Aiyeya 60:21 - The Keyagana NT and 25 OT books

²¹ Muki vayatapimo fatago vayaʼageʼmo maigae. Apakaemo mopa hetamaʼapimo aliteʼa ani mopaleʼmo maige maige huʼa maigae. Nagaemo ala nagiʼnimo alisuvafeʼmo vayatapimo saufamo fai maleʼnogeno muki nehageya yosagana huʼa maigae. Apakaemo nayatetiʼmo alo huʼnova vayaʼmo maigae.

Aiyeya 60:21 ပူးပေါင်းရင်းမြစ်များ

Samu 37:11

Oʼapakegayaʼmonanafa falu fala apaipa vayaʼmogimo ma mopamo aliteʼa alagepa huʼa magokepi lokaeʼa maiʼneʼa apamogaga aiʼa maigae.

Samu 37:18

Ala kava neʼmoʼa fatago vayaʼmo alagepa huʼa maigae, huno apakeʼniye. Hetamaʼapimo afaʼa hanege hanege huno hanegaiye.

Samu 37:22

Ala kava neʼmoʼa alino auleno neʼapateya vayaʼmogimo ma mopamo alitesagenoʼaeʼmo lifana huno neʼapateya vayaʼmo alagi afela hegae.

Samu 37:29

Fatago vayaʼmo mago mopamo apamisigeʼa aliteʼa ani mopaleʼmo maige maige huʼa alagi maigae.

Samu 92:13

Ala kava neʼmo noʼafiʼmo fai maleʼniya vayaʼmogimo Gotitimo kegiʼyafiʼmo alagepa huʼa afole aigae.

Aiyeya 26:2

Taonile yafa kegiʼyaleʼmo alopa kitamo yakitapa apategeʼapao fatago nofi vayaʼmogi lama gemo akame nehaya vayaʼmo eʼa haiyo.

Aiyeya 43:21

Nagaemo ani vayaʼmo nagaiʼni vayaʼnimo aliʼna ha maleʼna apateʼnovanageʼa apakaemo ala nagiʼnieʼmo aeʼa hakalo hugae.

Aiyeya 43:7

Apakaemo nagiʼnimo aliʼnageʼapaeʼmo vayaʼmogi apakaefeʼmo nagi neʼae. Nagaemo ala nagiʼnimo alisuvafeʼmo ani vayaʼmo alo huʼna apateʼnove. Apakufamo apamiteʼnaeʼmo, he, huteʼna, alo huʼna apateʼnove.

Aiyeya 45:11

Ala kava neʼmo Isaleli vayaʼmogi aote Gotiʼa alo huno apateʼniya Gotiʼapimoʼmo ina gemo hunoʼaeʼmo, Lapakaemo ve mafaʼneʼnilegamo afole aisiya kavafeʼmo ge hutapa nafi geyo. Nafigegayaʼmonanafa alo huʼna apateʼnova mafaʼneʼnilegamo hisuva kavafeʼmo huvo, hutapa naha nepaifiye.

Aiyeya 45:24

Apakaemo huʼapaeʼmo, Lama gemo nehune, huʼa, Ala kava nepiʼmo maiʼnetaeʼmo fatago kavaʼamo aliteta himamuʼamo aliʼnone. Muki vayaʼmo agaetegamo egae. Agaefeʼmo apaipamo leʼa ateʼnaya vayaʼmo apavagage hugiye.

Aiyeya 45:25

Muki Isaleli aginago vayaʼmogi Ala kava nepiʼmo maiʼnayanageno Gotiʼa hunoʼaeʼmo, Lapakaemo naulagaleʼmo fatago vayaʼmo maiʼnae, huno hapa paisigeʼapaeʼmo apamogaga aiteʼa ala nagiʼnimo namigae.

Aiyeya 45:8

Gotiʼa hunoʼaeʼmo, Kokuʼnaʼmogae, huno, Anagatiʼmo koʼmo aiyo. Alopa koʼmo aigekana huno kokuʼnapatiʼmo fatago kavaʼmo lamigiye. Ma mopamo aika akaka vaegenoʼao mopafatiʼmo apakufamo alino katino apatesiya kavaʼe fatago kavaʼapiʼeʼmo magokepatiʼmo hageno. Nagaemo Ala kava neʼapimoʼnamo ani kavaʼmo alo huʼnove.

Aiyeya 49:3

Agaemo naha painoʼaeʼmo, O Isaleliyo, huno, Kagaemo aliʼyaʼnimo neʼalina vekaʼnimo maiʼnane. Aliʼyaʼmo alisanageʼna ala nagiʼnimo aliguve.

Aiyeya 51:2

Lapakaemo afotapimo Emalehamuʼe alino lapateʼniya a kanomo Selaʼefeʼmo lapakesamo afiyo. Nagaemo Emalehamuʼamo lekana paiʼna ateteʼna agaefekeʼmo keya aeʼna ge huteʼna huʼna auleʼna ateteʼnaeʼmo asole kaginago vayaʼmo maigae, huʼna ha paiʼnogeʼa afole aiʼnae.

Aiyeya 52:1

Agaemo Yulusalemu vayaʼaifeʼmo hunoʼaeʼmo, O Saiyoniyo, huno, Aupatiʼmo hauneyo, aupatiʼmo hauneyo, Kagaemo he tika lokiya vaiyo. O Yulusalemu kaote taoniyo, huno, Kagaemo kanale kanale konali kukenakamo alika vaiyo. Apakufaleʼmo Goti alagena yaʼamo oʼaliʼnisaya vayaʼe oʼaniʼya faiʼniya vayaʼeʼmo kagaetegamo magoʼe huʼa oʼmegae.

Aiyeya 54:17

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.

Aiyeya 57:13

Lapakaemo hosu yaʼmo alisaya afinaʼmo aigofe gotigifeʼmo keya aesayaʼmoʼmo eʼa lapa maegafiye. Haʼao, aise yasitomoʼmo afaʼa apavalelino ugiye. Apavalelino ugiyaʼmonanafa nagaefeʼmo aliʼa amufa neʼnamiya vayaʼmo apamisuva mopamo aliteʼa nagae aote aveleʼmo maigae.

Aiyeya 61:11

Mopamoʼmo neʼyaʼmo alino afole aino atege hoyafiʼmo hakale maleʼnaya avina yaʼmo hoyamoʼmo alino hageno atege nehiya kava huno Ala kava neʼmo Gotiʼa fatago kavaʼe agiʼaleʼmo aliʼa asaga nehaya kavaʼeʼmo muki nofi vayaʼai apaulagaleʼmo alino afole aino ategaiye.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Aiyeya 61:7

Magoʼe huno lapavagage osisigetapa lole yaʼmo alitapa lokaeta aligae. Vayaʼmogimo magoʼe huʼa lapakitapileʼmo aliʼa afepiʼmo oʼatesagetapa alisaya yatapilefekeʼmo lapamogaga aigae. Mopatapileʼmo maiʼnetapaeʼmo lole yaʼmo alita lokaetapa alitetapa muki afinaʼmo lapamogaga aime aime ugae.

Aiyeya 62:4

Saiyoniyo, huʼna, Apakaemo kagaefeʼmo magoʼe huʼa anauʼamoʼmo ataleʼniya aʼmo maiʼniye, huʼa osugae. Haʼao, kagaefeʼmo saufa kagikamo Gotiʼa hauʼniya aʼmo maiʼniye, huʼa aege kagae mopaeʼmo saufa agimo veleʼmo maiʼniya agufa mopamo aepa vekamoʼa yagaiʼniya mopamo haneʼniye, huʼa aege hugae. Ala kava neʼmoʼa lusi kava huno amuse huno lapatesigeno mopatapimoʼa veleʼmo maiʼniya agufa kavaʼmo huʼa lapakaemo mopatapileʼmo maigae.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Aiyeya 65:9

Nagaemo Yekopu nofi vayapatiʼmo mago apakinago vayaʼmo aliʼna afole aiʼna apategauve. Yuta nofi vayapatiʼmo magoʼamogimo nagae aveleʼmo haneʼniya mopamo aligae. Lekana paiʼna apateʼnova vayaʼnimogimo ani mopamo aliteʼa aliʼyaʼnimo neʼaliya vayaʼmo ani mopaleʼmo maigae.

Omataiya 1:17

Oʼmaigayaʼmonanafa Saiyoni avefiʼmo maiʼnaya vayaʼnimogimo faiʼa kasalo paegae. Yekopu nofi vayaʼmogi aote fatago kavaʼmo huteʼa apakaiʼapi yaʼmo aligae.

Sefanaiya 3:13

Isaleli vayapatiʼmo logufaʼamogimo hosu kavaʼmo osuge aigofe gemo osuge hugae. Apakaemo humi oʼapateʼa sipisipiʼnimo maiʼneʼa kahaumo neteʼa havaesageʼa muki vayaʼmogimo koli yaʼmo aliʼa oʼapamigae.

Matiyu 15:13

muki yaʼamo kokuʼnapi afoʼnimoʼa ohakaleʼnisiya yaʼmo hafuʼyaʼaʼeʼmo alino vakaino atalegaiye.

Matiyu 5:5

Himuʼnamu kavaʼmo osuʼa yagu yaga kavaʼmo huʼa neʼmaiya vayaʼmogimo muki afoʼapimogi yaʼmo mafaʼneʼapimogimo neʼaliya kava huʼa muki ma mopamo aligayaʼmofeʼmo Goti aulena vayaʼamo maiʼnae.

Yoni 15:2

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Efasasi 1:12

Gotiʼa lagaetetiʼmo ha le konali yaʼamo alino apave lisigeʼa ageteʼapaeʼmo agiʼaleʼmo aliʼa asaga huʼa atesayafeʼmo mafaʼneʼnimo maigae, huno hu maleʼniye. Lagaemo Yu vayaʼmogita hogoteta Kalaisifeʼmo alita amufa amiʼnone.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

Efasasi 2:7

Gotiʼa lusi kava huno fikumo laha maeno lamiʼniya kavaʼamo kagemi yaʼagana huno haneʼnigeno Kalaisi Yesutetiʼmo agaiʼa aipamo alino ao yaʼmo hu maleʼniya kavaʼmo alino apave lisigeʼapaeʼmo afole aisiya afinaʼmo ageʼa maigae.

2 Tesaloniyani 1:10

Ani afinaʼmo apaote vayaʼamo alino alagepa huno apatesigeʼapaeʼmo agiʼaleʼmo aliʼa asaga huʼa ategae. Muki vayaʼmo apakesamo afiʼa fatago nehaya vayaʼmogimo agaemo ageteʼapaeʼmo hapau aiteʼa apamogaga aigae. Lapakaemo lapa paiʼnona geeʼmo lapakesamo afita fatago huʼnayaʼmofeʼmo apakaeʼeʼmo magokepi lokaeta maigae.

2 Pita 3:13

Hano hugiyaʼmonanafa Gotiʼa afole aigiye, huno hu maleʼniya gemo afole aisigenoʼaeʼmo fatago kavaʼagekeʼmo hanesiya saufa kokuʼnaʼe mopaʼeʼmo afole aisiyafeʼmo agava neʼmaune.

Leveleseni 21:27

Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.

Leveleseni 21:7

Aeʼa neʼapakasaya vayaʼmogimo muki yaʼmo alisageʼna Gotiʼapimoʼnamo maisugeʼapaeʼmo mafaʼneʼnimo maigae.

Leveleseni 5:10

Kagaemo yagaita apatesuna kini vayaʼmo maige mono huta apatesuna vayaʼmo maige huʼneta Goti aliʼyaʼamo alisunafeʼmo alika hamaleka lateʼnananageta ma mopafiʼmo yagaita apategaune, huʼa huʼnae.