Aiyeya 64:4 - The Keyagana NT and 25 OT books

⁴ Ma mopamo afole aiʼniya afinatetiʼmo mago vayaʼmogimo kagaekana agufa gotiʼa oʼagege kagaekana agufa gotifeʼmo ava gemo oʼafige huʼa maiʼnae. Kagaikaekeʼmo kagava neʼmaiya vayaʼmo hapa maesanafeʼmo aliʼyaʼmo neʼaline. Magoʼe huno ani agufa Gotiʼa alagi oʼmaiʼniye.

Aiyeya 64:4 ပူးပေါင်းရင်းမြစ်များ

Aepa Gemae 49:18

O Ala kava nene, huʼna, nagaemo nagufamo alika katika natesanafeʼmo kagava maiʼnove.

Esala 9:7

Laginago vayaʼmo maiʼnaya afinatetiʼmo eno hemeniʼeʼmo lagaemo vayakamogitamogi kini vayatigi mono huʼa nelataya vayatigi huta magoʼe huta alopa hosu kavaʼmo huʼnone. Huʼnonaʼmofeʼmo kagaemo alu kotega kini vayaʼmo alika apateʼnanageʼa eʼa lagaemo kamitimo lahaeteʼa muki yatimo kumaya aliteʼa afagi kotegamo lavaleliʼuʼa kalavusi huʼa lateʼnae. Akeyaʼvilaga lusi kava huʼa apavagage yaʼmo aliʼnaya agufa kavakeʼmo huta hemeniʼeʼmo lagaemo ani agufa kavakeʼmo nehune.

Samu 130:5

Nagupi mafaʼnemoʼmo Ala kava neʼmoʼa naha maesiyafeʼmo agava maiʼniye. Geʼaeʼmo nagesamo afiteʼna agava maiʼneʼnaeʼmo navayagunagu nehuve.

Samu 31:19

Kagaefeʼmo koli nehaya vayaʼaiteʼmo magoʼe magoʼe huka alagepa kavaʼmo nehane. Apamisanafeʼmo alagepa kavaʼmo alika anupa huka neʼatane. Kagaemo vayaʼai apaulagaleʼmo kagaefeʼmo aliʼa amufa nekamiya vayaʼmogi kanale alagepa kavaʼmo apamisanafeʼmo alika alo huka ateʼnane.

Samu 62:1

Nagupi mafaʼnemoʼmo ge osuno Gotifekeʼmo agava maiʼniye. Agaiʼageʼmo nagufamo alino katino nategaiye.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 40:31

Ala kava neʼmoʼa hapa maesiyafeʼmo apakava neʼmaiya vayaʼmo saufamo lokiya vaiʼa maigae. Apakaemo hakiki namagana huʼa haleliʼuʼa haigae. Nagu nagu huʼa visagenoʼaeʼmo alagaʼmo ohapaegaiye. Umenitata nehisagenoʼaeʼmo apaunena oʼaigiye.

Aiyeya 59:12

Gekamo amagita ataleʼnona kavatimoʼmo kaulagaleʼmo magoʼe magoʼe huno afole neʼaiye. Hosu kavatimoʼmo agoti huno nelateyaʼmofeʼmo ani kana yaʼmo aliʼnone. Gekamo amagita ataleʼnona kavatimo laulagaleʼmo haneʼnigeta ani hosu kavatimo ageʼnone.

Aiyeya 66:8

Mago vekamoʼmo ani agufa kavafeʼmo ava gemo afiʼnifiye. Haʼao, mago vekamoʼmo oʼafiʼniye. Mago vekamoʼmo ani kavaʼmo ageʼnifiye. Haʼao, mago vekamoʼmo oʼageʼniye. Mago koteʼmo vayaʼmo oʼmaiʼnaya koteʼmo magoke afinaʼatomo asole vayaʼmo afole aiteʼa ani koteʼmo afaʼa maiʼa kili paesafiye. Mago oʼmaiʼnaya nofi vayaʼmo magoke felugamo malage huʼatomo asole vayaʼmo afaʼa afole aiteʼa mago saufa nofi vayaʼmo maisafiye. Haʼao, afaʼa afole oʼaigayaʼmonanafa Saiyoni taonimo a kanogana huno aepa faino agafu kiʼniya afinaʼmo malage hunoʼatomo mafaʼne anagaʼamo alino apateʼniye.

Neniyo 9:15

O Ala kava neʼmo Gotitimogae, huʼna, himamukaletiʼmo vayakamo hatu maeka apateteka Isipi kotegatiʼmo apavalelika eka ala kagikamo aliʼnana Gotitimogamae, huʼna, Lagaemo hosu kavaʼmo huʼnone. Lagaemo hanageke kavaʼmo huʼnone.

Neniyo 9:5

Lagaemo hosu kavaʼmo huge osisuna agufa kavaʼmo huge hosu kavaʼmo huta lakameʼyamo kamige hiyo, huka laha paiʼnana gemo oʼafige keʼaepa gekamo amagita atalege huʼnone.

Neniyo 9:8

O Ala kava nene, huʼna, Kini vayatigi yagaiʼa lateʼnaya vayanagi laginago vayanagi lagaitigi huta hosu kavaʼmo huʼnonaʼmofeʼmo lavagage yaʼmo afa aligune.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Yoni 14:3

Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Lomu 8:19

Ani yatefeʼmo ma mopaʼe muki ma mopafi haneʼniya yaʼeʼmo Goti mafaʼneʼamoʼmo afole yateʼmo alino afole aino apatesiyafeʼmo agava maiʼnae.

1 Kolitiyani 1:7

Ani kava hutapa maiʼnetapaeʼmo lapaunelapameʼmo yafeʼmo kafu osutapa Ala kava netimo Yesu Kalaisiʼa afole aisiyafeʼmo agava maiʼnae.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Yemisi 5:7

Konagaʼnimogitapae, huʼna, kagemi yaʼapiʼe vayaʼmogimo ani kavaʼmo nehayaʼmofeʼmo oʼataletapa atafauta alagi huʼnetapa agava maime maime neʼvigenoʼao Ala kava neʼmo eminegaiye. Hoyamo aliʼa neʼvaiya vayaʼmogimo avina yaʼmo nehakalaya afinaʼe neʼyaʼmo hagesigeʼa alisaya afinaʼefeʼmo oʼataleʼa atafauʼa alagi huʼa maiʼneʼapaeʼmo agava maiʼniye.

1 Yoni 4:10

Alopa alagepa kavaʼmo haneʼniyana lagaemo Gotifeʼmo lahau layamopafiʼmo olahauʼniyaʼmonanafa Gotiʼa lagaefeʼmo hau ayamopafiʼmo hauʼniye. Agaemo lagaefeʼmo hau ayamopafiʼmo hauʼnisigeno aipamoʼmo falu huno latesiyafeʼmo Mafaʼneʼamo alino ateʼnigeno emineno hosu kavatilefeʼmo falino miya faino lateʼniye.