Aiyeya 64:2 - The Keyagana NT and 25 OT books

² Samomo ataleʼmo haneʼnigeno aniʼmoʼa vala vala nehiya agufa kava huʼa kame vayakamogimo atete hugae. Kagaemo alopa lokiyakaʼeʼmo emikesanageʼapaeʼmo muki nofi vayaʼmogimo kagikamo afiteʼapaeʼmo atete hugae.

Aiyeya 64:2 ပူးပေါင်းရင်းမြစ်များ

Samu 106:8

Amagiʼa ataleʼnayaʼmonanafa lapa maegauve, huno huʼniya gemo akame huno himamuʼamo alino apave lisiyafeʼmo apakufamo alino katino apateʼniye.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 79:10

Na kava higeʼapaeʼmo alu nofi vayaʼe alu nofi vayaʼeʼmo huʼapaeʼmo, Gotiʼapimoʼmo haiyategamo maiʼniye, huʼa hugae. Apakaemo aliʼyakamo aliʼnaya vayaʼai kolaʼapimo anonaʼalefeʼmo kayoʼmo apamigetao agegaunanagi.

Samu 9:20

O Ala kava nene, huʼna, koli yaʼmo alika apamiteka afaʼa vayalafaʼmo maiʼnae, huka alika apave liyo.

Samu 99:1

Ala kava neʼmoʼa kini vekamo maiʼneno yagaino neʼapateyanageʼa muki alu nofi vaya alu nofi vayaʼmogimo atete hiyo. Agaemo mono noʼafiʼmo lole enisole vekalaʼani anauneʼamo maleʼnaya folagapiʼmo fai maiʼniye. Ma mopamoʼmo atete hino.

Hatu maeno apate'niya gemae 14:4

Inagi nagaemo kini vekamo Felo aipa agesamo aiʼna akani malesugeno lokiya vaigiyaʼmofeʼmo apavegala aelino ugiyaʼmonanafa nagaemo aeʼna aga sege muki ami vayaʼamo aeʼna apaka sege huteʼna ala nagiʼnimo aliguve. Isipi vayaʼmogimo agaiʼageʼmo Ala kava neʼmo maiʼniye, huʼa nagegae, huno ha paiʼnigeʼa Isaleli vayaʼmogimo ani gemo akame huʼa uʼnae.

Aiyeya 63:12

Gotiʼa Mosese lamaga ayatetiʼmo apavalelino uʼniye. Gotiʼa hanege hanege huno hano osuno hanesiya agiʼamo alisiyafeʼmo ha le konali ayatetiʼmo solovala aniʼmo folagapatiʼmo alino akaka vaeʼniye.

Maika 1:4

Umenitata nehisigenoʼaeʼmo avemogimo aiyakafatiʼmo aniʼmo heteno alino lataʼnelino ugiye. Avemogimo anikana huʼa aliʼa hamaleʼnageno lusi kava huno aniʼmo uno lamino muki kagoʼmufiʼmo alino kalokalopatigiye. Ata kaegeno yafaʼmo alino aniʼmo hamaleteno kagoʼmufiʼmo aino apalo tisigeno avefatiʼmo aniʼmo nagu nagu huno uno nelamiya anikana huʼa uʼa lamigae.