Aiyeya 60:9 - The Keyagana NT and 25 OT books

⁹ Alagi lama gemo huʼnaeʼmo, afagi kotega vayaʼmogimo nagava maigae. Nagava maiʼneʼa sipiʼapimo aliʼa atesageno lapakae mafaʼne anagaʼmo apavalelino lapakaetegamo egaiye. Aote Isaleli vayaʼmogi Gotiʼapimoʼmo ala lapakitapimo lapamigiyaʼmofeʼmo apakaemo Ala kava neʼmo Gotitapimo agiʼalefeʼmo siluvaʼe goli yafaʼeʼmo sipifiʼmo lapakaetegamo aliniʼa egae.

Aiyeya 60:9 ပူးပေါင်းရင်းမြစ်များ

Aepa Gemae 9:27

Gotiʼa Yefetiʼmo ha maenageʼa mafaʼne anagaʼamo asole vayaʼmo afole aiteʼa Semi aginago vayaʼai seli nopiʼmo aiʼa atagu faeʼa maiyo. Kenaniʼa Yefeti aliʼyaʼmo alisiya vekamo maino, huno huʼniye.

Samu 48:7

Kagaemo yegemo haine neʼeya kotegatiʼmo alopa yasimo aliyo, huka huʼnanageno aliteno Tasisi vayaʼai alopa sipiʼapimo aeno atagiʼniye.

Samu 72:10

Sipeni koteʼmo yagaiʼnaya vayaʼmogiʼe muki solovala ani haigifiʼmo yagaiʼnaya vayaʼmogiʼeʼmo muki yaʼmo fiku alini eʼa amigae. Alepiya koteʼmo yagaiʼnaya vayaʼmogiʼe Itiyopiya koteʼmo yagaiʼnaya vayaʼmogiʼeʼmo ofalinimo fiku amigae.

Samu 97:1

Ala kava neʼmoʼa kini vekamo maiʼnenoʼaeʼmo yagaino neʼapate. Muki ma mopafiʼmo maiʼnaya vayaʼmogitapae, huʼna, lapamogaga aiyo. Afagitega maiʼnaya vayaʼmogitapae, huʼna, lapakaeʼeʼmo lapamogaga aiyo.

Hatu maeno apate'niya gemae 33:19

Ala kava neʼmoʼa Mosesefeʼmo ha painoʼaeʼmo, Nagaemo nahau nayamopafiʼmo neʼnahaiya alagepa kavaʼnimo aliʼna atesugeno visigeka agegane. Nagaemo nagiʼnimo Ala kava neʼmo maiʼnove, huʼna kaha paisugeka afigane. Ina lagifeʼmo fikumo hapa maeʼna apamiguve, huʼna huʼnisufigeʼna fikumo hapa maeʼna apamiguve. Ina lagifeʼmo nahau nayamopafiʼmo nahauʼnisifi apakaefeʼmo afaʼa nahau nayamopafiʼmo nahaugiye.

Mai'naya kavane 18:20

Vayaʼmogimo nehaya gemoʼmo avina yakana huno haneʼniye. Ani avina yaʼmoʼmo neʼyaʼmo neʼaegenoʼaeʼmo apamu nehiye. Geʼapimoʼmo neʼyaʼamo aisigenoʼaeʼmo apaipafiʼmo havai tegaiye.

Aiyeya 11:11

Ani afinaʼmo Ala kava neʼmoʼa napa tu afinaʼmo lokiyaʼamo alino apave litenoʼaeʼmo logufa vayaʼamo noʼapilegamo apavalelino egaiye. Agaemo Asiliya kotegatinagi Isipi kotegatinagi Patalasi kotegatinagi Kasi kotegatinagi Ilami kotegatinagi Saina kotegatinagi Hemati kotegatinagi afagi kotegatinagi huno apavalelino egaiye.

Aiyeya 2:16

Agaemo muki Tasisi vayaʼmogi kanale alopa sipiʼapimo alino afepiʼmo ategaiye.

Aiyeya 42:10

Lapakaemo Ala kava nefeʼmo saufa yokemo hiyo. Muki ma mopafi vayaʼmogitapamo ala agiʼamo amiyo. Solovalapiʼmo sipifiʼmo neʼvaya vayaʼmogitapamo ala agiʼamo amiyo. Muki solovalapiʼmo maiʼnaya yaʼmogitapamo ala agiʼamo amiyo. Afagi kotegatiʼe ani kotegamo maiʼnaya vayaʼmogitapaʼeʼmo ala agiʼamo amiyo.

Aiyeya 42:4

Agaemo aliʼyaʼalefeʼmo aipamoʼmo kana hisigeno haino me otalegaiye. Haino me otalegaifa aliʼyaʼamo alime alime neʼvisigeno muki ma mopafiʼmo fatago kavaʼmo afole aigiye. Afagi kotega vayaʼmogimo keʼaepa geʼamo alino apaya malesiyafeʼmo agava maigae.

Aiyeya 43:4

Lapakaemo naulagaleʼmo hogote kanale vayaʼmo maiʼnayaʼmofeʼmo lapakaefeʼmo nahau nayamopafiʼmo nahauʼnigeʼna ala lapakitapimo lapamiʼnove. Lapamiʼnovaʼmofeʼmo lapakaemo ofalitapa alagepa huta maisayafeʼmo lapakae lapaimuʼyaleʼmo mago vayaʼmo aliʼna apatalegauve.

Aiyeya 43:6

Nagaemo lamaga haopalega vayaʼaifeʼmo huʼnaeʼmo, Apatalegeʼa eyo, huʼna huge hoga haopalega vayaʼaifeʼmo huʼnaeʼmo, kaʼmo akanita oʼapateyo, huʼna huge huguve. Lapakaemo afagitegatiʼmo ve mafaʼne anagaʼnimo apavalelita eyo. Muki ma mopamo agiʼnalegatiʼmo a mafaʼne anagaʼnimo apavalelitapa eyo, huʼna hapa paiguve.

Aiyeya 49:1

Lapakaemo solovala ani haigifiʼmo maiʼnaya vayaʼmogitapaʼe afagitegamo maiʼnaya vayaʼmogitapaʼeʼmo geʼnimo afiyo. Itanimoʼmo alino oʼnateʼniya afinaʼmo Ala kava neʼmoʼa lekana paino nateteno nagiʼnimo nateʼniye.

Aiyeya 49:22

Ala kava neʼmo Gotiʼa hunoʼaeʼmo, Ageyo, huʼna, Nagoʼyamo ataleteʼnaeʼmo muki nofi vayaʼaifeʼmo alagi lama gemo huguve, huʼna hapa paiteʼna apakaemo esayafeʼmo kalahuʼmeʼmo aliʼna asai malesugeʼa ageteʼa kagae mafaʼne anagaʼmo apavaleliʼa egae. Apakaemo ve mafaʼne anagakamo hapaifiʼyaleʼmo apavalege a mafaʼne anagakamo apakiʼnaleʼmo apavalege huliʼa egae.

Aiyeya 51:5

Fatago kavaʼnilefeʼmo ava gemo muki nofi vayaʼmogi hapaopaleʼmo aino atagu faegaiye. Nagaetegatiʼmo lokiyaʼnimo uʼniyanageʼna vayaʼmogi apakufamo aliʼna katiʼna apategauve. Nagaemo ani lokiyaʼniletiʼmo muki vayaʼamo agoti huʼna apategauve. Afagi kotega maiʼnaya vayaʼmogimo nagava maiʼneʼa lokiya kavaʼnilefeʼmo aliʼa amufa amigae.

Aiyeya 55:5

Ala kava neʼmo Gotitapimoʼmo Isaleli vayaʼmogi aote Gotiʼapimoʼmo ala lapakitapimo lapamiʼniyaʼmofeʼmo lapakaemo oʼapakeʼnaya nofi vayaʼaifeʼmo keya aeta ge hisageʼa olapakeʼnaya alu nofi vayaʼe alu nofi vayaʼmogiʼeʼmo nagu nagu huʼa lapakaetegamo egae, huno huʼniye.

Aiyeya 57:17

Agaemo hosu kavaʼmo huno haʼye huʼniya kavatefeʼmo naipamo leʼniye. Naipamo leʼnigeʼnaeʼmo nagaemo kayoʼmo amiteʼna ataleʼna uʼna fala kiʼna maiʼneʼna naipamo leʼniyaʼmonanafa aipafiʼmo hauʼniya kavaʼmo oʼataleno magoʼe huno hosu kavaʼmo huʼniye.

Aiyeya 60:4

Lapakaemo lapakenopamo alita maku hutapa agelita utetapa hisayategamo ve mafaʼne anagatapimo magokepiʼmo aliʼa anupa huteʼa lapakaetegamo afagi kotegatiʼmo egae. A mafaʼne anagatapimo apavaleʼa hapaifiʼyaleʼmo apateteʼa apavaleliʼa lahapaopaleʼmo egae.

Aiyeya 60:6

Asole kamo afu anagaʼmo Mitiyani kotegatinagi Ifa kotegatinagi Sima kotegatinagi huʼa kagemi yaʼmo aliniʼa kagaetegamo egae. Sima kotegatiʼmo esaya kamo afu anagaʼmogimo goli yafaʼe atafiʼmo kaeʼnageno alagepa atumo neʼaiya yaʼeʼmo aliniʼa kagaetegamo egae. Esaya vayaʼmogimo Ala kava neʼmo ala agiʼaleʼmo aliʼa asaga huʼa ategae.

Aiyeya 66:12

Ala kava neʼmoʼa ina gemo hunoʼaeʼmo, Afiyo, huno, Alopa aniʼmo uno nelamiya kava huʼna alagepa huta maisaya yaʼmo mafaʼne anagaʼamo lapamiguve. Aniʼmo uno nelamiya kava huʼna malaga vayaʼmogi kagemi yaʼapimo lapamiguve. Ani afinaʼmo nuʼaleʼmo neʼnesageno lapanu kilino ugiye. Agaemo lapavaleno aluteʼmo lapateteno alino alagepa huno lapategaiye.

Maika 4:13

Ala kava neʼmoʼa Yulusalemu vayaʼaifeʼmo ina gemo huno hapa paigiye. Saiyoni a mafaʼneo, huno, he tika uka kaiyaletiʼmo aeka lata paiyo. Nagaemo lapakaemo mago ve pulumakamoʼa aeni lokiyaʼagi aeni aiyagi huno maiʼniya agufa ve pulumakagana huʼna lokiya vaiʼna lapategauvaʼmofeʼmo lapakaemo muki asole nofi vayaʼmo aeta lata paigae. Kame vayatapimogimo muki yaʼmo kamefatiʼmo aliʼnaya yaʼmo lapakaemo alitetapa malesaya yaʼmo namigae. Nagaemo muki ma mopafi vayaʼai Ala kava neʼapimoʼnae.

Maika 7:12

Yulusalemu taoniyo, huno, ani afinaʼmo vayakamo kalavusi huʼnaya vayaʼmo alu nofi vayaʼmogi kotegatiʼmo kagaetegamo egae. Apakaemo Asiliya kotegatiʼmo ege Isipi kotegatiʼmo ege Yufaletisi aniʼmo haneʼniya haopalegatiʼmo ege afagi haopalega haneʼniya solovala anitegatiʼe ave kotegatiʼeʼmo ege hugae.

Sefanaiya 2:11

Ala kava neʼmoʼa apakaetegamo alopa kavaʼmo hisigeʼapaeʼmo lusi kava huʼa apamoʼyamo aigae. Agaemo ma mopafi vayaʼai gotiʼapimogimo ina agufa yakana huno alino ha maleno apatesigeʼa muki kotegamo maiʼnaya vayaʼmogimo koʼapileti koʼapiletiʼmo agaetefekeʼmo mono hugae.

Luki 2:32

Agaemo ha le yakana huno maiʼneno mago alu nofi vayaʼaitegamo aeno ha lesigeʼapaeʼmo ageʼa aeto hugae. Ani kava huno Isaleli vayakamo ala apakiʼapimo apamigiye, huno huʼniye.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Galesiya 3:26

Muki vayaʼamogitapamo Kalaisi Yesufekeʼmo lapakesamo afita fatago huʼnaya kavatetiʼmo Goti mafaʼneʼamo maiʼnae.

Galesiya 4:26

kokuʼnapi Yulusalemu taonimoʼa afa akana huno haneʼneno muki vayaʼamogita itatimogana huno haneʼniye.

Yasuva 9:9

Apakaemo huʼapaeʼmo, Lagaemo afagi kotegatiʼmo eʼnone. Ala kava neʼmo Gotitapimo ala agiʼalefeʼmo ava gemo afitetaene. Isipi kotegamo muki huʼniya kavafeʼmo ava gemo afiʼnone.