lole kagesamo oʼafika apakaeʼeʼmo afaʼa uvo, huno naha paiʼniye. Nagaeʼe Yopa taonifi vayaʼmo sigisiʼa konagaʼnimogiʼeʼmo magokepi lokaeta uta Sisaliya taonifiʼmo uta agae nopiʼmo uta haita maiʼnone.

Apa 28:15

Lava gemo huʼnaya gemo Lomu taonifi konagatimogimo afiteʼapaeʼmo Apiyasi maketi kumateʼmo neʼageta fotu hutetaeʼmo lavaleʼnageta magokepi neʼunageʼapaeʼmo nata vayaʼai noʼmo loleʼe magoʼe noʼmo haneʼniya yateʼmo magoʼe huʼa Lomu taonifi konagatimogimo neʼageta fotu huteta Poloʼa apaketenoʼaeʼmo Gotifeʼmo hao ke heteno aipamo alino lokiya vaino ateʼniye.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Apa 9:38

Yopa taonimo Lita taonimo haopaleʼmo haneʼniyaʼmofeʼmo Pitaʼa Lita taonifiʼmo maiʼniye, huʼa huʼnaya gemo Yopa taonifiʼmo mago vayaʼmo geʼamo neʼafiya vayaʼmogi ani gemo afiteʼapaeʼmo lole vekalaʼmo aliʼa anateʼnageʼana uʼana Pitafeʼmo huʼanaeʼmo, Malage huka lagaetegamo eno, huʼana ha paiʼnaʼae.

Apa 9:42

Ani kavafeʼmo ava gemo muki Yopa haopalegamo aino atagu faenuneno huʼnigeʼapaeʼmo asole vayaʼmogi Ala kava nefeʼmo apakesamo afiʼa fatago huʼnae.

2 Kolitiyani 8:21

Ala kava neʼmo aulagalegeʼmo alagepa kavaʼmo osugunaʼmonanafa muki vayaʼai apaulagaleʼeʼmo alagepa kavaʼmo hugesune.

Himulu 13:2

Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.

1 Pita 4:9

Nata vayaʼmo notapileʼmo esagetapaeʼmo ge ohapauge lapaipa kafa ohapaege hutetapa alagepa hutapa neʼyakeʼmo apamiteta yagaitapa apateyo.