Aiyeya 9:6 - The Keyagana NT and 25 OT books

⁶ Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Aiyeya 9:6 ပူးပေါင်းရင်းမြစ်များ

Samu 45:3

Lokiya vekae, huʼna, kagaemo ha le konali yakaʼe ala kagikaleʼefeʼmo hapau aiteʼa amuse huʼa nekataya vekamo maiʼnananagi naipekamo alika mapalukafiʼmo anoʼafiʼmo faika falu kaeteka uka kamemo huvo.

Samu 45:6

O Gotiyo, huʼna, muki afinaʼmo yagaika apatege apatege huka maigane. Fatago kavaʼmo huka vayakaleʼmo alagepa huka yagaika neʼapatane.

Samu 45:7

Kagaemo alagepa kavafeʼmo lusi kava huno kahauʼnigeno hosu kavafeʼmo kaini huʼnane. Ani kavaʼmo nehanaʼmofeʼmo Gotiʼa Gotikamoʼmo uvelimo lakino katetenoʼaeʼmo lekana paino kateʼniyanageka alagepa huka kamogaga aika maisanafeʼmo magoʼe huno kamiʼnigeka kafalukamogimo aeka apakaseka alagepa huka maiʼnane, huno ha paiʼniye.

Samu 50:1

Gotiʼa Ala kava neʼmo lokiyaʼaʼe vekamoʼmo ge huʼniye. Agaemo yegemo haine neʼeya kotegamo maiʼnaya vayaʼe yegemo uno lamino nefaleya kotegamo maiʼnaya vayaʼefeʼmo keya aeno ge huʼniye. Muki ma mopafi vayaʼaifeʼmo keya aeno ge huʼniye.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Samu 72:3

Fatago kavaʼaletiʼmo yagaino apateʼninageʼa aise aveleʼe alopa aveleʼeʼmo maiʼnaya vayaʼmo alagepa huʼa maisageno hoyaʼapifatiʼmo alagepa neʼyaʼmo afole aigiye.

Samu 72:7

Maige maige huno maiʼnisigeʼapaeʼmo fatago vayaʼmo magoʼe huʼa alagepa huʼa maigae. Muki afinaʼmo kaimo nelesigeʼapaeʼmo alagepa huʼa magokepi lokaeʼa maigae.

Samu 85:10

Hau huno apatesiya kavaʼaʼe lama geʼaʼeʼmo eʼana fotu huʼnaʼae. Fatago kavaʼaʼe alino nanu aeno apatesiya kavaʼaʼeʼmo eʼana hanaeʼana neʼnaʼae.

Samu 89:5

O, Ala kava nene, huʼna, kokuʼnapiʼmo maiʼnaya vayaʼmogi nehana kavakamo ageteʼapaeʼmo hapau aiteʼa ala kagikamo kamigae. Apaote vayaʼmo aliʼa anupa huʼa maiʼneʼapaeʼmo gekamo akame nehana kavakalefeʼmo alagepa kavaʼageʼmo nehiye, huʼa hugae.

Mai'naya kavane 8:23

Aepa ofaiʼniya afinatetiʼmo maiʼnogeno lekana paino nateʼniye. Ma mopamo ohaneʼnigeʼnaeʼmo hogoteʼna maiʼnove.

Aiyeya 11:5

Fatago kavaʼmo mapalugana huno afafaleʼmo aegaiye. Ina kava huno aliʼyaʼamo oʼataleno alagepa huno alime alime visiya kavaʼamoʼmo mapalugana huno aegaiye.

Aiyeya 26:12

Ala kava nene, huʼna, alagepa aliʼyatimo lagaepiʼmo alo huʼnanaʼmofeʼmo laha maesanageno laipamoʼmo falu hisigeta alagepa huta maigune.

Aiyeya 26:3

Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.

Aiyeya 32:1

Afiyo, huno, Mago kini vekamoʼmo fatago kavaʼaletiʼmo yagaino apatesigeʼa ala vayaʼmogiʼeʼmo alagepa huʼa aliʼa fako huʼa yagaiʼa apategae.

Aiyeya 53:10

Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Aiyeya 53:2

Ala kava neʼmo aliʼyaʼamo neʼaliya vekamoʼmo aulagaleʼmo eno haineno kava faigekana huno kosigiye. Agaemo hafuʼyamo aegekana huno vaiʼniya mopafatiʼmo afole aigiye. Agaemo kanale agufamo ohanege ha le konali yaʼamo agufaleʼmo ohanege huʼniye. Alagepa laulagamo noʼagona vekamo maiʼniyaʼmofeʼmo agaefeʼmo ageta lahaʼye osuʼnone.

Aiyeya 53:5

Goti geʼamo amagita ataleʼnona kavatilefekeʼmo amagiʼnagenoʼaeʼmo kolaʼamoʼmo huʼniye. Hosu kavatilefekeʼmo lusi kava huʼa amagiʼnae. Nofi kayotetiʼmo amagiʼnaya kavatetiʼmo Gotiʼeʼmo alino lao yaʼmo huno lateʼniye. Fugaginaʼamoʼmo huʼniya kavatetiʼmo alino lahageno lateʼniye.

Aiyeya 63:16

Huʼnanaʼmonanafa kagaemo afotimogamo alagi maiʼnane. Emalehamuʼmo hemenimo olageʼnigeno Isaleliʼmo gemo laha nopaiyaʼmonanafa kagaemo O Ala kava neʼmogae, huta, afotimogamo maiʼnane. Alagi akeyaʼvilagamo miya faika hatu maeka nelatana Gotigae, huta kagi neʼaone.

Aiyeya 66:12

Ala kava neʼmoʼa ina gemo hunoʼaeʼmo, Afiyo, huno, Alopa aniʼmo uno nelamiya kava huʼna alagepa huta maisaya yaʼmo mafaʼne anagaʼamo lapamiguve. Aniʼmo uno nelamiya kava huʼna malaga vayaʼmogi kagemi yaʼapimo lapamiguve. Ani afinaʼmo nuʼaleʼmo neʼnesageno lapanu kilino ugiye. Agaemo lapavaleno aluteʼmo lapateteno alino alagepa huno lapategaiye.

Aiyeya 7:14

Ala kava neʼmoʼa agaiʼamo afole aisiya kavafeʼmo alagena kavaʼmo alino lapave ligiye. Afiyo, huʼna, mago saufa aʼmafaʼnemo veʼeʼmo lokaeno ohavaeʼniya aʼmafaʼnemoʼmo aipaguʼeʼmo maiteno ve mafaʼnemo alino ategaiye. Ani mafaʼneeʼmo agiʼamo Imanuveliʼae, huʼa hugae. Ani agimo aepaʼamo Gotiʼa lagaeʼeʼmo magokepi lokaeno neʼmaiye.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Neniyo 7:14

Ani akeyaʼvilagamo neʼmaiya vekamoʼmo ani vekamo alino kini vekamo ateteno ha le konali yaʼe yagaino apatesiya himamuʼeʼmo amiʼniye. Muki vayanagi muki nofi vayaʼenagi muki alu apakemo alu apakemo neʼaiya vayanagi huʼa aiyafi maisageno yagaino apatesiyafeʼmo alino ateʼniye. Agaemo muki afinaʼmo yagaino apateno alagi yagaino apateno hano osugiye. Yagaino apatesiya kavaʼmo afaʼa aliʼa oʼatalegae.

Hagai 2:9

Mani henaga mono noʼmo ha le konali yaʼamoʼmo hogote mono noʼmo ha le konali yaʼamo ago aeno aga segaiye. Mani haopalegamo kame nehaya kavaʼmo aliʼna hano huʼna ataleteʼna nagaeʼeʼmo aliʼna nanu aeʼna apategauve, huʼna Gotiʼnamo asole vayaʼaiteʼmo neʼyagauva vekamoʼnamo mani gemo hu maleʼnove, huno hapa paiʼniye.

Matiyu 1:1

Yesu Kalaisiʼa Nevini aginago vekamo maiʼnigeno Neviniʼa Emalehamu aginago vekamo maiʼniye. Yesu Kalaisi aginago vayaʼai apakiʼapimo haneʼniye.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 2:11

Ani afinaʼmo Nevini taonifiʼmo mago a kanomoʼmo apakufamo alino katino apatesiya mafaʼnemo alino ateʼniye. Ani mafaʼnemo Kalaisi vekamo Ala kava neʼmo maiʼniye.

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 1:16

Muki alagepa yaʼamo fiku laha maeno lamisiya yaʼamo agae aipafiʼmo havai teʼniya yaʼmo ani kava huno fiku laha maeno lamiteno halate magoʼe huno laha maeno lamiʼnigeta ago aliʼnone.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Lomu 8:32

Agaemo mafaʼneʼamo agegeno oʼateʼnifa mukiʼamogitalefeʼmo avalelino uno hosu vayaʼai apayapiʼmo ateʼniye. Agaemo mafaʼneʼamo ago avaleno lamiʼniyaʼmofeʼmo mafaʼneʼaʼe muki yaʼaʼeʼmo fikumo olamisifiye. Haʼao, fikumo lamigiye.

Lomu 9:5

Hogote apakinago vayaʼmo Isaleli nofi vayaʼmo maiʼnae. Kalaisiʼa apakaepatiʼmo ma mopafi vekagana huno afole aiʼniye. Kalaisiʼa muki yaʼaleʼmo neʼyagaiya vekamo maige muki afinaʼmo aulena Gotiʼa maige maige huno maigiye. He, lama ge.

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

1 Kolitiyani 15:25

Kalaisiʼa hemenimo yagaino apateme apateme neʼviyanageno muki kame vayaʼamo alino aiyafiʼmo apategaiye.

2 Kolitiyani 5:19

Inagi Gotiʼa Kalaisipiʼmo alino ao yaʼmo hu maleʼniyaʼmofeʼmo hosu kavaʼapilefeʼmo vaiʼmo noʼapamiye. Agaemo alino ao yaʼmo hu maleʼniya geleʼmo alagepa huta yagaita atesunafeʼmo aliʼyaʼamo lamiʼniye.

Kolosi 2:3

Hogote kagemi yaʼapimo aliʼa fala kiʼa neʼmalaya kava huno Kalaisipiʼmo muki alagepa huʼa afiteʼa agesaya kavaʼe afisaya kavaʼeʼmo fala kino haneʼniye.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Himulu 1:8

Huno huʼniyaʼmonanafa Mafaʼneʼaeʼmo hunoʼaeʼmo, O Gotiyo, huno, muki afinaʼmo alagi ofalika afaʼa maige maige huka maiʼneka yagaika apategane. Alagepa huka alika fako huka apateteka yagaika neʼapatane.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.