Aiyeya 9:12 - The Keyagana NT and 25 OT books

¹² Siliya ati vayaʼmogimo Isaleli vayaʼeʼmo kamemo huteʼa aliʼa hano huʼa apatalesayafeʼmo Isaleli vayaʼai apaulagaleʼmo maige Filisatini ati vayaʼmogimo Isaleli vayaʼai apakamelegamo maige huʼnae. Apakaemo Isaleli vayaʼeʼmo kamemo hugayaʼmonanafa Ala kava neʼmoʼa Isaleli vayaʼaifeʼmo aipamo leno neʼapateya kavaʼmo hano osugiye. Kayoʼmo apamisiyafeʼmo alo huno maiʼniye.

Aiyeya 9:12 ပူးပေါင်းရင်းမြစ်များ

Samu 79:7

Apakaemo vayakamo kamitimo apamagige huteʼa muki taoniʼapiʼeʼmo heʼa halagape vaiʼnae.

Aiyeya 11:14

Ani lole nofi vayaʼmogimo hapaesaya namagana huʼa yegemo uno lamino nefaleya kotegamo haleliʼuʼa Filisatini vayaʼmogi apakiʼnaleʼmo hakaleʼneʼa magokepiʼmo yegemo haine neʼeya kotega maiʼnaya vayaʼeʼmo kamemo huteʼa kagemiyaʼapimo aliniʼa ugae. Apakaemo Itomi vayaʼe Movapu vayaʼeʼmo kamemo huteʼa huʼa aeʼa apaka sesageʼa Emoni vayaʼmogimo apaiyafiʼmo maigae.

Aiyeya 5:25

Ani kavaʼmo huʼnayaʼmofeʼmo Ala kava neʼmoʼa vayaʼaeʼmo aipamo leno apateʼniye. Agaemo ayaʼmo alino asagauteno ago apamagiʼniye. Apamagiʼnigenoʼaeʼmo avemoʼmo kanage kanage huʼnigeʼapaeʼmo faliʼnaya vayaʼmogi apakufaʼamo taoni kateʼmo ina kava huno atupa yakana huno haneʼniye. Agaemo ani kavaʼmo huʼniyaʼmonanafa aipamo neleya kavaʼamo alino hano huno oʼataleʼniye. Apamagisiyafeʼmo ayaʼmo alino asagaunoʼageʼmo maiʼniye.

Sefanaiya 1:6

Ala kava neʼmo magoʼe huʼa akame osuʼa ataleʼnaya vayaʼe Ala kava neʼmo agesayafeʼmo kahauya huʼa ge huʼa afi okeʼnaya vayaʼeʼmo aliʼna hano huʼna apatalegauve.

Sefanaiya 3:2

Apakaemo Goti gemo oʼafiʼnae. Ala kava neʼmoʼa alino api aino apatesiyafeʼmo nohapaiye. Apakaemo Ala kava neʼmo aliʼa amufa noʼamiye. Apakaemo Gotiʼapimo haopaleʼmo noʼvae.