Apa 1:15 - The Keyagana NT and 25 OT books

¹⁵ Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 1:15 ပူးပေါင်းရင်းမြစ်များ

Matiyu 13:31

Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago vekamoʼmo masateti avina yaʼmo hoyaʼafiʼmo fai maleʼniya avina yakana huno haneʼniye.

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Yoni 21:23

Yesuʼa ani gemo huʼniyaʼmofeʼmo ani konaga vayaʼmogi apakaiʼapimo ge huʼapaeʼmo, ani vekamo ofalisiyafeʼmo huʼniye, huʼa huʼnae. Huʼnayaʼmonanafa Yesuʼa hunoʼaeʼmo, ofaligiye, huno osuʼnifa afaʼa maiʼnisigeʼna emiʼnegauve, huʼna hisuvana kagae yaʼmo ohaneʼniye, huno huʼniye.

Apa 10:23

Haitetapa mani nopiʼmo havaeyo afaʼa yagaiʼna lapategauvanagi, huno hapa paiʼniye. Egaʼamo Pitaʼa he tino uʼnigeʼapaeʼmo agaeʼe mago Yopa taonifi konaga vayaʼaʼeʼmo magokepi uʼnae.

Apa 11:1

Alu nofi vayaʼmogi Goti geʼamo afiteʼa aliʼa apaipafiʼmo maleʼnae, huʼa huʼnaya gemo apa vayaʼe Yutiya kotega konaga vayaʼmogiʼeʼmo afiʼnae.

Apa 11:12

Goti Aunemeʼamoʼmo hunoʼaeʼmo, Lole kagesamo oʼafika apakaeʼeʼmo afaʼa uvo, huno naha paiʼniye. Nagaeʼe Yopa taonifi vayaʼmo sigisiʼa konagaʼnimogiʼeʼmo magokepi lokaeta uta Sisaliya taonifiʼmo uta agae nopiʼmo uta haita maiʼnone.

Apa 11:26

ageteno avalelino Atiyoki taonifiʼmo eʼniye. Anakaemo mago kafugamo siosi vayaʼeʼmo aliʼana anupa huʼana maiʼneʼanaeʼmo asole vayaʼmo aliʼana apaya maleʼnaʼae. Atiyoki taonifi vayaʼmogimo geʼamo neʼafiya vayaʼaifeʼmo apakiʼapimo Kalisitini vayane huʼa hogote afinaʼapimo apakimo apateʼnae.

Apa 11:29

Geʼamo neʼafiya vayaʼmogimo ani gemo afiteʼapaeʼmo, Yutiya kotega maiʼnaya konagatimogi hapa maeta na magi monimo maleʼnopigeta ani kavaʼmo huta magoke magoke huta apamigune, huʼa huʼnae.

Apa 12:17

Pitaʼa ayatetiʼmo hunoʼaeʼmo, ge osiyo, huno hapa paitenoʼaeʼmo Ala kava neʼmoʼa kalavusi nopatiʼmo avalelino eʼniya kavafeʼmo ava gemo huno hapa paitenoʼaeʼmo, Utapa ani gemo Yemisiʼe muki konagatimogiʼefeʼmo hapa paiyo, huno hapa paiteno apataleno alu kotegamo uʼniye.

Apa 14:2

Huʼnayaʼmonanafa mago apakesa afiʼa fatago osuʼnaya Yu vayaʼmogimo apa vekalaʼanifeʼmo alu nofi vayaʼai apakesamo faiteʼa aliʼa he tiʼa apateʼnae.

Apa 15:1

Henagaʼamo mago vayaʼmo Yutiya kotegatiʼmo eʼa Atiyoki taonifiʼmo mago konaga vayaʼaifeʼmo aliʼa apaya maleʼapaeʼmo, Mosese keʼaepa gemoʼa hunoʼaeʼmo, lapakufamo lagauʼa lapateyo, huno huʼniya gemo akame osisayana Gotiʼa lapakufamo alino katino lapategaiye, huʼa hapa paiʼnae.

Apa 15:3

Inagi aliʼa apateʼnageʼa Yulusalemu kotega kateʼmo uʼa Fonisiya kotegaʼe Sameliya kotegaʼeʼmo umenitata huʼapaeʼmo, Asole alu nofi vayaʼmogimo aiʼa afe leʼa Gotitegamo eʼnae, huʼa hapa paimale hapa paimale huʼnageʼapaeʼmo muki konaga vayaʼmogimo lusi kava huʼa apamogaga aiʼnae.

Apa 16:2

Lisitiya taonifi konaga vayaʼe Aikoniyamu taonifi konaga vayaʼmogiʼeʼmo huʼapaeʼmo, kanale vekamo maiʼniye, huʼa huʼnae.

Apa 16:40

Poloʼe Sailasiʼeʼmo kalavusi nopatiʼmo ataleʼana Litiya notegamo uʼana maiʼneʼanaeʼmo konagaʼanimogifeʼmo Gotiʼa apaipamo alino lokiya vaino apatesiya gemo hapa paiteʼana apataleʼana uʼnaʼae.

Apa 17:10

Hani nehigeʼapaeʼmo konagaʼanimogimo Poloʼe Sailasiʼeʼmo aliʼa anateʼnageʼana Meliya taonifiʼmo uʼana avaʼyi huʼnaʼae. Uʼana avaʼyi huteʼana Yu vayaʼai mono nopiʼmo uʼa haiʼana Goti geʼamo hapa paiʼnaʼae.

Apa 17:14

Ani kavaʼmo nehageʼapaeʼmo konagaʼamogimo Poloʼmo aliʼa ateʼnageno uno lamino solovalategamo maiʼnigeʼanaeʼmo Sailasiʼe Timotiʼeʼmo Meliya taonifiʼmo maiʼnaʼae.

Apa 17:6

nopiʼmo oʼmaiʼnaʼageʼapaeʼmo Yesoniʼe mago konagaʼaʼeʼmo eʼa apayate heʼa apavayu huliʼa yagaiʼa neʼapataya vayaʼaitegamo eʼapaeʼmo, muki haopalega hanageke kavaʼmo nehaʼa vekalaʼmo manileʼmo eʼana maiʼnaʼageno

Apa 18:18

Inagi Poloʼa konagaʼamogiʼeʼmo Kolitiyani taonifiʼmo yatala afinaʼmo apakaeʼeʼmo lokaeno maiteno apataleno ugefeʼmo huʼnigenoʼaeʼmo mago yalavelaʼmo Pilisilaʼe Akuvilaʼeʼmo sipifiʼmo magokepi Siliya kotegamo uʼa avaʼyi hisayafeʼmo uʼnae. Ugefeʼmo nehunoʼaeʼmo Senekiliya taonifiʼmo maiʼnenoʼaeʼmo hogoteno Gotifeʼmo huguve, huno ha paiʼniya kavaʼmo akame huno ayokaʼmo lagauʼniye.

Apa 18:27

Apolosiʼa hunoʼaeʼmo, Akaiya kotega ugesuve, huno hapa paiʼnigeʼapaeʼmo konagaʼamogimo huʼapaeʼmo, He, kanalene, huʼa huteʼa, Galiki konagaʼapimogi Goti geʼamo neʼafiya vayaʼaifeʼmo mago avoʼmo kaeʼapaeʼmo, Alita falu fala hutapa ateyo, huʼa kaeʼa amiʼnae. Uno avaʼyi hutenoʼaeʼmo Gotiʼa fiku hapa maeno apamiʼnigeʼa apakesamo afiʼa fatago nehaya vayaʼmo alagepa huno hapa maeʼniye.

Apa 21:17

Lagaemo Yulusalemu taonifiʼmo uta avaʼyi huʼnonageʼapaeʼmo konagatimogimo apamogaga aiteʼa aliʼa falu fala huʼa lateʼnae.

Apa 21:20

Ani gemo afiteʼapaeʼmo mukiʼamogi Goti agiʼaleʼmo aliʼa asaga huʼa ateʼnae. Apakaemo Polofeʼmo, konagatimogae, huʼa, asole Yu vayaʼmogimo apakesamo afiʼa fatago huteʼapaeʼmo keʼaepa gemo apayamukiki huʼa akame nehae.

Apa 21:7

Taiya taonifatiʼmo ataleta aniʼmo lakaeta Tolemesi taonifiʼmo uta avaʼyi huteta uta lamita konagatimogifeʼmo ge apamamaeteta apakaeʼeʼmo magoke afinaʼmo lokaeta maiʼnone.

Apa 22:5

Mono huʼa neʼapataya vayaʼaiteʼmo yagaino neʼapateya vekaʼe muki kanisole vayaʼmogiʼeʼmo huʼnova kavaʼnimo ago nageʼnayanageʼa afaʼa nava gemo huʼa lapa paigae. Apakaemo mago avoʼmo kaeʼa namiʼnageʼna alininuʼna Namasakasi taonifiʼmo Yu vayaʼmo apamisuvafeʼmo kaeʼa namiʼnae. Nagaemo ani vayaʼmo kalavusi huʼna apateteʼna Yulusalemu taonifiʼmo apavaleliʼna esugeʼa lusi hosu apakafu yaʼmo alisayafeʼmo uʼnove.

Apa 28:14

Ani taonifiʼmo maiʼnaya konagatimogimo lagaefeʼmo huʼapaeʼmo, lagaeʼeʼmo maiyo, huʼa huʼnageta magoke salemo apakaeʼeʼmo maiteta apataleta Lomu taonifiʼmo visunafeʼmo uʼnone.

1 Kolitiyani 15:6

Afole aitenoʼaeʼmo faefu hataletiʼa konaga vayaʼmo ago aeno agaseno magoʼe konaga vayaʼeʼmo magokepi lokaeʼa maiʼnaya konaga vayaʼai apaulagaleʼeʼmo afole aiʼniye. Ani vayapatiʼmo asole vayaʼmo hemenimo afaʼa maiʼnayaʼmonanafa mago vayaʼamo ago faliʼnae.

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.

Leveleseni 3:4

Mago Satisi taonifiʼmo maiʼnaya siosi vayaʼamogitapamo kukenatapileʼmo oʼaniʼyamo ofaiʼniye. Lapakaemo yaveyave kukenamo vaitetapa nagaeʼeʼmo umenitata hisaya vayaʼmo maiʼnae.