Aiyeya 60:17 - The Keyagana NT and 25 OT books

¹⁷ Nagaemo haesa aenimo aimuʼyaleʼmo goli yafaʼmo aliniʼna lapakaetegamo egauve. Aenimo aimuʼyaleʼmo siluva yafaʼmo aliniʼna egauve. Yosamo aimuʼyaleʼmo haesa aenimo aliniʼna egauve. Afa yafaʼmo aimuʼyaleʼmo aenimo aliniʼna egauve. Nagaemo yagaiʼa nelapataya vayatapimo alagepa huʼna hapa maesugeʼa alagepa huʼa yagaiʼa lapatesagetapa taonifiʼmo alagi alagepa hutapa maigae. Ina kava huʼna Gamani vayatapimo alagepa huʼna hapa maesugeʼa fatago kavaʼmo huʼa alagepa aliʼyaʼmo aligae.

Aiyeya 60:17 ပူးပေါင်းရင်းမြစ်များ

Samu 147:14

Agaemo mopatapileʼmo alagepa huno yagaino nelapategeʼapaeʼmo vagaʼmogi eʼa lapakaeʼeʼmo kame osuʼnageta alagepa hutapa maiʼnae. Alagepa hogote vitimo hoyafatiʼmo alino afole aino neʼategetapa lapakaemo netapa lapamu nehae.

Samu 72:3

Fatago kavaʼaletiʼmo yagaino apateʼninageʼa aise aveleʼe alopa aveleʼeʼmo maiʼnaya vayaʼmo alagepa huʼa maisageno hoyaʼapifatiʼmo alagepa neʼyaʼmo afole aigiye.

Aiyeya 1:26

Nagaemo halate alagepa huʼa yagaisaya vayaʼe agoti gemo afisaya fatago vayaʼeʼmo akeyaʼvilagamo kagaeteʼmo maiʼnaya agufa vayaʼmo aliʼna afole aiʼna apategauve. Henagaʼamo vayaʼmogimo kagaefeʼmo ina gemo huʼapaeʼmo, Fatago kavaʼmo haneʼniya taoniye, huʼa, kagi aege Goti geʼamo oʼataleno akame nehiya taoniye, huʼa kagi aege hugae.

Aiyeya 55:13

Paeni yosamo hosu yosamo aimuʼyaleʼmo lagigiye. Aise kanale yosamo aufe nofiʼmo haneʼniya yapiʼmo lagigiye. Muki afinaʼaeʼmo ani kanale yosamo lagisigeno ani kavaʼmo ina kava huno nagaemo Ala kava neʼmoʼnamo lokiya alagena kavaʼmo nehuva kavakana huno haneʼnisigeʼa vayaʼmogimo ageteʼapaeʼmo ala nagiʼnimo namigae.

Aiyeya 60:16

Itaʼapimogimo nute mafaʼneʼapimo nuʼmo neʼapamiya kava huʼa alu nofi vaya alu nofi vayaʼe kini vayaʼmogiʼeʼmo alagepa huʼa yagaiʼa lapategae. Lapakaemo Ala kava neʼmo nagegayana lagufamo alino katino nelateya vekamo maiʼniye. Isaleli nofi vayaʼmogita lokiya vekatimoʼmo miya faino hatu maeno lateʼniya vekamo maiʼniye.

Aiyeya 60:18

Kagae koteʼmo kaveta osuge kame ohapaege mago yaʼmo aliʼa hosu huʼa oʼatege hisagetapa alagepa huta maigae. Lapakaeteʼmo yafa kegiʼyatapimoʼmo faino vego huno lapateʼnisigetapa yuʼilaga afaʼa maiʼnetapaeʼmo kegiʼyamo alopa kipatapilefeʼmo ala agiʼamo amigae.

Neniyo 11:20

Inagi ani kini vekamo aimuʼyaleʼmo mago yagaisiya vekamo afole aiteno ha le konali kotega maiʼnaya vayaʼaifeʼmo takesi monimo namiyo, huno hugiye. Ani kini vekamo afaʼa aise afinaʼatomo maiteno faligiye. Agaemo kamefatiʼmo ofalige vayaʼmogi ge hauteʼa kamitimo amagisageno ofalige hugiye.

Hagai 2:8

Muki kotegamo haneʼniya siluva yafanagi goli yafanagi huno nagaiʼni yaʼageʼmo haneʼniye, huʼna Gotiʼnamo asole vayaʼaiteʼmo neʼyagauva vekamoʼnamo mani gemo hu maleʼnove.

Himulu 11:40

Gotiʼa lagaefeʼmo hunoʼaeʼmo, aeno agaseʼniya yaʼmo lapamiguve, huno agesamo afiʼniye. Apakaiʼapigeʼmo apaoteʼmo uʼa haiʼa ohapaigafa lagaeʼeʼmo magokepiʼmo uta haita hapaisunafeʼmo agesamo afiteno hu maleʼniye.

2 Pita 3:13

Hano hugiyaʼmonanafa Gotiʼa afole aigiye, huno hu maleʼniya gemo afole aisigenoʼaeʼmo fatago kavaʼagekeʼmo hanesiya saufa kokuʼnaʼe mopaʼeʼmo afole aisiyafeʼmo agava neʼmaune.