Apa 1:5 - The Keyagana NT and 25 OT books

⁵ Yoniʼa anilafapiʼmo aniʼmo faleno apatetenoʼaeʼmo aise afinaʼmo utesigeʼna Goti Aunemeʼaletiʼmo aniʼmo faleʼna lapategauve, huno hapa paiʼniye.

Apa 1:5 ပူးပေါင်းရင်းမြစ်များ

Matiyu 3:11

Nagaemo lapaipamo alita afe leʼnaya kavatefeʼmo aniʼaletikeʼmo faleʼna nelapatovanageno nagae nakame huno esiya vekamoʼmo Goti Aote Aunemeʼaletiʼe ataletiʼeʼmo aniʼmo faleno lapategaiye. Agaemo lokiyaʼamoʼmo nagaemo lokiyaʼnimo ago aeno naga seʼniyaʼmofeʼmo afa vekamo maiʼneʼna aliʼyaʼamo neʼaluva agufa vekaʼagana huʼna maiʼnovanageʼna suʼamo aliniʼna visuva kavaʼmo huʼna afaʼa oʼmaiʼnove.

Matiyu 3:6

Apakaemo eʼa hosu kavaʼapieʼmo aeʼa hakalo huʼa ha paiʼnageno Yoneni anipiʼmo aniʼmo faleno apateʼniye.

Maki 1:8

Nagaemo aniʼaletikeʼmo faleʼna nelapatovaʼmonanafa Goti aote Aunemeʼaletiʼmo faleno lapategaiye, huno aeno hakalo huno hapa paino maiʼniye.

Luki 3:16

Afiʼnagenoʼaeʼmo Yoniʼa hunoʼaeʼmo, nagae nakamemo huno esiya vekamo ayamufaʼamoʼmo nagae nayamufamo ago aeno naga seno maiʼniye. Nagaemo suʼamo nofiʼmo afaʼa hakalu hesuva agufa kavaʼmo huʼna oʼmaiʼnove. Nagaemo aniʼaletikeʼmo aniʼmo faleʼna lapateʼnovanageno agaemo aote Aunemeʼaletiʼe ataletiʼeʼmo aniʼmo faleno lapategaiye.

Yoni 1:26

nagaemo aniʼaletikeʼmo faleʼna neʼapatovaʼmonanafa lapakae folagapiʼmo mago vekamo maiʼniyana oʼageʼnae.

Yoni 1:31

Agaemo oʼageʼnovaʼmonanafa Isaleli vayaʼmo aliʼna apave lisuvafeʼmo eʼna aniʼmo faleʼna neʼapatove, huno hapa paiʼniye.

Yoni 1:33

Ageʼnovana ina lapi huʼna oʼageʼnovaʼmonanafa aniʼmo faleʼna apatesuvafeʼmo alino nateʼnigeʼna eʼnova vekamoʼmo, Nauneʼnameʼmo emineno mago vekaleʼmo maige maige huno maisigeka agegane. Ani vekamoʼmo naote Nauneʼnametetiʼmo aniʼmo faleno apatesiya vekamo maiʼniye, huno naha paiʼnigeʼnaeʼmo

Apa 10:45

Yu vayaʼmo apakesamo afiʼa fatago huʼnaya vayaʼmo Pitaʼeʼmo Yopa taonifatiʼmo eʼa maiʼnaya vayaʼmogimo ani kavaʼmo ageteʼapaeʼmo hapau aiʼnae. Alu apake alu apakemo aiteʼapaeʼmo Goti agiʼaleʼmo aliʼa asaga huʼnageʼa afiʼnae. Afiteʼapaeʼmo Gotiʼa fiku hapa maeno neʼapamiya Aunemeʼamo alu nofi vayaʼmo apamiʼniyaʼmofeʼmo hapau aiʼnae.

Apa 19:4

Poloʼa hunoʼaeʼmo, Yoniʼa aniʼmo faleno neʼapatenoʼaeʼmo, Lapaipamo alita afe letetapa nagae nakameʼmo huno esiya vekamo Yesu Kalaisifeʼmo lapakesamo afitapa fatago hiyo, huno hapa paiʼniye, huno hapa paiʼniye.

1 Kolitiyani 12:13

Ani kavatefeʼmo Kalaisiʼa mukiʼamogitamo Aunemeʼaletiʼmo agufafiʼmo faleno lateʼnigeta magoke agufaʼamo maiʼnone. Ani kavaʼmo huno Aunemeʼamo lamiʼnigeta aniʼmo negekana huta neteta aliʼnone. Mukiʼamogitamo Yu vayanagi Yu nofi vayapatiʼmo oʼmaiʼnaya vayanagi kalavusifi maiʼneʼa afa aliʼyaʼmo neʼaliya vayanagi afaʼa neʼmaiya vayaʼmogi huta magoke Kalaisi agufaʼamo maiʼnone.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.