Aiyeya 65:22 - The Keyagana NT and 25 OT books

²² Apakaemo noʼapimo kisageʼapaeʼmo alu vayaʼmogi kumaya aliteʼa ani nopiʼmo oʼmaigae. Apakaemo neʼyaʼmo hakalesageʼapaeʼmo alu vayaʼmogi kumaya aliʼa oʼnegae. Apakaemo alagi yatala afinaʼmo lokiya yosagana agufa kava huʼa maigae. Nagaemo lekana paiʼna apateʼnova vayaʼmogi aliʼyaʼmo aliteʼapaeʼmo aliʼa afole ai malesaya yatefeʼmo yatala afinaʼmo apamogaga aime aime ugae.

Aiyeya 65:22 ပူးပေါင်းရင်းမြစ်များ

Aepa Gemae 5:27

Metusalaʼa muki kafugaʼamoʼmo naeni hataleti sigisiti naeniʼa kafugamo maiteno faliʼniye.

Aepa Gemae 5:5

Atamuʼa muki kafugaʼamo naeni hataleti tetiʼa kafuga maiteno faliʼniye.

Samu 21:4

Agaemo kagaefeʼmo afaʼa maisiya yafeʼmo ge huno kafigeʼnigekaeʼmo ago amiʼnane. He, kagaemo maige maige huno maino hano osuno maisiya yaʼmo ago amiʼnane.

Samu 91:16

Yatala kafugamo maisiya yaʼmo amisugenoʼaeʼmo, alagi haine, huno huteno hao ke hegaiye. Agufamo aliʼna katiʼna ateʼnova kavaʼnimo aepaʼamo aliʼna ave liguve, huno huʼniye.

Aiyeya 62:8

Ala kava neʼmoʼa agoʼyamo ataleno lokiya lamaga ayatetiʼmo polomasi gemo hunoʼaeʼmo, Nagaemo magoʼe huʼna neʼyatapimo aliʼna kame vayatapimo oʼapamiguve. Nagaemo magoʼe huʼna alu kotega vayaʼmo afaʼa apatesugeʼa eʼa aliʼyatapimo aliteʼa alo hu maleʼnaya nofi alagafati aniʼmo aliʼa oʼnegae.

Aiyeya 62:9

Oʼnegayaʼmonanafa lapakaemo ago leʼniya vitimo hatagauʼnaya vayaʼmogitapamo peleti mayamo kaeta negae. Netetapa Ala kava neʼmo ala nagiʼnimo namigae. Lapakaemo nofi hoyaleʼmo yagaiʼnetapa nofi alagamo lagiʼnaya vayaʼmogitapamo nagae noʼmo kegiʼyafiʼmo aliniteta nofi alagafati aniʼmo negae.

Aiyeya 65:15

Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.

Aiyeya 65:9

Nagaemo Yekopu nofi vayapatiʼmo mago apakinago vayaʼmo aliʼna afole aiʼna apategauve. Yuta nofi vayapatiʼmo magoʼamogimo nagae aveleʼmo haneʼniya mopamo aligae. Lekana paiʼna apateʼnova vayaʼnimogimo ani mopamo aliteʼa aliʼyaʼnimo neʼaliya vayaʼmo ani mopaleʼmo maigae.

Aiyeya 66:22

Ala kava neʼmoʼnamo ina gemo huʼnaeʼmo, Saufa kokuʼnaʼe mopaʼeʼmo alo hisugeno muki afinaʼaeʼmo nagae naulagaleʼmo hanege hanege huno hanesiya kava huʼa lapakinago mafaʼne anagatapiʼe lapakitapiʼeʼmo hanege maige hugae.