Aiyeya 66:5 - The Keyagana NT and 25 OT books

⁵ Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Aiyeya 66:5 ပူးပေါင်းရင်းမြစ်များ

2 Sitoli 34:27

Kagaemo Gotiʼa mani taonileʼe taonifiʼmo maiʼnaya vayaʼaitegaʼeʼmo hisiya kavafeʼmo huʼniya gemo afiʼnanageno kaipamoʼmo lokiya oʼvaino gemo afiteno alino amalagiʼniya kaipamo Goti aulagaleʼmo haneʼnigeka kagufamo alika afepiʼmo ateʼnane. Kagaemo naulagaleʼmo kagufamo alika afepiʼmo ateteka kukena yakamo alika apake aiteka aviʼyaʼmo huʼnane. Nagaemo ageteʼnaeʼmo nunumuʼmo huʼnana gemo afiʼnove, huno ha paiʼniye.

Esala 9:4

Kame vayaʼmogi eʼa apavaleliʼuʼa Mamiloni kotegamo apateʼnaya vayaʼmogi hosu kavaʼmo huʼnayaʼmofeʼmo muki vayaʼmogimo Isaleli vayaʼmogi Gotiʼapimo geʼalefeʼmo atete huʼnaya vayaʼmo nagaemo fai maiʼnova yateʼmo eʼa aliʼa anupa huʼa maiʼnae. Nagesa afi yaʼnimo alagi ohaneʼnigeʼna fai maiʼnogenoʼaeʼmo uneʼmo ofalinimo nehaya afinaʼmo afole aiʼniye.

Samu 119:120

Nagaemo kagaefeʼmo koli nehugenoʼaeʼmo nagufamoʼmo atete nehiye. Alika fako nehana kavakaeʼmo koli nehuve.

Samu 38:20

Nagaemo alagepa kateʼmo visuvafeʼmo nehuvaʼmofeʼmo kame huʼa nateteʼa alagepa kavaʼnimo anonaʼnilefeʼmo nagaetegamo hosu kavaʼmo nehae.

Mai'naya kavane 13:13

Ina lagimo Goti geʼaeʼmo, afaʼa ina agufa gemo haneʼniye, huʼa apakesamo neʼafisafigeno alino apagoʼyamo lagauno apatalegaiyaʼmonanafa geʼaeʼmo koli nehaya vayaʼmogimo miyaʼapimo aligae.

Salomoni Yokemae 1:6

Anupa nagufamo haneʼniyaʼmofeʼmo afa a kanoe, hutapa oʼnageyo. Yegemoʼmo naleno alino ani agufa nagufamo kalino nateʼniye. Itaʼnimoʼmo ve mafaʼne anagaʼamogimo apaipamo leʼa nateteʼapaeʼmo, uka nofi hoyatileʼmo yagaiyo, huʼa naha paiʼnae. Vaehae, nagaiʼni hoyaleʼmo alagepa huʼna oʼyagaiʼnove.

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Aiyeya 5:19

Apakaemo ina gemo huʼapaeʼmo, Ategenoʼao aliʼyaʼamo agesunafeʼmo agaemo malage huno aliʼyaʼamo alino. Afaʼa agesunafeʼmo Isaleli vayaʼmogi aote Gotiʼapimoʼmo ategenoʼao hisiya kavafeʼmo aipa agesamo laulagaleʼmo afole aino.

Aiyeya 60:15

Yulusalemuo, huʼna, kagaefeʼmo apaini huteʼa kataleʼa uʼnayaʼmofeʼmo vayaʼmo kakaleʼmo uʼeʼa osuʼnae. Osuʼnayaʼmonanafa nagaemo hanege hanege huno hanesiya kanale hogote taonimo aliʼna hamaleʼna katesugeʼa muki kafugaʼae kafugaʼaeʼmo vayaʼmogimo kagaefeʼmo apamogaga aigae.

Aiyeya 65:13

Ani kavaʼmo huʼnayaʼmofeʼmo nagaemo Ala kava neʼmo Gotiʼnamo ina gemo huve. Afiyo, huʼna, Aliʼyaʼnimo neʼaliya vayaʼmo neʼyaʼmo negayaʼmonanafa lapakaemo lapaka tegaiye. Afiyo, huʼna, Aliʼyaʼnimo neʼaliya vayaʼmo aniʼmo negayaʼmonanafa lapakaemo anifeʼmo lahapaugiye. Afiyo, huʼna, Aliʼyaʼnimo neʼaliya vayaʼmo apamogaga aigayaʼmonanafa lapakaemo lapavagage hugiye.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Matiyu 10:22

Muki vayaʼmogimo nagiʼnilefeʼmo apaini huʼa lapategayaʼmonanafa oʼataleta atafautapa alagi hutapa maime maime uta atupa afinaʼmo afole aisagenoʼaeʼmo Gotiʼa lapakufamo alino katino lapategaiye.

Luki 13:17

kame vayaʼamogi afiteʼa apavagage huʼniyaʼmonanafa muki vayaʼmogi noʼagaya agufa alagepa kavaʼmo huʼnigeʼa ageteʼapaeʼmo apamogaga aiʼnae.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Yoni 9:34

Itakamoʼmo alino kateʼnigekaeʼmo hosu kavapikeʼmo maiʼnanagi hemenimo kagaemo alika laya malesanafeʼmo nehapiye, huʼa huteʼa mono nopatiʼmo aliʼa hafaiʼa ataleʼnae.

2 Tesaloniyani 1:12

Na kava hisayafeʼmae. Gotiʼe Ala kava neʼmo Yesu Kalaisiʼeʼmo fikumo lapa maeʼana lapamiteʼana lapaipafiʼmo aliʼyaʼmo alisaʼageʼapaeʼmo vayaʼmogi ani kavaʼmo ageteʼapaeʼmo Ala kava netimo Yesu Kalaisi agiʼaleʼmo aliʼa asaga huʼa atesayafeʼmae. Ani kavaʼmo hisageʼa Kalaisitetiʼmo lapakitapileʼmo aliʼa asaga huʼa lapategae.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

1 Yoni 3:13

Konagaʼnimogitapae, huʼna, ma mopafi vayaʼmogimo lapakaefeʼmo apaini hisayana lapau oʼaiyo.