Aiyeya 64:6 - The Keyagana NT and 25 OT books

⁶ Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.

Aiyeya 64:6 ပူးပေါင်းရင်းမြစ်များ

Samu 1:4

Hosu vayaʼmo ani kava huʼa oʼmaiʼnae. Apakaemo mago haletiʼya yakana huʼa maiʼnae. Haleti yaʼamo haleʼnagenoʼaeʼmo yasimoʼmo alino halelino neʼviya haletiʼya yakana huʼa maiʼnae.

Samu 14:4

Gotiʼa hunoʼaeʼmo, oʼafiʼneʼa hosu kavaʼmo nehaya vayaʼmo negi nagi vayaʼmo maiʼnafiye. Neʼyaʼmo neʼnaya kava huʼa vayaʼnimo apamagiʼa hano huʼa apataleteʼa Gotifeʼmo nunumuʼmo nosae, huno huʼniye.

Samu 51:5

Vae, huʼna, itaʼnimoʼmo nagae aipaguʼeʼmo aepa faiʼniya afinaʼmo hosu kavapiʼmo maiʼnove. Itaʼnimo aipafiʼmo maiʼneʼnaeʼmo hosu mafaʼnemo maiʼnove.

Aiyeya 1:28

Ani afinaʼmo Goti geʼamo amagiʼa neʼatalaya vayaʼe hosu kavaʼmo nehaya vayaʼeʼmo alagi alino hano huno apatalegaiye.

Aiyeya 1:30

Na kava hinagetapaene. Lapakaemo alopa yosamo alagi vaiʼniya yosamoʼmo vaiʼniya haitaʼaʼeʼmo haneʼniya yosagana huta maigae. Lapakaemo hoyafiʼmo aniʼmo ohaneʼnigeno hosuʼniya hoyakana huta maigae.

Aiyeya 43:22

Gotiʼa hunoʼaeʼmo, Ani kavaʼmo huʼnovaʼmonanafa O Yekopu vayaʼmogitapae, huʼna, nagaefeʼmo keya aeta ge osuʼnae. O Isaleli vayaʼmogitapae, huʼna, nagaefeʼmo alagaʼmo lahapaeʼniye.

Aiyeya 50:1

Ala kava neʼmoʼa Isaleli vayaʼaifeʼmo ina gemo huno hapa painoʼaeʼmo, Lapakaemo lapakesamo afitapaeʼmo, Nagaemo vayaʼmogimo aʼapimo alagi hapafaiʼa neʼapatalaya agufa kavaʼmo huʼna itatapimoʼmo alagi ha faiʼna ataleʼnove, hutapa lapakesamo neʼafifiye. Ha faiʼna ataleʼnovesinana ha faiʼna ataleʼnova gemo haneʼniya apepamo haneʼniesine. Lapakaemo lapakesamo afitapaeʼmo, Nagaemo vayaʼmogimo mafaʼneʼapimo anonaʼapilefeʼmo kalavusi aliʼyaʼmo alisayafeʼmo maketi nehaya kavaʼmo huʼna lapakaemo lapataleʼna uʼna maketi nehaya kavaʼmo huʼnove, hutapa lapakesamo neʼafifiye. Haʼao, nagaemo mago vekalegamo anonaʼnimo ohaneʼniye. Lapakaitapimo hosu kavaʼmo huʼnayaʼmofeʼmo kame vayatapimogimo kalavusi huʼa lapateteʼa lapavaleliʼa uʼnae. Lapakaemo hosu kavatapilefeʼmo kalavusi aliʼyaʼmo alisayafeʼmo lapakaitapimo maketi nehaya agufa kavaʼmo huʼnae. Lapakaemo hosu kavaʼmo huʼnayaʼmofeʼmo itatapimoʼmo hafaiʼna ataleʼnove.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Aiyeya 53:6

Lagaemo sipisipigana huta maiʼneta alagepa kaʼmo ataleta atagu faeta uteta huta maiʼnone. Lagaemo ataleta lahauʼniya kateʼmo lamete lamete huta uʼnone. Inagi Ala kava neʼmoʼa mukiʼamogita hosu kavatimo alino anupa huno agaeteʼmo maleʼniye.

Aiyeya 6:5

Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.

Neniyo 9:13

Lagaemo muki neʼaluna kana yafeʼmo kagaemo Moseseʼmo amiʼnana keʼaepa gefiʼmo huʼnanaʼmofeʼmo aliʼnonaʼmonanafa kagaemo fikumo laha maeka lamisanafeʼmo ge huta kafi oketa hosu kavatimo oʼataleta lama gekamo akame osuʼnone.

Lomu 7:18

Ago ageʼnovana mago alagepa yaʼmo naipafiʼmo ohaneʼniye. Atafa naipafifeʼmo nehuve. Muki afinaʼmo alagepa kavaʼmo hisuvafeʼmo nahauʼniyaʼmonanafa alagepa kavaʼmo hisuva kaʼmo ageʼnove.

Lomu 7:24

Vaehae, huʼna, lusi kana yaʼmo aliteʼna hosu kavaʼmo huʼna maiʼnove. Hosu kavaʼnimoʼmo nagufaleʼmo yagaino nateʼneno falisuvategamo navalelino visiyafeʼmo nehiyanageno ina laʼmo nagufaʼnimo alino katino nategaiye.

Filipai 3:9

Nagaemo keʼaepa gemo akame huteʼna nagaiʼni fatago kavaʼnimo aliʼnovanageno atupa afinaʼmo Gotiʼa nagesiyafeʼmo oʼnahauʼniye. Kalaisifekeʼmo nagesamo afiʼna fatago huʼnova kavatetiʼmo Gotitegatiʼmo fatago kavaʼamo aliʼnovanageno Gotiʼa Kalaisipiʼmo nagesiyafeʼmo nahauʼniye.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Leveleseni 7:13

Mago vayatama vekamoʼmo, Yatala yaveyaveʼage kukenamo vaiʼa aliʼnaya vayaʼmo ina lagimae. Ani vayaʼmo haiyategatiʼmo eʼnae, huno nafi geʼnigeʼnaeʼmo,