Aiyeya 61:11 - The Keyagana NT and 25 OT books

¹¹ Mopamoʼmo neʼyaʼmo alino afole aino atege hoyafiʼmo hakale maleʼnaya avina yaʼmo hoyamoʼmo alino hageno atege nehiya kava huno Ala kava neʼmo Gotiʼa fatago kavaʼe agiʼaleʼmo aliʼa asaga nehaya kavaʼeʼmo muki nofi vayaʼai apaulagaleʼmo alino afole aino ategaiye.

Aiyeya 61:11 ပူးပေါင်းရင်းမြစ်များ

Aepa Gemae 1:11

Huteno Gotiʼa hunoʼaeʼmo, Mopamoʼmo kahaumo alino afole aige neʼyaʼmoʼa avina yaʼmo hanesiya neʼyaʼmo afole aige yosamoʼmo alagamo aesigeno ani alagafiʼmo avinaʼamo afole aige hugiye, huno huʼniye. Huʼnigeno ani yaʼamo ago afole aiʼniye.

Samu 72:16

Avina yaʼmo apayapiʼmo neʼaliya agufa kava huno ma mopafiʼmo mago anaga aveleʼmo hakalegaiye. Hagetenoʼaeʼmo asole neʼyaʼmo aesigenoʼaeʼmo Lemani avefatiʼmo alopa yosamoʼmo uti uti neʼaiya agufa kavaʼmo hugiye. Asole kahaumo alagepa huno nelagiya kava huʼa taonifiʼmo maiʼnaya vayaʼmo lusi kava huʼa asole vayaʼmo afole aigae.

Samu 72:3

Fatago kavaʼaletiʼmo yagaino apateʼninageʼa aise aveleʼe alopa aveleʼeʼmo maiʼnaya vayaʼmo alagepa huʼa maisageno hoyaʼapifatiʼmo alagepa neʼyaʼmo afole aigiye.

Samu 85:11

Lama ge kavaʼmo ma mopafatiʼmo hagegekana huno afole aisigeno fatago kavaʼmoʼa kokuʼnapatiʼmo he tino aeno kavafaino apakegaiye.

Salomoni Yokemae 4:16

Hoga haopalegatiʼmo yasimo alinika eno. Lamaga haopalegatiʼmo yasimo alinikeka hoyaʼnifiʼmo aligenoʼao alagepa atumo neʼaiya yaʼmoʼa muki haopalegamo ailino uneno hino. Nahau nayamopafiʼmo neʼnahaiya vekaʼnimoʼa hoyaʼafatiʼmo eno alagepa yosa alagamo lagino neno.

Aiyeya 4:2

Ani afinaʼmo Ala kava neʼmo ve mafaʼneʼamoʼmo saufa ausasaʼmo haineno afole aisigeʼa vayaʼamogimo ala apakimo alige ha le konali yaʼapimo alige hisayafeʼmo maigiye. Isaleli vayaʼmo kalavusifatiʼmo ataleʼa uʼnaya vayaʼmogi ani yosamo aepafatiʼmo alagepa neʼyaʼmo afole aisigeʼa ageteʼa hapaʼye hisigeʼapaeʼmo, Alagepa neʼyane, huʼa hugae.

Aiyeya 45:23

Nagaemo nagiʼniletiʼmo nagoʼyamo ataleteʼna ina gemo huʼnaeʼmo, Fatago gemo nehuva geleʼmo halate mago alu gemo osuguve. Muki vayaʼmogimo nagaetegamo eʼa apaleʼyamo faiʼneʼa apagoʼyamo ataleteʼa polomasi gemo hugae.

Aiyeya 45:24

Apakaemo huʼapaeʼmo, Lama gemo nehune, huʼa, Ala kava nepiʼmo maiʼnetaeʼmo fatago kavaʼamo aliteta himamuʼamo aliʼnone. Muki vayaʼmo agaetegamo egae. Agaefeʼmo apaipamo leʼa ateʼnaya vayaʼmo apavagage hugiye.

Aiyeya 45:8

Gotiʼa hunoʼaeʼmo, Kokuʼnaʼmogae, huno, Anagatiʼmo koʼmo aiyo. Alopa koʼmo aigekana huno kokuʼnapatiʼmo fatago kavaʼmo lamigiye. Ma mopamo aika akaka vaegenoʼao mopafatiʼmo apakufamo alino katino apatesiya kavaʼe fatago kavaʼapiʼeʼmo magokepatiʼmo hageno. Nagaemo Ala kava neʼapimoʼnamo ani kavaʼmo alo huʼnove.

Aiyeya 58:11

Muki afinaʼmo Ala kava neʼmoʼa alino ho huno lapateteno ko noʼaiya afinaʼmo lokiya vaino lapateteno lapauʼniya yaʼamo alagi lapamigiye. Lapakaemo aniʼmo haneʼniya hoyagana hutapa maige olaneno aeno nelatiya meti anikana hutapa maige huta maigae.

Aiyeya 60:18

Kagae koteʼmo kaveta osuge kame ohapaege mago yaʼmo aliʼa hosu huʼa oʼatege hisagetapa alagepa huta maigae. Lapakaeteʼmo yafa kegiʼyatapimoʼmo faino vego huno lapateʼnisigetapa yuʼilaga afaʼa maiʼnetapaeʼmo kegiʼyamo alopa kipatapilefeʼmo ala agiʼamo amigae.

Aiyeya 60:21

Muki vayatapimo fatago vayaʼageʼmo maigae. Apakaemo mopa hetamaʼapimo aliteʼa ani mopaleʼmo maige maige huʼa maigae. Nagaemo ala nagiʼnimo alisuvafeʼmo vayatapimo saufamo fai maleʼnogeno muki nehageya yosagana huʼa maigae. Apakaemo nayatetiʼmo alo huʼnova vayaʼmo maigae.

Aiyeya 62:1

Gotiʼa hunoʼaeʼmo, Afaʼa oʼmaiʼna Saiyoni taonifiʼmo maiʼnaya vayaʼmo hapa maesuvafeʼmo ge huguve. Nagaemo maiʼna haga oleʼna aliʼyakeʼmo alime alime neʼugenoʼaeʼmo Yulusalemu taonifiʼmo maiʼnaya vayaʼai fatago kavaʼapimoʼmo aeno ha lege apakufamo aliʼna katina apatesuva kavaʼmoʼa lamugana huno aeno ha lege hugiye.

Aiyeya 62:2

Yulusalemu vayaʼmogitapae, huʼna, Alu nofi vayaʼmo malaga vayaʼmogi lapamiʼnova fatago kavatapimo agesageʼa kini vayaʼmogimo ha le konali yatapimo agegae. Ala kava neʼmoʼnamo saufa lapakitapimo lapatesugeʼa ani saufa lapakitapimo aegae.

Aiyeya 62:7

Fiku yanageno maino haga legaiye. Agaefeʼmo keya aeta nunumuʼmo hume hume neʼvagenoʼaeʼmo agaemo Yulusalemu taonimo alino lokiya vaino atesigeʼa ma mopafi vayaʼmogimo taonimo agiʼaleʼmo aliʼa asaga huʼa ategae.

Matiyu 13:23

Mago vayaʼmogi Goti geʼamo afiteʼapaeʼmo gemo aepaʼamo alagepa huʼa afiʼnaya vayaʼmo alagepa mopafiʼmo asagauno aiʼniya avina yakana huʼa maiʼnae. Apaipafatiʼmo alagamo aeʼniye. Mago vayaʼamogimo vani hataletiʼa alagamo aege mago vayaʼamogimo sigisitiʼa alagamo aege mago vayaʼamogimo tetiʼa alagamo aege huʼnae, huno hapa paiʼniye.

Matiyu 13:3

Agaemo aeno kalafefa gefatiʼmo magoʼe gemo huno hapa painoʼaeʼmo, avina yaʼmo nehakaleya vekamoʼmo avina yaʼmo hakalesiyafeʼmo uʼniye.

Matiyu 13:8

Mago avina yaʼmo alagepa mopafiʼmo asagauno aiteno hageno uno haiteno magoke yosafatiʼmo vani hataletiʼamo aege sigisitiʼamo aege tetiʼamo aege huʼniye.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.