Aiyeya 65:1 - The Keyagana NT and 25 OT books

¹ Ala kava neʼmoʼa ina gemo hunoʼaeʼmo, Nagaefeʼmo ge huʼa nafi okeʼnaya vayaʼmo naipa nagesamo aliʼna apave liʼnove. Nagaefeʼmo kahauya nosaya vayaʼmogimo nageʼnae. Nagaemo nagiʼnimo apakaeteʼmo oʼmaleʼnova vayaʼaifeʼmo huʼnaeʼmo, Manile maiʼnove, manile maiʼnove, huʼna hapa paiʼnove.

Aiyeya 65:1 ပူးပေါင်းရင်းမြစ်များ

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Aiyeya 11:10

Ani afole aisiya afinaʼmo Yesi hafuʼyaʼafatiʼmo afole aisiya aginago vekaʼamoʼmo kalahuʼmekana huno maiʼneno he tisigeʼa vayaʼmogi agaetegamo eʼa aliʼa anupa huʼa maigae. Malaga nofi vayaʼmogimo kahauya huʼa ageteʼa agaetegamo egae. Agaemo fiku hapa maeno apamisigeʼa ha le konali noʼafiʼmo maiʼa hagalegae.

Aiyeya 40:9

O Saiyoniyo, huʼna, Alagepa faigoko gemo alinika neʼana vekae, huʼna, yatala avefiʼmo uka haiyo. O Yulusalemuo, huʼna, Alagepa faigoko gemo alinika eʼnana vekae, huʼna, Kagaemo alopa gefatiʼmo alagepa faigoko gemo aeka hakalo huvo. Koli osuka Yuta kote taoniʼafi taoniʼafiʼmo maiʼnaya vayaʼaifeʼmo ina gemo hukaeʼmo, Ageyo, Lapakaemo Gotitapiʼmoʼmo ageyo, huka huvo.

Aiyeya 43:1

Isaleli vayaʼmogitapae, huʼna, Ala kava neʼmoʼa alo huno lapateteno alino magoke nofi vayaʼmo hamaleno lapateʼniya vekamoʼmo hemenimo ina gemo huno lapa painoʼaeʼmo. Nagaemo miya faiʼna hatu maeʼna lapateʼnovaʼmofeʼmo koli osiyo. Nagaemo lapakitapimo lapateteʼnaeʼmo lapakaefeʼmo nagaiʼni vayane, huʼna huʼnove.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 55:5

Ala kava neʼmo Gotitapimoʼmo Isaleli vayaʼmogi aote Gotiʼapimoʼmo ala lapakitapimo lapamiʼniyaʼmofeʼmo lapakaemo oʼapakeʼnaya nofi vayaʼaifeʼmo keya aeta ge hisageʼa olapakeʼnaya alu nofi vayaʼe alu nofi vayaʼmogiʼeʼmo nagu nagu huʼa lapakaetegamo egae, huno huʼniye.

Aiyeya 63:19

Lagaemo akeyaʼvilagamo maiʼnaya vayaʼmo alagi yagaika oʼapateʼnana agufa vayakana huta hamaleʼnone. Kagaemo apakaeteʼmo kagikamo oʼmaleʼnane.

Luki 13:12

Mono nopiʼmo maiʼnigeno Yesuʼa agetenoʼaeʼmo, Ane, huno, kakameʼyamo kalagegiʼniya nofikamo hatu maeʼna kateʼnove, huno ha paiteno

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.

Lomu 10:20

Henagaʼamo Aiyeyaʼa koli osuno huno haleno hapa painoʼaeʼmo, Nagaefeʼmo kahauya nosaya vayaʼmogimo nageʼnae. Ge huʼa nafi okeʼnaya vayaʼmo naipa nagesamo aliʼna apave liʼnove, huno huʼniye.

Lomu 9:30

Nehuva gemo aepaʼaeʼmo huʼnaeʼmo, Alu nofi vayaʼmogimo fatago kavaʼmo alisagenoʼaeʼmo Gotiʼa hunoʼaeʼmo, naulagaleʼmo fatago vayaʼmo maiʼnae, huno hisiyafeʼmo vegala oʼaeʼnayaʼmonanafa apakesamo afiʼa fatago huʼnaya kavatetikeʼmo Gotitegatiʼmo fatago kavaʼamo aliʼnae.

1 Pita 2:10

Hogotetapa afa vayaʼmo maiʼnayaʼmonanafa hemenimo Goti vayaʼamo maiʼnae. Hogoteno Gotiʼa hau huno olapateʼniyaʼmonanafa hemenimo hau huno lapateʼniye.