Aiyeya 6:5 - The Keyagana NT and 25 OT books

⁵ Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.

Aiyeya 6:5 ပူးပေါင်းရင်းမြစ်များ

Aepa Gemae 32:31

Yekopuʼa Pinaiyo kotetiʼmo ataleno neʼvigenoʼaeʼmo yegemo haineniʼgeno aumiʼyamo aino hatu maeʼniyaʼmofeʼmo laku taka hulino uʼniye.

Samu 24:10

Ani ha le konali kini vekamo ina laʼae. Asole ami vayaʼaiteʼmo yagaino neʼapateya kini vekamo ha le konali kini vekamo maiʼniye.

Hatu maeno apate'niya gemae 24:10

Isaleli vayaʼmogi Gotiʼapimoʼmo maiʼnigeʼa ageʼnayana aiyamo afeʼalumelagamo oko yafaʼmo agiʼamo Safaiya yafatetiʼmo kateʼmo maleʼnageno kokuʼnakana huno aeno haleʼniye.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Hatu maeno apate'niya gemae 33:20

Nahaugiyaʼmonanafa naugosaʼafiʼmo afaʼa oʼnagegane. Naugosafiʼmo nagesiya vekamo afaʼa oʼmaigifa ago faligiyaʼmofeʼmae.

Hatu maeno apate'niya gemae 4:10

Moseseʼa Ala kava nefeʼmo hunoʼaeʼmo, O Ala kava nene, huʼna, nagaemo hogoteʼna asole vayaʼai apaulagaleʼmo alagepa huʼna ge nosuva vekamo maiʼnovaʼmonanafa hemenimo kagaeʼeʼmo magokepi gege nehuʼaʼmofeʼmo nagaemo ge hisuva agufa vekamo oʼmaiʼnove. Navayamoʼmo lusi kava huno kana nehiyanageʼna alagepa huʼna ge osuguve, huno huʼnigenoʼaeʼmo

Hatu maeno apate'niya gemae 6:12

Moseseʼa hunoʼaeʼmo, Isaleli vayaʼmogimo geʼnimo oʼafiʼnayanageno haiya kava huno Feloʼmo geʼnimo afigiye. Navayamoʼmo kana huʼniye, huno huʼnigenoʼaeʼmo

Aiyeya 33:17

Lapakaemo alagepa apaulagamo neʼagaya kini vekamo agegae. Lapakaemo alagi afagitegamo haneʼniya koʼmo agegae.

Aiyeya 59:3

Vayaʼmo hapaeʼnaya kolaʼmo lapayateʼmo haneʼniya kavaʼmoʼa alino hosu huno lapateʼniye. Lapakinagoletiʼmo hosu kavaʼmo huʼnaya lapayaʼmo hosuʼniye. Lapavayafatiʼmo aigofe gemo huʼnae. Lapavenafuʼnaletiʼmo hosu gemo huʼnae.

Aiyeya 64:6

Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.

Neniyo 9:20

Nagaemo Ala kava neʼmo Gotiʼnimo aulagaleʼmo nunumuʼmo huʼna hosu kavaʼnieʼmo aeʼna hakalo huge Isaleli vayaʼnimogi hosu kavafeʼmo aeʼna hakalo huge Gotiʼnimo aote avelefeʼmo ge huge nehuve.

Hamakaki 3:16

Ani kavafeʼmo ava gemo afiteʼnaeʼmo nagufamoʼmo atete huʼniye. Age aiʼnigeʼnaeʼmo navayamoʼmo atete huʼniye. Naiya nayaʼmo faliteno lokiyaʼnimo ohaneʼnigeno naipamoʼmo atete huʼniye. Ani nofi vayaʼmogi eʼa lagaeʼeʼmo kamemo hisagenoʼaeʼmo lusi hanageke yaʼmo afole aisiya afinaʼmo nahausoli osuʼna afaʼa agava maiguve.

Napa 17:12

Isaleli vayaʼmogimo Mosesefeʼmo huʼapaeʼmo, Vaehae, huʼa, Alagi faligune. Mukiʼamogitamo falita lageso hugune,