Aiyeya 6:9 - The Keyagana NT and 25 OT books

⁹ Huʼnogeno Ala kava neʼmoʼa naha painoʼaeʼmo, Uka ani vayaʼaifeʼmo ina gemo huka hapa paiyo. Lapakaemo ani gemo muki afinaʼmo afime afime viyo. Afigayaʼmonanafa afita aeto osugae. Lapakaemo agege agege hutapa maigayaʼmonanafa ageta aeto osugae, huka hapa paiyo.

Aiyeya 6:9 ပူးပေါင်းရင်းမြစ်များ

Mai'naya kavane 28:5

Hosu vayaʼmogimo alagepa huʼa aliʼa fako huʼa apatesaya kavaʼmo haiya agufa kavaʼmo haneʼnifi huʼa oʼafiʼnayaʼmonanafa Ala kava neʼmo kahauya huʼa agesayafeʼmo nehaya vayaʼmogi muki kavaʼmo ageʼa aeto nehae.

Aiyeya 42:20

Vayaʼnimogimo asole kavaʼmo ageʼnayaʼmonanafa ageʼa alagepa osuʼnae. Apakesamo aino halo aiʼniyaʼmonanafa gemo noʼafiye.

Aiyeya 43:8

Lapakaemo apaulagamo ali huʼniyaʼmonanafa apaulagamo haneʼniya vayaʼe apakesamo akaniʼniyaʼmonanafa apakesamo haneʼniya vayaʼeʼmo apavalelitapa eyo.

Maki 4:12

Agege agege huʼa maigayana ageʼa aeto osuge afige afige huʼa maigayana afiʼa aeto osuge huʼa maisayafeʼmo aeʼna kalafefa gemo huʼna hapa nepauve. Afiʼa aeto huteʼa aiʼa atagineʼa Gotitegamo esageno hosu kavaʼapimo afaʼa alino oʼatalesiyafeʼmo aeʼna kalafefa gemo huʼna hapa nepauve, huno hapa paiʼniye.

Luki 8:10

Yesuʼa hunoʼaeʼmo, lapakaemo Gotiʼa yagaino neʼapateya kavaʼmo alino fala ki maleʼneno ago alino afole aino ateʼniya geeʼmo aeʼna kalafefa gemo huʼnova gemo aepaʼamo lapakaemo afaʼa afigayaʼmonanafa mago vayaʼmogimo alagi oʼafigae. Apakaemo agegayaʼmonanafa ageʼa aeto osuge afigayaʼmonanafa afiʼa aeto osuge hisayafeʼmo ani aeʼna kalafefa gemo huʼna hapa nepauve.

Lomu 11:8

Ani kavatefeʼmo mago avoʼmo kae maleʼniya gemoʼa hunoʼaeʼmo, Gotiʼa apaipamo alino havaeno ategekana huge oʼagesaya agufa apaulagamo alino hamaleno apatege oʼafisaya agufa apakesamo apamige huʼnigeʼapaeʼmo ani kavaʼmo huʼa maime maime eʼa hemeniʼeʼmo huʼa maiʼnae, huno huʼniye.