Aiyeya 61:8 - The Keyagana NT and 25 OT books

⁸ Na kava higeʼnaene. Nagaemo Ala kava neʼmoʼnamo alagepa huʼa aliʼa fako nehaya kavafeʼmo nahauʼniyaʼmofeʼmae. Kana yaʼmo apamige kumaya alige nehaya kavafeʼmo naini nehuve. Nagaemo aliʼyaʼapimo alisayafeʼmo lama geletiʼmo yagaiʼna apategauve. Nagaemo apakaeʼeʼmo alagi hanege hanege huno hanesiya kotalakemo hu malegauve.

Aiyeya 61:8 ပူးပေါင်းရင်းမြစ်များ

Aepa Gemae 17:7

Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.

Samu 11:7

Na agufa kavafeʼmo hauʼniyanagenoʼaene. Ala kava neʼmo fatago vekamo maiʼnenoʼaeʼmo fatago kavafekeʼmo hauʼniyaʼmofeʼmae. Alagepa kavaʼmo nehaya vayaʼmogimo uʼa haiʼa augosafiʼmo agegae.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 45:7

Kagaemo alagepa kavafeʼmo lusi kava huno kahauʼnigeno hosu kavafeʼmo kaini huʼnane. Ani kavaʼmo nehanaʼmofeʼmo Gotiʼa Gotikamoʼmo uvelimo lakino katetenoʼaeʼmo lekana paino kateʼniyanageka alagepa huka kamogaga aika maisanafeʼmo magoʼe huno kamiʼnigeka kafalukamogimo aeka apakaseka alagepa huka maiʼnane, huno ha paiʼniye.

Samu 50:5

Ina ge huno hapa paigiye. Lapakaemo uta naote vayaʼnimo apavaleliteta nagaeteʼmo alita anupa huta apateyo. Sipisipimo amagiʼa ofalinimo namiʼnaya kavatetiʼmo nagaeʼeʼmo kotalakemo hu maleʼnaya vayaʼnimo apavaleta alita anupa huta apateyo.

Samu 62:10

Lapakaemo agoti hutapa apatege kumaya alige hisaya kavafeʼmo alita amufa oʼamiyo lapa oʼmaegayanagi. Monitapimo magoʼe huno hanesigetapaeʼmo, laha maegaiye, huta lapakesamo oʼafiyo.

Samu 99:4

Lokiya kini vekamogae, huʼna, fatago kavafekeʼmo kahauʼniye. Kagaemo Yekopu vayaʼai folagapiʼmo fatago kavaʼmo alika afole aika ateʼnane. Kagaemo fatago kavaʼmo huge alagepa huka alika fako huge huka maiʼnane.

Mai'naya kavane 3:6

Muki kavaʼamo nehukaeʼmo Ala kava nefeʼmo kagesa alaʼamo afigenoʼao muki kaʼmo alino ho huno kategaiye.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

Aiyeya 5:16

Alino afepiʼmo apategaiyaʼmonanafa asole vayaʼaiteʼmo yagaino neʼapateya Ala kava neʼmoʼa fatago kavaʼaletiʼmo ala agiʼamo aligiye. Aote Gotiʼa fatago kavaʼaletiʼmo naote Gotiʼnamo maiʼnove, huno alino apave ligiye.

Aiyeya 54:10

Avemo aino nakupaeno asagauno aige aise avemo alino atalege hisigeno ohanegaiyaʼmonanafa kagaefeʼmo nahau nayamopafiʼmo nahauʼnigeʼnaeʼmo kagaetegamo kanale kavaʼmo huʼnovanageʼna oʼataleʼna huge huge huʼna maiguve. Nagaemo kotalakemo laʼagaemo magokepiʼmo alagepa hutaʼa maisuʼafeʼmo hu maleʼnova kotalakemo alagi hano osugiye, huteʼna nahau huʼna nekatova Ala kava neʼmoʼnamo kaha nepauve.

Aiyeya 55:3

Lapaketafo huta afitetapa nagaetegamo eyo. Afiyo, huʼna, lapakupi mafaʼnemo alagepa huno afaʼa maigiyanagi. Nagaemo hano osuno hanege hanege huno hanesiya kotalakemo lapakaeʼeʼmo hu malegauve. Nagaemo kini vekamo Nevinifeʼmo nahau huʼna kategauve, huʼna huʼnova polomasi gemo afaʼa amagiʼna oʼatalesuva agufa gemo ha paiʼnova kava huʼna lapa paiguve.

Aiyeya 56:1

Ala kava neʼmoʼa ina gemo hunoʼaeʼmo, Vayaʼnimogitapae, huno, Aise afinaʼmo utesigeʼna lapakufamo aliʼna katiʼna lapateteʼna fatago kavaʼnimo aliʼna lapave liguvaʼmofeʼmo lapakaemo vayaʼmogi kavaʼapimo alagepa huta alita fako hutetapa apakaetegamo fatago kavaʼmo hiyo.

Aiyeya 66:22

Ala kava neʼmoʼnamo ina gemo huʼnaeʼmo, Saufa kokuʼnaʼe mopaʼeʼmo alo hisugeno muki afinaʼaeʼmo nagae naulagaleʼmo hanege hanege huno hanesiya kava huʼa lapakinago mafaʼne anagatapiʼe lapakitapiʼeʼmo hanege maige hugae.

Malakai 1:13

Lapakaemo mago hosu kavatapimo haneʼniyana, Ani mono kavafeʼmo alagaʼmo lahae, hutetapa hosu lapaugosamo kaliʼnae. Lapakaemo kumaya apavaleʼnaya afu ofalinigi apaiyamo hosuʼniya afu ofalinigi kaita hapauʼniya afu ofalinigi hutapa avalelitetapa namiʼnae. Ani agufa hosu ofalinimo aligufiye.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

2 Tesaloniyani 3:5

Ala kava neʼmoʼa lapaipa lapakesamo alino ho huno lapatenagetapa Gotiʼa lagaefeʼmo hau ayamopafiʼmo hauʼniya kavaʼe Kalaisiʼa oʼataleno atafauno alagi huʼniya kavaʼeʼmo alagepa hutapa agetetapa afiyo.