Aiyeya 60:8 - The Keyagana NT and 25 OT books8 Haiya vayaʼmogimo yasimoʼmo hiyaʼmo avalelino neʼeya kava huʼa ege nama anagaʼmogimo apanotegamo haleliʼa neʼaya kava huʼa ege nehae. အခန်းကိုကြည့်ပါ။ |
Ani gemo hisagekaeʼmo kaipafiʼmo hukaeʼmo, Mafaʼne anagaʼnimo afela heʼnayanageʼna magoʼe huʼna afaʼa aliʼna oʼapategauve. Kame vayaʼmogimo kalavusi huʼa nateteʼa navaleliʼa uʼnae. Ina laʼmo nagaetefeʼmo ani mafaʼne anagaʼmo alino apateʼniye. Nagaiʼnimo magokeʼageʼmo maiʼnovaʼmonanafa ani mafaʼne anagaʼmo haiya haopalegatiʼmo eʼnae, huka hugane.
Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.
Ani kavaʼmo afole aitegeʼna ageʼnovana asole vayaʼmo lekana opaisuna agufa vayaʼmo muki alu kotega alu kotegamo neʼmaiya vayanagi muki alu nofi vaya alu nofi vayanagi muki alu apakufaʼe alu apakufaʼe vayanagi muki alu apake alu apakemo neʼaiya vayanagi huʼa yagaino neʼapateya vekamo siya aulagaʼe aikeli sipisipimo aulagaʼeʼmo eʼa he tiʼa maiʼnageʼna apakeʼnove. Apakaemo yatala yaveyaveʼage kukenamo vaiʼa aliʼnaya vayaʼmogi vayaveʼmo haitagana yaʼmo apayapiʼmo aliʼnae.