Aiyeya 66:18 - The Keyagana NT and 25 OT books

¹⁸ Nagaemo ani vayaʼmogi kavaʼapiʼe apakesa neʼafiya kavaʼeʼmo ageʼnovaʼmofeʼmo aliʼna hano huʼna apatalegauvaʼmonanafa muki nofi vayaʼe muki apakemo neʼaiya vayaʼeʼmo apavaleʼna aliʼna anupa huʼna apatesugeʼa eʼa ha le konali yaʼnimo agegae.

Aiyeya 66:18 ပူးပေါင်းရင်းမြစ်များ

Samu 139:2

Nagaemo itopaleʼmo maiʼnofi he tiʼna maiʼnofi huʼnogekaeʼmo nageʼnane. Kagaemo afagitegamo maiʼnekaeʼmo nagesamo neʼafuva nagesamo nageʼnane.

Samu 67:2

Ani kavaʼmo hisanageʼapaeʼmo muki ma mopafi vayaʼmogimo kaʼmo agesageka apakufamo alika katika apategane.

Samu 72:11

Muki kini vayaʼamogimo agaeteʼmo ape huʼa maisageʼapaeʼmo muki alu nofi vaya alu nofi vayaʼmogimo geʼamo afiteʼa akame hugae.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Samu 82:8

O Gotiyo, huʼna, Kagaemo muki nofi vayaʼaiteʼmo yagaika apateʼnanagi he tika muki ma mopafi vayaʼmo agoti huka apato.

Samu 97:6

Kokuʼnate yaʼmogi fatago kavaʼamo aliʼa lave neliye. Muki ma mopafi vayaʼmogimo ha le konali yaʼamo neʼagae.

Aiyeya 11:9

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.

Aiyeya 2:2

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Aniʼmo uno nelamiya kava huʼa muki alu nofi vaya alu nofi vayaʼmo ani mono notegamo uʼa haigae.

Aiyeya 40:5

Ala kava neʼmo hale konali yaʼamo afole yateʼmo afole aisigeʼa muki ma mopafi vayaʼmogimo agegae. Ala kava neʼmo avayafatikeʼmo mani gemo eʼniyaʼmofeʼmae.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Aiyeya 55:8

Ala kava neʼmoʼa ina gemo hunoʼaeʼmo, nagae naipa nagesamo haneʼniya kava huno lapakae lapaipa lapakesamo ohaneʼniye. Nagaemo nehuva kavaʼnimo haneʼniya kava huno lapakaemo nehaya kavatapimo ohaneʼniye.

Aiyeya 56:8

Magoʼamogimo Isaleli vayaʼmo aliʼa hapafaiʼa apataleʼnae. Ala kava neʼmo Gotiʼa ani aliʼa hapafaiʼa apataleʼnaya Isaleli vayaʼmo agaetegamo apavalelineno alino anupa huno neʼapateya Gotiʼa Ala kava neʼmoʼa hunoʼaeʼmo, Agaeʼe aliʼa anupa huʼa maiʼnaya vayaʼeʼmo magoʼe vayaʼmo aliʼna anupa huʼna apategauve, huno huʼniye.

Aiyeya 57:12

Nagaemo na agufa fatago kavatapimo nehafi huʼna hapa paiteʼna aliʼyatapieʼmo aeʼna hakalo huguve. Alagi lapa oʼmaegaiye.

Aiyeya 59:7

Apakaemo hosu kavaʼmo hisayafeʼmo nagu nagu huʼa neʼvae. Apakaemo mago hosu kavaʼmo osuʼnaya vayaʼmo hapaesayafeʼmo malage huʼa neʼvae. Apakaemo hosu kavakeʼmo hisaya agufa apaipa apakesageʼmo neʼafiye. U eʼa nehayategamo muki yaʼmo aliʼa hosu huʼa atege apakafu yaʼmo aliʼa apamige nehae.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Aiyeya 66:10

Yulusalemu taonieʼmo lahapauʼniya vayane, huʼna, agaeʼeʼmo magokepiʼmo lapamogaga aiyo. Agaefeʼmo yulagefa neʼaiya vayane, huʼna, agaeʼeʼmo magokepiʼmo lapamogaga aiyo.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Matiyu 12:25

Yesuʼa Falasi vayaʼmogi apaipafiʼmo apakesamo afiʼnaya kavaʼmo apaketenoʼaeʼmo, magoke koteʼmo neʼmaisaya vayaʼmogimo aliʼa fako huʼa apateteʼa kame hisayana apakaiʼapimo hapaeʼa hano huʼa apatalegae. Ani kava huʼa magoke afamo anagaʼmogimo aliʼa fako huʼa apateteʼa kame hisayana alagi alagepa huʼa oʼmaigae.

Matiyu 9:4

Yesuʼa apaipafi apakesamo afiʼnaya kavaʼapimo apaketenoʼaeʼmo, na kava higetapaeʼmo hosu lapaipa lapakesamo neʼafiye.

Luki 5:22

Yesuʼa apaipafiʼmo apaketenoʼaeʼmo, na agufa kava higetapaeʼmo ani agufa lapakesamo neʼafiye.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Yoni 5:42

Ago lapakeʼnovana Gotifeʼmo lapau lapayamopafiʼmo alagi olapauʼniye.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

1 Kolitiyani 3:20

Magoʼe gemo Goti mukufiʼmo haneʼniya gemoʼa hunoʼaeʼmo, Ala kava neʼmoʼa afiteʼa ageʼnaya vayaʼmogimo apakesamo neʼafiya kavaʼmo agetenoʼaeʼmo, afaʼa inagufa yane, huno nehiye, huno huʼniye.

Himulu 4:12

Goti geʼamo aunemeʼe gemo haneʼneno himamuʼaletiʼmo aliʼyaʼmo neʼaliye. Ani gemoʼa aluga alugaʼamo aveʼmo neʼneya naipemo ago aeno agaseno aveʼmo lusi kava huno neʼne. Agaemo geʼaletiʼmo apagupi mafaʼnefinagi apauneʼapamepinagi apayamufafinagi apatupinagi huno aeteno alino fako nehiye.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 2:13

Lapakeʼnovana Sataniʼa yagaino neʼapateya koteʼmo maiʼnageʼna lapakeʼnove. Nagiʼnimo oʼataletapa atafauta alagi hutapa maiʼnae. Mago vayaʼmogimo lama ge nava gemo huʼniya vekamo agiʼamo Anitipasiʼa Sataniʼmo neʼmaiya kotegamo lapakae folagapiʼmo kamitimo amagiʼnayaʼmonanafa lapakaemo oʼnataletapa nagaefeʼmo magoʼe hutapa lapakesamo afita fatago nehae.

Leveleseni 2:2

Nehaya kavatapimo ago lapakeʼnove. Lapakaemo lokiya aliʼyaʼmo alitetapa oʼataletapa atafauta alagi huta maiʼnageʼna lapakeʼnove. Lapakeʼnovana hosu vayaʼaifeʼmo olapauʼnigetapaeʼmo apa vayaʼmo maiʼnone, huʼa huʼnaya vayaʼmo alita fako hutapa apatetetapaeʼmo aigofe gemo nehae, hutapa huʼnae.

Leveleseni 2:9

Lapakeʼnovana aliʼyatapimogi kana yaʼmo neʼaliya kavatapigi kafu nehaya kavatapimogi huʼna ago lapakeʼnove. Kafu huʼnayaʼmonanafa kagemi yatapimo haneʼniya vayaʼmo maiʼnae. Huʼa faipa huʼa nelapataya vayaʼmogimo, Yu vayaʼmo maiʼnone, huʼa nehayaʼmonanafa Yu vayaʼmo oʼmaiʼnae. Yu mono kavaʼmo osuʼa Satani mono kavakeʼmo nehageʼna apakeʼnove.