Aiyeya 65:9 - The Keyagana NT and 25 OT books9 Nagaemo Yekopu nofi vayapatiʼmo mago apakinago vayaʼmo aliʼna afole aiʼna apategauve. Yuta nofi vayapatiʼmo magoʼamogimo nagae aveleʼmo haneʼniya mopamo aligae. Lekana paiʼna apateʼnova vayaʼnimogimo ani mopamo aliteʼa aliʼyaʼnimo neʼaliya vayaʼmo ani mopaleʼmo maigae. အခန်းကိုကြည့်ပါ။ |
Ala kava neʼmoʼa ina gemo hunoʼaeʼmo, Fiku hapa maeʼna apamisuva afinaʼmo gekamo afiʼnove. Apakufamo aliʼna katiʼna apatesuva afinaʼmo kaha maeʼnove. Nagaemo alagepa huʼna yagaiʼna kateteʼna kagaetetiʼmo vayaʼeʼmo kotalakemo hu maleteʼna ma mopamo aliʼna kanale huʼna atesugeʼa vayaʼnimogi kaʼme kotega mopamo aligae.
Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.
Apakaemo noʼapimo kisageʼapaeʼmo alu vayaʼmogi kumaya aliteʼa ani nopiʼmo oʼmaigae. Apakaemo neʼyaʼmo hakalesageʼapaeʼmo alu vayaʼmogi kumaya aliʼa oʼnegae. Apakaemo alagi yatala afinaʼmo lokiya yosagana agufa kava huʼa maigae. Nagaemo lekana paiʼna apateʼnova vayaʼmogi aliʼyaʼmo aliteʼapaeʼmo aliʼa afole ai malesaya yatefeʼmo yatala afinaʼmo apamogaga aime aime ugae.
Ani afinaʼmo nagaemo lapavaleliʼna esugetapa halate kotapileʼmo etapa maigae. Lapavaleʼna aliʼna anupa huʼna lapatesugeʼapaeʼmo muki ma mopafi vayaʼmogimo ala lapakimo lapamiteʼapaeʼmo lapakitapileʼmo aliʼa asaga huʼa lapategae. Alu nofi vayaʼai kotegamo kalavusi aliʼyaʼmo neʼaliya vayatapimo halate apavaleliʼna lapakaetegamo esugetapa apakegae. Nagaemo Ala kava neʼmoʼnamo mani gemo ago hu maleʼnove.