Aiyeya 66:14 - The Keyagana NT and 25 OT books

¹⁴ Ani afinaʼmo lapakaemo nagaemo lapakaetegamo ani hisuva kavaʼmo agetetapaeʼmo lapaipafiʼmo lapamogaga aisageno lokiyatapimo magoʼe huno afole aigiye. Ani afinaʼmo Ala kava neʼmo aliʼyaʼamo neʼaliya vayaʼmo hapa maesiya lokiyaʼamo agegayaʼmonanafa kame vayaʼamogimo aipamo neleya kavaʼamo agesayafeʼmo alino apave ligiye.

Aiyeya 66:14 ပူးပေါင်းရင်းမြစ်များ

Esala 8:18

Gotitimoʼmo lagaeʼeʼmo magokepi lokaeno maiʼneno laha maeʼniyaʼmofeʼmo apakaemo mago vekamo alagepa huno afino aeto nehiya vekamo agiʼamo Selemiyaʼmo avaleliʼa eʼnae. Selemiyaʼmo Mali nofi vekamo maiʼnigeno Mali afoʼamoʼmo Livaiʼa maiʼnigeno Livai afoʼamoʼmo Isaleliʼae. Apakaemo Selemiyaʼagi ve mafaʼne anagaʼagi konagaʼamogiʼenagi huʼa muki vayaʼamo eitiniʼa vayaʼmo apavaleliʼa lagaetegamo eʼnae.

Esala 8:22

Nagaemo kini vekaʼeʼmo magokepi lokaeʼna maiʼnova afinaʼmo ha paiʼnaeʼmo, Gotitimoʼmo agesayafeʼmo kahauya nehaya vayaʼeʼmo magokepi lokaeno maiʼnenoʼaeʼmo alagepa huno hapa neʼmaeyaʼmonanafa ataleʼa uʼnaya vayaʼaifeʼmo aipamo leno apateteno lokiyaʼaletiʼmo kame hugiye, huʼna ha paiʼnovaʼmofeʼmo ati vayaʼe hosileʼmo fai maiteʼa esaya ati vayaʼeʼmo alino apatesigeʼa lagaemo kategamo yagaiʼa lateteʼa esageta esunafeʼmo kini vekaeʼmo ge huʼna afi gesuva kavafeʼmo navagage huʼniye. Inagi nagaemo ge huʼna afi okeʼnove.

Esala 8:31

Inagi lagaemo napa vani kaimo tuolofu afinaʼmo Ahava anitetiʼmo ataleta Yulusalemu taonifiʼmo visunafeʼmo uʼnone. Gotiʼa lagaeʼeʼmo magokepi lokaeno maiteno alagepa huno yagaino lateʼniya kavaʼmo kame vayatimogiʼe kumaya vayaʼmogi apayapatiʼeʼmo lagufamo alino katino lateʼniye.

Samu 107:42

Fatago vayaʼmogimo ani kavaʼmo ageteʼapaeʼmo apamogaga neʼaiyaʼmonanafa hosu vayaʼmo apavayaleʼmo alino akani maleʼnigeʼa ge nosae.

Mai'naya kavane 17:22

Apamogaga neʼaiya apaipamo malasinigana huno haneʼneno alino falu huno neʼapateyaʼmonanafa maleno neʼapaliya apauneʼapameʼmoʼa apauneʼapameʼmo alino hosu huno neʼate.

Mai'naya kavane 3:8

Ani kavaʼmo hisanaʼmoʼmo malasinigana huno haneʼneno alino kahageno kateteno alino lokiya vaino kategaiye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Aiyeya 26:20

Gotiʼa agaemo hapa painoʼaeʼmo, Vayaʼnimogitapae, huno, Notapifiʼmo uta haiʼnetapa kitamo ki maleyo. Aise afinaʼmo fala kitapa maime maime neʼvigenoʼao aipamo leno neʼapateya kavaʼamo hano hugiye.

Aiyeya 33:20

Oʼapakegayaʼmonanafa Saiyoni taonimo ageyo. Alopa taonimogeta alopa hopa afinaʼmo alita anupa huta mono kavaʼmo huta neʼyaʼmo neʼnone. Lapakaemo agesayana maiʼa haga nelaya taonimo hanege seli noʼmo kayoʼamo alagi aliʼa oʼakaige nofiʼamo aliʼa kapalu aeteʼa aliniʼa oʼuge hugayaʼmonanafa alagepa huʼa maige maige huʼa maigae.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

Aiyeya 42:13

Ala kava neʼmo lokiya ati vekagana huno kamemo hisiyafeʼmo ayamukiki huno ugiye. Agaemo ati vayaʼmogimo nehaya gemo huno alopa gefatiʼmo huteno kame vayaʼaʼeʼmo kamemo huteno alagi huno aeno apaka segaiye.

Aiyeya 58:11

Muki afinaʼmo Ala kava neʼmoʼa alino ho huno lapateteno ko noʼaiya afinaʼmo lokiya vaino lapateteno lapauʼniya yaʼamo alagi lapamigiye. Lapakaemo aniʼmo haneʼniya hoyagana hutapa maige olaneno aeno nelatiya meti anikana hutapa maige huta maigae.

Aiyeya 59:18

Agaemo hosu kavaʼapilefeʼmo ina kava huno anonaʼapilefeʼmo kayoʼmo apamigiye. Aipamo neleya kavaʼaletiʼmo kame vayaʼamogi hosu kavaʼapimo anonaʼapilefeʼmo alino kanale huno kayoʼmo apamigiye. Agaemo solovala ani haigileʼmo afagiʼaleʼmo maiʼnaya vayaʼmogi hosu kavaʼapimo anonaʼapilefeʼmo lusi kava huno kayoʼmo apamigiye.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.

Yoni 16:22

Ani kava hutapa hemenimo yulagefa neʼaiyaʼmonanafa halate eʼna lapakesugetapaeʼmo lapaipafiʼmo lapamogaga aigae. Mago vekamoʼmo ani lapamogaga aisaya kavatapimo afaʼa alino oʼatalegaiye.

Himulu 10:27

Ohaneʼniyaʼmofeʼmo Gotiʼa agoti huno latesiya kavafekeʼmo koli huta agava maisuna kavaʼmo haneʼniye. Aipamo leno neʼapateyanageno kame vayaʼamo atamoʼmo leno pasaga ligiye.