Aiyeya 62:6 - The Keyagana NT and 25 OT books

⁶ Yulusalemuo, huʼna nagaemo yafa lafi kegiyakaleʼmo kava yagaisaya vayaʼmo aliʼna apateʼnovanageʼa felugaʼe haniʼilagaʼeʼmo afaʼa oʼmaiʼa apake aigae. Lapakaemo Ala kava nefeʼmo ava gemo nehaya vayaʼmogitapamo afaʼa oʼmaitapa ge hiyo.

Aiyeya 62:6 ပူးပေါင်းရင်းမြစ်များ

Aepa Gemae 32:12

Hogoteka naha paikaeʼmo, kagaeteʼmo alagi alagepa kavatetiʼmo yagaiʼna kateʼnisugeʼa kaginago vayaʼmo ani kahaepagana vayaʼmo afaʼa lekana opaisana agufa vayaʼmo afole aigae, huka naha paiʼnane, huno nunumuʼmo huʼniye.

Aepa Gemae 32:26

Ani vekamoʼmo Yekopufeʼmo hunoʼaeʼmo, ago kotigefeʼmo huʼniyanagi natalo, huno huʼnigenoʼaeʼmo, Yekopuʼa ha painoʼaeʼmo, kagaemo alika auleka oʼnatesanana okatalegauve, huno huʼnigeno

Samu 122:7

Yafa lafi kegiʼyafiʼmo alagepa huʼa magokepi lokaeʼa maiyo. Kini vayaʼmogi noʼapifi noʼapifiʼmo alagepa huʼa maiyo.

Salomoni Yokemae 3:3

Uʼneʼna nehugeʼapaeʼmo taonifiʼmo uʼeʼa huʼa neʼyagaiya vayaʼmogimo nageʼnageʼnaeʼmo, nagupi mafaʼnemoʼmo hau ayamopafiʼmo hauʼniya vekaʼnimo ageʼnafiye, huʼna ge huʼna apafi geʼnove.

Salomoni Yokemae 5:7

Umenitata nehuʼa taonifiʼmo neʼyagaiya vayaʼmogi nageteʼapaeʼmo namagiʼa nagufamo aiʼa atalagauʼnae. Yafa lafi kegiʼyaleʼmo neʼyagaiya vayaʼmogi naugosafiʼmo aiʼna ati kaeʼna neʼaluva lavolavoʼnimo aliʼnae.

Aiyeya 43:26

Nage okanisigeʼna halate nagesa afisuvafeʼmo akeyaʼvilaga kavafeʼmo nagesamo huta halo aiyo. Gemo higetao magokepiʼmo gemo huta fako hugune. Nagaemo lapakaefeʼmo huʼnaeʼmo, fatago vayaʼmo maiʼnae, huʼna hisuvafeʼmo gemo hutapa lahapau vaisaya gemo huta naha paiyo.

Aiyeya 49:16

Ageyo, huʼna, Nagaemo kagikamo lole nayatalapiʼmo avoʼmo kae maleʼnove. Muki afinaʼmo nagaemo yafa kegiʼyakalefeʼmo naipafiʼmo ageteʼnaeʼmo kagaefeʼmo nagesamo neʼafuve.

Aiyeya 52:8

Ala kava neʼmoʼa Saiyoni taonifiʼmo kalavusi huʼa apateʼnaya vayaʼmo hatu maeno apateteno halate apavalelino esigeʼa taonifiʼmo yagaiʼnaya vayatapimogi alagepa huʼa apaketeʼapaeʼmo mukiʼamogimo magokepiʼmo lusi kava huʼa apamogaga aiteʼa alopa gefatiʼmo hugae.

Aiyeya 56:10

Isaleli vayaʼaiteʼmo yagaiʼa neʼapataya vayaʼmo apaulagamo fali kaeʼniye. Gemo alagepa huʼa noʼafiye. Apake noʼaiya kalagana huʼa maiʼneʼa hau hau nosae. Havaesayafeʼmo hapauʼnigeʼa apauʼmaiʼmai huʼa maiʼnae.

Aiyeya 62:1

Gotiʼa hunoʼaeʼmo, Afaʼa oʼmaiʼna Saiyoni taonifiʼmo maiʼnaya vayaʼmo hapa maesuvafeʼmo ge huguve. Nagaemo maiʼna haga oleʼna aliʼyakeʼmo alime alime neʼugenoʼaeʼmo Yulusalemu taonifiʼmo maiʼnaya vayaʼai fatago kavaʼapimoʼmo aeno ha lege apakufamo aliʼna katina apatesuva kavaʼmoʼa lamugana huno aeno ha lege hugiye.

Luki 18:39

hogoteʼa eʼnaya vayaʼmogimo huʼapaeʼmo, ge osuka afaʼa maiyo, huʼa ge hauʼnayaʼmonanafa magoʼe huno ge hunoʼaeʼmo, Neviniʼa ala kini vekamo aginagomo, huno, kahau huka nato, huno ge huʼnigeno

Apa 10:31

Koniliyasiyo, huno, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 10:4

Ala kava nene, huno, na agufa yane, huno afi geʼnigenoʼaeʼmo, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

1 Kolitiyani 12:28

Gotiʼa muki siosifiʼmo neʼmaiya vayaʼmo alu aliʼya alu aliʼyaʼamo alisayafeʼmo lekana paino apateʼniye. Apa vayaʼmo hogote vayaʼmo lekana paino lateʼniye. Napa tu vayaʼmo agaetegati gemo alini eʼa aeʼa hakalo huʼa hapa nepaiya vayaʼamo lekana paino apateʼniye. Napa tali vayaʼmo aliʼa apaya neʼmalaya vayaʼamo lekana paino apateʼniye. Aeto agufa noʼagaya aune kavaʼmo nehaya vayaʼmo lekana paino apatege kaita nehapaiya vayaʼaina aliʼa hapageʼa neʼapataya vayaʼmo lekana paino apatege hapa neʼmaya vayaʼmo lekana paino apatege yagaiʼa neʼapataya vayaʼmo lekana paino apatege alu apake alu apakemo neʼaiya vayaʼmo lekana paino apatege huʼniye.

1 Tesaloniyani 5:17

Muki afinaʼmo oʼataletapa nunumuʼmo hiyo.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

Leveleseni 6:10

Apakaemo alopa gefatiʼmo huʼapaeʼmo, kayamufaʼage ala kava neʼmogae, kaote vekamo lama geʼageʼmo nehana vekamogae, huʼa, Ma mopafi vayaʼmogimo kamitimo lamagiʼnayaʼmofeʼmo na magi afinaʼmo utesigeka hosu kavaʼapimo alika fako huka apateteka kayoʼmo apamigane, huʼa ge huʼa afi geʼnae.