Aiyeya 63:15 - The Keyagana NT and 25 OT books

¹⁵ Ala kava nene, huʼa, kagaemo kaote kokamo ha le konali kokuʼnapiʼmo maiʼneka afepilagamo aulu lahaeka lago. Kagaemo na agufa kavaʼmo higekaeʼmo kayamukiki nehana kavakagi lokiyakagi kahau kayamopafiʼmo kahauʼniya kavakagi kahau huka nelatana kavakagi huka alika lave noline. Kaipamo alika akani maleʼnapiye.

Aiyeya 63:15 ပူးပေါင်းရင်းမြစ်များ

Samu 123:1

Kokuʼnapi maiʼnana Ala vekamogae, huʼna, Nagaemo aliʼna maku huʼna nekagove.

Samu 25:6

O Ala kava nene, huʼna, akeyaʼvilagamo alagepa huka kahau huka apatege kahau kayamopafiʼmo kahauge huka maiʼnana kavafeʼmo kagesamo afiyo.

Samu 68:5

Gotiʼa agaiʼa aote mono nopiʼmo maiʼnenoʼaeʼmo megusa mafaʼnemo Gotiʼapimo maige kogu aʼneʼaiteʼmo yagaino apatege huno maiʼniye.

Samu 77:10

Gotiʼa hemenimo nagaetegamo alu kavaʼmo nehiye. Nagaemo ani kavatefeʼmo naipafiʼmo nagafu nekiye.

Samu 80:14

Muki vayaʼaiteʼmo neʼyagaina Gotigae, huʼna, halate aika atagineka lagaetegamo eno. Kagaemo kokuʼnapatiʼmo afepilagamo ani nofifeʼmo aulu haeka ageteka ha mao.

Samu 80:15

Kagaemo lokiyakaletiʼmo ani nofi kali maleʼnana nofifeʼmo kagesamo afiyo. Ani nofiʼmo akopaʼamo kagaetefeʼmo lokiya vaika ateʼnananagi kagesamo afiyo.

Samu 89:49

Ala kava nene, huʼna, Hogoteka Nevinifeʼmo kahau kayamopafiʼmo kahauʼnigeka alagepa huka ha maeʼnane. Na kava higekaeʼmo hemenimo ani kavaʼmo nosane. Kagaemo Nevinifeʼmo ani kavaʼmo huguve, huka huteka kagoʼyamo ataleʼnane.

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Aiyeya 42:13

Ala kava neʼmo lokiya ati vekagana huno kamemo hisiyafeʼmo ayamukiki huno ugiye. Agaemo ati vayaʼmogimo nehaya gemo huno alopa gefatiʼmo huteno kame vayaʼaʼeʼmo kamemo huteno alagi huno aeno apaka segaiye.

Aiyeya 49:15

Mago a kanomoʼmo nute mafaʼneʼaeʼmo age kanigifiye. Alino ateʼniya mafaneʼaeʼmo hau ayamopafiʼmo ohaugifiye. He, afaʼa apake kanigiyaʼmonanafa nagaemo lapakaefeʼmo nage okanigiye.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 59:17

Kame nehaya vayaʼmogimo kapa siyotiʼapiletiʼmo hapaifiʼyaleʼmo aiʼa ati nekaya kava huno Ala kava neʼmoʼa fatago kavaʼamo hapino aliʼniye. Agaemo vayaʼamo apakufamo alino katino apatesiyafeʼmo kapa kakolitamo agenopaleʼmo maleno aliʼniye. Agaemo vayaʼamo kame vayaʼapimogi hosu kavaʼapimo anonaʼapilefeʼmo apamisiyafeʼmo kame kukenamo alino vaiʼniye. Agaemo aipamo neleya kavaʼamo yatala kukena yakana huno vaino aliʼniye.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Aiyeya 64:12

O Ala kava nene, huta, kagaemo ani kavaʼmo ageʼnananageka laha maesanafeʼmo kaipamoʼmo he otigifiye. Ge osuʼneka magoʼe huka alopa kana yaʼmo lamigapiye.

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Filipai 2:1

Lapakaemo Kalaisipiʼmo maiʼnagenoʼaeʼmo lapaipamo alino lokiya vaino nelapatefiye. Agaemo lagaefeʼmo hau ayamopafiʼmo hauʼniye, hutapa lapakesamo neʼafigenoʼaeʼmo lapaipamo alino he tino nelapatefiye. Lapakaemo Goti Aunemeʼamo magokepi alitetapa agaeʼeʼmo afalu afalugana huta lokaeta neʼmaifiye. Magokepi yuna lapaipa kalitapa konagatapieʼmo lapau lapayamopafiʼmo nelapaifiye.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.