Aiyeya 63:1 - The Keyagana NT and 25 OT books

¹ Ina laʼmo Inomu kotega Mosala taonifatiʼmo ataleno neʼe. Kukena yaʼamo aluga aluga atupaleʼmo haesa yaʼmo haneʼniya vekamae. Agaemo alagepa ha le konali kukena yaʼmo vaiʼniya vekamo ami vekagana huno lokiyaʼaletiʼmo neʼe. Nagaemae. Nagaemo fatago kavafeʼmo ge huʼna apakufamo aliʼna katiʼna apatesuva lokiyaʼnimo haneʼniye.

Aiyeya 63:1 ပူးပေါင်းရင်းမြစ်များ

Aepa Gemae 36:33

Melaʼa falitegenoʼaeʼmo Mosala kotega vekamo Yela mafaʼnemo Yomamiʼa agae aimuʼyaleʼmo maiteno yagaino apateʼniye.

Aepa Gemae 49:11

Agaemo hoyaʼafiʼmo haneʼniya nofi yosaleʼmo noki afuʼamo aeno ategaiye. Agaemo kukenaʼamo nofi alagafati anipiʼmo sese hugiye.

Samu 108:13

Gotiʼa kame vayatimo alino afepiʼmo apategaiyaʼmofeʼmo koli osuta himamuʼaletiʼmo kamemo huta aeta apaka segaune.

Samu 137:7

Ala kava nene, huʼna, Kagaemo Inomu vayaʼmogimo lagaeʼeʼmo kamemo huteʼa Yulusalemu taonifiʼmo eʼnaya afinaʼmo huʼnaya kavafeʼmo kage okanika kagesamo afiyo. Apakaemo ina gemo huʼapaeʼmo, Muki Yulusalemu taonimo heta halagape vaita alagi alita hosu huta ataleyo, alagi alita hosu huta ataleyo, huʼa huʼnae.

Samu 65:6

Kagaemo kayamufaʼage Gotigamo maiʼnanaʼmofeʼmo lokiyakaletiʼmo avemo alagi lokiya vaino hanesiyafeʼmo alika afole aika ateʼnane.

Salomoni Yokemae 3:6

Ageyo, huʼna, Ina laʼmo yahaofilagamo aniʼmo ohaneʼniya kotegatiʼmo haine neʼe. Maketiletiʼmo miya nefaiya laʼnefamo atafiʼmo nekaya afinaʼmo alagepa atumo neʼaigeno halinaʼamoʼmo posigana huno haneʼneno halinamo ailinuno nehaiya kava huno haine neʼe.

Salomoni Yokemae 6:10

Aulu neʼnahaeya a kanomo ina laʼae. Kaimoʼmo alagepa huno aeno ha lege yegemoʼmo alagepa huno aeno ha lege nehiya kava huno aulu neʼnahae. Asole ati vayaʼmogimo asole kalahauʼmeʼmo aliniʼa neʼvageʼa apaketeʼapaeʼmo hapau neʼaiya ati vayakana huno maiʼniye, huno hapa paiʼniye.

Salomoni Yokemae 8:5

Ina laʼamoʼmo yahaofilagatiʼmo eno hau ayamopafiʼmo hauʼniya vekamo agufaleʼmo atafautegeʼana kako kiliʼana eʼana hai eʼnaʼae, huʼa huʼnae. Kagaemo apoli yosamo aepafiʼmo havaeʼnanageʼna kahauneʼna kateʼnove. Itakamoʼmo ani yosa aepafiʼmo alino kateʼniye. Alino kateʼniya a kanomoʼmo ani yosa aepafiʼmo alino kateʼniye, huno ha paiʼniye.

Aiyeya 11:14

Ani lole nofi vayaʼmogimo hapaesaya namagana huʼa yegemo uno lamino nefaleya kotegamo haleliʼuʼa Filisatini vayaʼmogi apakiʼnaleʼmo hakaleʼneʼa magokepiʼmo yegemo haine neʼeya kotega maiʼnaya vayaʼeʼmo kamemo huteʼa kagemiyaʼapimo aliniʼa ugae. Apakaemo Itomi vayaʼe Movapu vayaʼeʼmo kamemo huteʼa huʼa aeʼa apaka sesageʼa Emoni vayaʼmogimo apaiyafiʼmo maigae.

Aiyeya 42:1

Ala kava neʼmoʼa ina gemo hunoʼaeʼmo, Ageyo, huno, Ha neʼmaogeno aliʼyaʼnimo neʼaliya vekamae. Nagupi mafaʼnemo lekana paiʼna ateʼnova vekaeʼmo namogaga neʼauve. Nagaemo agaeteʼmo nauneʼnameʼmo ago maleʼnovanageno muki malaga vayaʼmo alu nofi vaya alu nofi vayaʼaifeʼmo fatago kavafeʼmo ava gemo aeno hakalo huno hapa paigiye.

Aiyeya 42:3

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Agaemo lama geʼaletiʼmo fatago kavaʼmo alino afole aino ategaiye.

Aiyeya 45:19

Nagaemo fala kiʼna afagitega hani huʼniya kotegatiʼmo ge osuʼnove. Nagaemo Yekopu aginago vayaʼaifeʼmo huʼnaeʼmo, fiku kahauya hutapa nageyo, huʼna hapa opaiʼnofa lapa maesuvafekeʼmo kahauya hutapa nageyo, huʼna hapa paiʼnove. Ala kava neʼmoʼnamo fatago gemo huʼnaeʼmo, lama gemo nehuve.

Aiyeya 45:23

Nagaemo nagiʼniletiʼmo nagoʼyamo ataleteʼna ina gemo huʼnaeʼmo, Fatago gemo nehuva geleʼmo halate mago alu gemo osuguve. Muki vayaʼmogimo nagaetegamo eʼa apaleʼyamo faiʼneʼa apagoʼyamo ataleteʼa polomasi gemo hugae.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Omataiya 1:1

Ala kava neʼmo Gotiʼa mani gemo Omanaiyafeʼmo ha paiʼnigeno alagamuna agegekana huno ageʼniye. Mani gemo Gotiʼa Inomi vayaʼmogi alu apakiʼapimo Iso kotega vayaʼaitegamo hisiya kavafeʼmo ava gemo haneʼniye. Ala kava neʼmoʼa apa vekaʼamo alino ateʼnigeno alu nofi vaya alu nofi vayaʼaitegamo uʼnigeta lagaemo ani gemo ago afiʼnone. Agaemo ina gemo hunoʼaeʼmo, Lagaemo Inomi vayaʼeʼmo kamemo hugunanagi alo huta vigetao, huno hapa paiʼniye.

Omataiya 1:9

O Timani vayaʼmogitapae, huʼna, lokiya vaiʼa kame nehaya vayatapimogimo lusi kava huʼa koli hugae. Muki Iso aveleʼmo maiʼnaya vayaʼmogi kamitimo hapaesageʼa faligae.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Malakai 1:2

Ala kava neʼmoʼa hunoʼaeʼmo, Lapakaefeʼmo nahau nayamopafiʼmo nahauʼniye, huno huʼnigeʼapaeʼmo, Lagaefeʼmo kahau kayamopafi kahauʼnisiyaʼmoʼmo haiya agufa alagepa kavaʼmo lagaetega nehane, huʼa ge huʼa afi geʼnagenoʼaeʼmo, Isoʼa Yekopu nepuʼamoʼmo maiʼnigeʼana konagalaʼmo maiʼnaʼaʼmonanafa Yekopufenagi aginago vayaʼaifenagi huno nahau nayamopafiʼmo nahauʼniyaʼmonanafa

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Matiyu 21:10

Yesuʼa Yulusalemu taonimo kegiʼyafiʼmo uno haiʼnigeʼapaeʼmo muki taonifiʼmo maiʼnaya vayaʼmogi ageteʼa hapau aiʼa atete huteʼa, ina laʼae, huʼa ge huʼa apafi geʼnageʼapaeʼmo

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

Leveleseni 19:13

Yatala kukena yaʼaleʼmo kolaʼmo haneʼniye. Agiʼamo Goti geʼagana huno neʼmaiya vekamae.