Apa 10:1 - The Keyagana NT and 25 OT books

¹ Mago vekamo agiʼamo Koniliyasiʼa Sisaliya taonifiʼmo maiʼnenoʼaeʼmo ami ati vayaʼaiteʼmo yagaino apateʼniye. Ami ati vayaʼaifeʼmo apaki aeʼapaeʼmo Itali kotega vayane, huʼa apaki aeʼnae.

Apa 10:1 ပူးပေါင်းရင်းမြစ်များ

Matiyu 27:27

Pailati ati vayaʼamogimo avaleli uʼa gamani vayaʼai nopiʼmo uʼa haiʼa ateʼneʼapaeʼmo muki ati vayaʼaifeʼmo ge huʼnageʼa eʼa aliʼa anupa huʼa maiʼnae.

Matiyu 27:54

Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Maki 15:16

Ati vayaʼmogimo avaleliʼuʼa gamani vayaʼaiteʼmo yagaino neʼapateya vekamo nopiʼmo uʼa haiʼa ateʼneʼa muki ati vayaʼaifeʼmo ge huʼnageʼa eʼa aliʼa anupa huʼa maiʼnae.

Luki 7:2

Mago Lomu gamani vekamoʼmo ati vayaʼaiteʼmo yagaino neʼapateya vekamo aliʼyaʼamo neʼaliya vekaeʼmo hauʼniya vekamo kaita hauʼnigeno faligefeʼmo huʼniye.

Yoni 18:12

Inagi gamani ati vayanagi apakaeteʼmo yagaino neʼapateya vekagi alopa mono noteʼmo neʼyagaiya ati vayanagi huʼa Yesuʼmo atafauʼa ayatalateʼmo nofi kiʼa ateʼnae.

Yoni 18:3

Yosa hoyafiʼmo maiʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi gamani ati vayanagi alopa mono noteʼmo neʼyagaiya ati vayanagi huʼa aliʼa apateʼnageʼa uʼnae. Ata kani aeʼa alige lamufi kani aeʼa alige kayoʼmo alige naipemo alige hutageno Yutasiʼa apavalelino eʼniye.

Apa 10:24

Egaʼamo Sisaliya taonifiʼmo uʼa avaʼyi huʼnae. Koniliyasiʼa agaiʼa nofi vayaʼe ao vayaʼeʼmo ge huʼnigeʼa eʼa aliʼa anupa huʼa Pitafeʼmo agava maiʼnae.

Apa 21:31

Apano aeʼnaya vayaʼmogimo huʼapaeʼmo, faligiye, huʼa huteʼa neʼamagigenoʼaeʼmo mago vekamoʼmo Lomu ati vayaʼaiteʼmo yagaino neʼapateya vekalegamo uno ha painoʼaeʼmo, Muki Yulusalemu vayaʼmogi apano neʼae, huno ha paiʼnigenoʼaeʼmo

Apa 21:8

Egamo Poloʼa avagi huʼnona vayaʼmo apakaemo apataleta Sisaliya taonifiʼmo uta avaʼyi huteta Filipiʼa umenitata huno alagepa faigoko gemo aeno hakalo huno hapa nepaiya vekamo nopiʼmo uta haita agaeʼeʼmo lokaeta maiʼnone. Filipiʼa seveniʼa vayaʼmo Yulusalemu taonifiʼmo lekana paiʼa apateʼnaya vayapati vekamo maiʼniye.

Apa 22:25

Hapa paiʼnigeʼa avaleliʼa uʼa haiʼa amagisayafeʼmo nofi kiʼa ateʼnagenoʼaeʼmo Poloʼa mago vekamo haopaleʼmo he tino maiʼniya vekamo ati vayaʼaiteʼmo yagaino neʼapateya vekaeʼmo, Lapakae keʼaepa getapimoʼa lapakaefeʼmo hunoʼaeʼmo, Lomu vayaʼmogi yagaiʼa neʼataya vekamo agoti hutapa oʼateʼnaya vekamo amagiyo, huno lapa paiʼnifiye, huno afi geʼniye.

Apa 23:23

Ati vayaʼaiteʼmo hogote vekamo yagaino neʼapateya vekamoʼmo ati vayaʼaiteʼmo yagaiʼana neʼapataʼa vekalafeʼmo hunoʼaeʼmo, Tu hataletiʼa ati vayanagi sevetiʼa hosileʼmo fai maiʼneʼa uʼeʼa nehaya vayanagi tu hataletiʼa hayomo aliʼnaya vayanagi hutana Sisaliya taonifiʼmo kitamo nekuna afinaʼmo visayafeʼmo alo hiʼao.

Apa 23:33

Sisaliya taonifiʼmo avaleliʼuʼa yagaino neʼapateya vekamo ayapiʼmo Poloʼmo ateteʼa avoʼmo amiʼnae.

Apa 25:1

Fesitasiʼa yagaino apatesiya kotegamo eno avaʼyi huteno loleʼe magoʼe afinaʼmo utegeno Sisaliya kotegamo ataleno Yulusalemu taonifiʼmo eno avaʼyi huʼniye.

Apa 25:13

Mago afinaʼmo utegeʼana mago ala kini vekamo agiʼamo Agalipaʼe aʼamo Menisiʼeʼmo Sisaliya kotegamo Fesitasiʼa agesaʼafeʼmo eʼnaʼae.

Apa 27:1

Itali kotegamo sipifiʼmo apavaleliʼa ugae, huʼa huteʼa Poloʼe mago kalavusi huʼa apateʼnaya vayaʼeʼmo apavaleliʼuʼa mago ati vayaʼaiteʼmo yagaino neʼapateya vekamo agiʼamo Yuliyasifeʼmo, yagaika apato, huʼa ha paiʼnae. Yuliyasiʼa hogote vekamo Sisa ati vayapati vekamo maiʼniye.

Apa 27:31

Inagi Poloʼa ati vayaʼaiteʼmo yagaino neʼapateya vekaeʼmo hunoʼaeʼmo, Sipifiʼmo aliʼyaʼmo neʼaliya vayaʼmo sipimo ataleʼa visagetapaeʼmo faitapa kasalo opaegae, huno ha paiʼnigeʼapaeʼmo

Apa 27:43

ati vayaʼaiteʼmo yagaino neʼapateya vekamoʼmo Polo agufamo alino katino atesiyafeʼmo hunoʼaeʼmo, haʼao, huno hapa paitenoʼaeʼmo nagosa neʼaiya vayaʼaifeʼmo hunoʼaeʼmo, Anipiʼmo asagautapa aiteta nagosa aime aime utapa ani agiʼnaleʼmo avaʼyi hiyo, huno hapa paiteno

Apa 8:40

Goti Aunemeʼamoʼmo Filipiʼmo avalelinuno ateʼnigenoʼaeʼmo, Asatoti taonifiʼmo maiʼnove, huno agetenoʼaeʼmo muki taoniʼafi taoniʼafiʼmo aeno hakalo huno hapa paimale hapa paimale hulinuno Sisaliya taonifiʼmo uno avaʼyi huʼniye.