Aiyeya 63:11 - The Keyagana NT and 25 OT books

¹¹ Gotiʼa kame huno apateteno akeyaʼvilagamo Moseseʼe vayaʼamogiʼeʼmo geʼapimo huʼapaeʼmo, Haiyaʼalegamo sipisipiʼaleʼmo yagaiʼniya vekaʼe Isaleli vayaʼeʼmo solovala anipatiʼmo apakufamo alino katino apateʼniya Gotiʼmo maiʼniye, huʼa huge, Haiyaʼalegamo Aunemeʼamo alino apakaepiʼmo ateʼniya Gotiʼa maiʼniye, huʼa huge huʼnaya geʼapieʼmo halate agesamo afiʼniye.

Aiyeya 63:11 ပူးပေါင်းရင်းမြစ်များ

Samu 106:44

Ani kavaʼmo huʼa maiʼnayaʼmonanafa agaefeʼmo keya aeʼa ge huʼnageno hau huno apateʼniye.

Samu 106:45

Kotalakemo huguve, huno hu maleʼniya geʼaeʼmo agesamo afiʼniye. Apakaefeʼmo hau huno apateteno halate agesamo afiʼniye.

Samu 106:9

Agaemo solovala anifeʼmo, aika kaka vao, huno huʼnigeno aino akaka vaeʼnigeno aniʼmo folagapiʼmo hau huʼniya mopaleʼmo apavalelino uʼniye.

Samu 143:5

Nagaemo akeyaʼvilagamo afole aiʼniya kavafeʼmo nagesamo afiʼnove. Nagaemo kagaemo huʼnana kavafeʼmo nagesa afifi huʼna maiʼnove. Nagaemo kayatetiʼmo aliʼnana aliʼyakaeʼmo nagesa afifi huʼna maiʼnove.

Samu 25:6

O Ala kava nene, huʼna, akeyaʼvilagamo alagepa huka kahau huka apatege kahau kayamopafiʼmo kahauge huka maiʼnana kavafeʼmo kagesamo afiyo.

Samu 51:11

Kagaetegatiʼmo alika naha faika oʼnataleka kaote Kaunekameʼmo nagaepatiʼmo oʼaliyo.

Samu 77:12

Nagaemo muki huʼnana kavafeʼmo nagesamo afifi huʼna maiguve. Nagaemo lokiya aliʼyaʼmo aliʼnana kavafeʼmo aeʼna hakalo huʼna hapa paiguve.

Samu 77:20

Sipisipi anagaʼmogi neʼyagaiya vekamo akame nehaya kava huka uka hogotetanageʼa vayakamogi kakame huʼnae. Kagaemo Mosesetetiʼe Elonitetiʼmo vayakamogi alika apavalelika uʼnane.

Samu 78:52

Apamagiʼniyaʼmonanafa sipisipimo apavaleliʼa neʼvaya kava huno vayaʼamo kaʼme kotegamo apavalelino uʼniye.

Hatu maeno apate'niya gemae 14:22

Inagi Isaleli vayaʼmo solovala aniʼmo folagapiʼmo hau huʼniya mopaleʼmo uʼnageno aniʼmoʼa aluga alugamo kegiʼyagana huno aeno he tino haneʼniye.

Hatu maeno apate'niya gemae 14:30

Ala kava neʼmoʼa ani kavatetiʼmo Isaleli vayaʼmo Isipi vayaʼai apayapatiʼmo apakufamo alino katino apateʼniye. Isipi vayaʼmogi apakufamo solovala aniʼmo agiʼnaleʼmo haneʼnigeʼa Isaleli vayaʼmogimo ageʼnae.

Aiyeya 43:16

Akeyaʼvilagamo nagaemo Ala kava neʼmoʼnamo solovala aniʼmo folagapiʼmo kaʼmo valiʼnove. Lokiya solovala anipiʼmo kaʼmo valiʼna lapateʼnove.

Aiyeya 63:10

Hapa maeʼniyaʼmonanafa aiyafiʼmo oʼmaigune, huʼa huteʼa Aote Aunemeʼamo aipa kana yaʼmo amiʼnayaʼmofeʼmo Gotiʼa aino afe leno kame vekaʼapigana huno maiʼneno kame huno apateʼniye.

Aiyeya 63:15

Ala kava nene, huʼa, kagaemo kaote kokamo ha le konali kokuʼnapiʼmo maiʼneka afepilagamo aulu lahaeka lago. Kagaemo na agufa kavaʼmo higekaeʼmo kayamukiki nehana kavakagi lokiyakagi kahau kayamopafiʼmo kahauʼniya kavakagi kahau huka nelatana kavakagi huka alika lave noline. Kaipamo alika akani maleʼnapiye.

Neniyo 4:8

Henagaʼamo Neniyoʼmo eʼniye. Alu agiʼamo Melitesasaʼae. Ani agimo gotiʼnimo agiye. Apaote gotigi apauneʼapameʼmo aipafi maiʼnae. Nagaemo alagamuna gemo ha paiʼnaeʼmo,

Hagai 2:5

Akeyaʼvilagamo Isipi kotegatiʼmo ataletapa eʼnaya afinaʼmo lapakaeʼeʼmo kotalakeʼnimo ago hu maleʼnova geʼnilefeʼmo Nauneʼnameʼnimoʼmo lapataleno oʼuno lapakaeʼeʼmo magokepi lokaeno neʼmaiyaʼmofeʼmo koli osiyo.

Napa 11:17

Inagi nagaemo emiʼneʼna kagaeʼeʼmo gege huguʼae. Nagaemo kagaeteʼmo maiʼniya Aunemeʼamo kamiʼnova Aunemepatiʼmo mago aliʼna apamiguve. Apamisugeʼa kaha maeʼa aliʼnana kana yapatiʼmo alisageka kagaikageʼmo muki kana yaʼamo oʼaligane.

Napa 11:25

Maiʼnagenoʼaeʼmo Ala kava neʼmo ani hiyapiʼmo maiteno emineno Mosesefeʼmo ha paiʼniye. Agaemo Moseseʼeʼmo maiʼniya Aunemeʼafatiʼmo alino sevetiʼa vayatama vayaʼaina apamiʼnigeʼa Gotitegati gemo aliniʼeʼa aeʼa hakalo huʼa hapa paiʼnae. Huʼnayaʼmonanafa henagaʼamo halate ani kavaʼmo osuʼnae.

Napa 11:29

huno huʼniyaʼmonanafa Moseseʼa hunoʼaeʼmo, Nagaetefeʼmo kagesamo afiʼnekaeʼmo ke nefaipiye. Haʼao, Ala kava neʼmoʼa muki vayaʼaina Aunemeʼamo apamisigeʼa agaetegati gemo aliniʼeʼa aeʼa hakalo hisayafeʼmo nahauʼniye.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,