Apa 10:2 - The Keyagana NT and 25 OT books

² Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 10:2 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Samu 119:2

Avayafatiʼmo huʼniya keʼaepa geʼamo akame huge agesayafeʼmo muki apaipafatiʼmo kahauya huge huʼa neʼmaiya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 25:5

Nagufamo alika katika neʼnatana Gotigamo maiʼnanaʼmofeʼmo lama gekamo akame hisuvafeʼmo alika naya malo. Muki afinaʼaeʼmo kagava neʼmauve.

Samu 41:1

Kagemi yaʼapimo ohaneʼniya vayaʼaifeʼmo apakesamo neʼafiya vayaʼmo aulena vayaʼmo maiʼnae. Ala kava neʼmoʼa hanageke yapatiʼmo apakufamo alino katino apategaiye.

Samu 55:17

Netepinagi alopa yegefinagi haniʼilagaʼenagi huʼna nagaemo nunumuʼmo huʼna alopa gefatiʼmo keya aesugeno afigiye.

Aiyeya 59:19

Ani kavaʼmo hugiyaʼmofeʼmo yegemo uno lamino nefaleya kotegamo maiʼnaya vayaʼmogi agiʼalefeʼmo koli huge yegemo haine neʼeya kotegamo maiʼnaya vayaʼmogi ha le konali yaʼalefeʼmo koli huge hugae. Aniʼmo hetenoʼaeʼmo mopamo aeno ati nekaeya kava huʼa kame vayaʼamo neʼesagenoʼaeʼmo Goti Aunemeʼamoʼmo kalahuʼmeʼmo alino asai maleteno ha faino atalesigeno aune hegaiye.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Neniyo 6:16

Inagi kini vekamoʼmo vayaʼaifeʼmo hapa paiʼnigeʼa Neniyoʼmo avaleliʼa eʼa asagauʼa laiyoni anagaʼmogi kelifiʼmo yaga auʼnae. Kini vekamoʼmo Neniyofeʼmo hunoʼaeʼmo, Gotikamo muki afinaʼmo aliʼyaʼamo neʼalina Gotikamoʼmo kagufamo alino katino kategaiye, huno huʼniye.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Neniyo 6:26

Hemenimo mago keʼaepa gemo hu malovanagi muki yagaiʼna neʼapatova vayaʼmogimo Neniyo Gotiʼamofeʼmo koli huteʼa atete huʼa aiyafi maiyo. Agaemo afaʼa neʼmaiya Gotiʼa muki afinaʼmo maige maige huno maigiye. Muki afinaʼae afinaʼaeʼmo kini vekamo maiʼniyanageno neʼyagaiya lokiyaʼamo alagi hano osugiye. Agaemo yagaino apateme apateme neʼvisigenoʼaeʼmo atupa afinaʼmo afole aigiye.

Matiyu 25:17

Ani kava huno tu tausenimo amiʼniya vekamoʼmo akamelegaʼamo magoʼe huno tu tausenimo aliʼniye.

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Apa 10:22

Ami ati vayaʼaiteʼmo yagaino neʼapateya vekamo agiʼamo Koniliyasiʼa kagaetegamo alino lateʼnigeta neʼone. Agaemo kanale vekamo Gotifeʼmo mono nehiya vekamo maiʼniye. Muki Yu vayaʼmogimo huʼapaeʼmo, kanale vekae, huʼa nehaya vekamo maiʼnigeno Goti enisole vekaʼamoʼmo agaefeʼmo hunoʼaeʼmo, Pitafeʼmo ge hugenoʼao eno kaha paisigeka geʼamo afigane, huno ha paiʼniye, huʼa ha paiʼnagenoʼaeʼmo,

Apa 10:31

Koniliyasiyo, huno, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 10:35

Gotiʼa alu nofi vaya alu nofi vayapatiʼmo agaefeʼmo koli huteʼa alagepa kavaʼmo nehaya vayaʼaifeʼmo hapao keʼmo nehe.

Apa 10:4

Ala kava nene, huno, na agufa yane, huno afi geʼnigenoʼaeʼmo, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 10:7

enisole vekamo ataleno uʼniye. Inagi Koniliyasiʼa noʼafiʼmo aliʼyaʼmo neʼaliʼa vekalaʼe ami ati vekamo mono nehiya vekamo agaeʼeʼmo muki afinaʼmo lokaeno neʼmaiya vekaʼefeʼmo ge huʼnigeʼa eʼnageno

Apa 11:14

Eno mago gemo lapa paisigetapa kagaeʼe muki konaga vayakaʼeʼmo ani gemo afisageno Gotiʼa geʼaletiʼmo lapakufamo alino katino lapategaiye, huno naha paiʼniye, huno naha paiʼniye.

Apa 13:16

Poloʼa he tino ayaʼmo ataleteno aepa faino hapa painoʼaeʼmo, Isaleli vayaʼnimogitapaʼe alu nofi vayaʼmo Gotifeʼmo mono nehaya vayaʼmogitapaʼeʼmo geʼnimo afiyo.

Apa 13:26

Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 18:8

Ani afinaʼmo Yu vayaʼai monoteʼmo neʼyagaiya vekamo agiʼamo Kilisipasiʼagi afamo anagaʼagi mago Kolitiyani vayanagi huʼa ani gemo afiteʼapaeʼmo apakesamo afiʼa fatago huteʼa aniʼmo faleʼnae.

Apa 2:5

Ani afinaʼmo Yu vayaʼmo mono nehaya afinaʼmogeʼa muki kotegatiʼmo ete ete huʼa Yulusalemu taonifiʼmo maiʼnae.

Apa 22:12

Mago vekamo agiʼamo Ananayasiʼa mono vekamo lagae keʼaepa gemo akame nehiya vekamo maiʼnigeʼa muki Namasakasi taonifiʼmo maiʼnaya Yu vayaʼmogi agiʼaleʼmo aliʼa asaga huʼa ateʼnae.

Apa 8:2

Mago mono neʼafiya vayaʼmogi Sitiveniʼmo aliniʼuʼa kiʼa ateteʼapaeʼmo lusi kava huʼa yulagefa aiʼnae.

Apa 9:11

Alo huka mago kaʼmo agiʼamo api kateʼmo uvo. Uka Yutasi nopiʼmo maiʼniya vekamo Tasasi taonifi vekamo agiʼamo Soloʼa kahauya huka ago. Afiyo, huno, agaemo nunumuʼmo nehiye.

Apa 9:31

Ani afinaʼmo Goti mafaʼneʼamo aliʼa anupa huʼa maiʼnaya vayaʼmo Yutiya kotegagi Galeliya kotegagi Sameliya kotegagi huʼa maiʼnaya siosi vayaʼmogimo apaipamoʼmo falu huʼnigeʼa apayamufa huʼa maiʼnae. Gotifeʼmo koli huʼa maiʼnagenoʼaeʼmo Goti Aunemeʼamoʼmo alagepa huno hapa maeʼnigeʼa alagepa huʼa maiʼnageʼapaeʼmo magoʼe magoʼe huʼa asole vayaʼmo Goti mafaʼneʼamo hamaleʼnae.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Kolosi 4:2

Nunumuʼmo nehutapaeʼmo oʼataleta alagepa huta kava yagaiʼnetapa Gotifekeʼmo hao ke hetapa nunumuʼmo huge huge hutapa maiyo.

1 Tesaloniyani 5:17

Muki afinaʼmo oʼataletapa nunumuʼmo hiyo.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

Leveleseni 15:4

O Ala kava nene, huʼa, kagaikageʼmo kaote vekamo maiʼnanaʼmofeʼmo ina lagimo kagaefeʼmo koli osuʼa kagikaleʼmo aliʼa asaga osugae. Kagaemo anonaʼapilefeʼmo alagepa huka alika fako huka apateteka neʼapamina kavakamo ago afole aiʼniyaʼmofeʼmo muki alu nofi vaya alu nofi vayaʼmogimo eʼa kaulagaleʼmo kagaetefeʼmo mono hugae, huʼa huʼnae.