Aiyeya 6:1 - The Keyagana NT and 25 OT books

¹ Nagaemo ala kini netimo agiʼamo Uyaiyaʼmo faliʼniya kafugamo ageʼnovana Ala kava neʼmoʼa yagaino neʼapateya siyaʼaleʼmo fai maiʼnigeʼna ageʼnove. Alino asagauno ateʼnigeno muga anaʼaleʼmo fai maiʼnigeno yatala kukena atupaʼamoʼmo alopa mono nopiʼmo alagi havaiteʼnigeʼna ageʼnove.

Aiyeya 6:1 ပူးပေါင်းရင်းမြစ်များ

2 Sitoli 18:18

Mikaiyaʼa hapa painoʼaeʼmo, Inagi Ala kava neʼmo geʼamo afiyo. Nagaemo apakeʼnovana Ala kava neʼmoʼa yagaino neʼapateya siyaʼaleʼmo fai maiʼnigeʼa muki kokuʼnapi maiʼnaya vayaʼmogimo lamaga haopaleʼmo he tiʼa maige hoga haopaleʼmo he tiʼa maige huʼnageʼna apakeʼnove.

Samu 108:5

O Gotiyo, huʼna, vayaʼmogimo kagikaleʼmo aliʼa asaga hisagenoʼa alagi anagamo uno haino. Ma mopafi muki haopalegamo ha le konali yakamoʼmo aino atagu faino.

Samu 113:5

Ina laʼmo Ala kava neʼmo Gotitimogana huno maiʼniye. Agaemo alagi muga anagamo neʼmaiye.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Hatu maeno apate'niya gemae 24:9

Moseseʼagi Eloniʼagi Nenapuʼagi Amihuʼagi sevetiʼa Isaleli vayatama vayanagi huʼa avefiʼmo uʼa haiʼa ageʼnayana

Aiyeya 1:1

Mani mukufiʼmo Aiyeyaʼmo Emoyi mafaʼnemoʼmo Uyaiyaʼagi Yotamiʼagi Ehayiʼagi Heyekaiyaʼagi huʼa Yuta vayaʼai kini vayaʼmo maiʼnaya afinaʼmo Yuta nofi vayaʼe Yulusalemu taonifiʼmo maiʼnaya vayaʼefeʼmo Gotiʼa alino aveliʼnigeno ageʼniya kavafeʼmo avoʼmo kaeʼniye.

Aiyeya 12:4

Kagaemo ani afinaʼmo ina gemo hugane. Ala kava neʼmo agiʼaleʼmo alita asaga hiyo. Agaefeʼmo agimo aeta keya aeyo. Muki nofi vayaʼaifeʼmo alopa aliʼyaʼmo neʼaliya kavafeʼmo aeta hakalo hiyo. Ala agiʼamo aliʼniye, hutapa hiyo.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Neniyo 10:17

Lokiya yaʼnimo hano huʼnigeno navamusaʼmo oʼaisuva kava huʼniyaʼmofeʼmo nagaemo aliʼyakamo neʼaluva vekamoʼnamo haiya kava huʼna kagaeʼeʼmo gege huguve.

Neniyo 7:9

Nagaemo ageliʼna ageliʼna uʼnovana mago kini siyakoʼmo aliniʼeʼa maleʼnae. Akeyaʼvilagamo neʼmaiya Gotiʼa eno fai maiʼniye. Kukenaʼamoʼmo hiyakana huno yaveyaveʼage huteno agenopa ayokaʼmoʼa sipisipimo ayokakana huno magoʼe huno yaveyave huʼniye. Siyaʼafiʼmo kale aiyagana huno haneʼnigeno ani siyapatiʼmo alopa atamo le teno

Matiyu 25:31

Vemo mafaʼnemoʼa ha le konali yaʼamo aliteno enisole vayaʼaʼeʼmo emineno yagaino apatesiyafeʼmo kini siyateʼmo fai maigiye.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 12:41

Aiyeyaʼa Yesu ha le konali yaʼamo ageʼniyaʼmofeʼmo ani agufa gemo huno ava gemo huʼniye.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Leveleseni 15:8

Gotiʼa ha le konali yaʼaʼe ayamufaʼamoʼeʼmo ata legekana huno nelegeno halinamo ailino aote mono nopiʼmo uno haino havai teʼnigeʼapaeʼmo muki vayaʼamo afaʼa uʼa haiʼa oʼuʼnisageʼapaeʼmo seveniʼa enisole vayaʼmogimo seveniʼa kayotetiʼmo apamagime apamagime uʼa apamagiʼa hano hutesageʼapaekeʼmo afaʼa uʼa haigae.

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.

Leveleseni 4:10

Mono nehageʼapaeʼmo tuveti foʼa vayatama vayaʼmogimo maige maige huno neʼmaiya vekamo yagaino neʼapateya siyateʼmo maiʼniya vekalefeʼmo asagau aiʼneʼapaeʼmo mono nehae. Apakaemo kamemo huʼa aeʼa apakaseteʼa aliʼnaya kakolitamo asagiʼa yagaino neʼapateya vekamo siya aulagamo yaga auʼnae.

Leveleseni 4:2

Malage huʼna Goti Aunemeʼafiʼmo maiʼneʼnaeʼmo naune kavaʼmo huʼna ageʼnovana mago vekamo kokuʼnapiʼmo fai maiʼneno yagaino neʼapateya siyateʼmo maiʼnigeʼna ageʼnove.

Leveleseni 4:3

Fai maiʼniya vekafatiʼmo mago yafaʼmo agiʼamo yasipa yafaʼmo alu agufa alu agufamo kaliʼniya yafakana huno haesa yafaʼmo agiʼamo koniliyani yafakana huno alave alave huʼniye. Mago fugagiʼnaʼmoʼa yafaʼmo agiʼamo emalolimoʼa hegafatalili yafakana huno haneʼnigeno fugagiʼnaʼmoʼa siyateʼmo aino ku aiʼniye.

Leveleseni 4:9

Loleʼe loleʼe vayaʼmogimo maige maige huno neʼmaiya vekamoʼmo yagaino neʼapateya siyateʼmo fai maiʼniya vekaeʼmo mono huteʼa ala agiʼamo amige agiʼaleʼmo aliʼa asaga huʼa atege hao ke hege huʼa mono nehae.

Leveleseni 5:1

Ageʼnovana yagaino neʼapateya siyateʼmo fai maiʼniya vekamoʼmo apepaleʼmo aluga alugaʼamo avoʼmo kaeteno alino kafage ki maleʼneno seveniʼa afinaʼmo kameletiʼmo faleteno aino kamaeteno lamaga ayapiʼmo aliʼniye.

Leveleseni 5:7

Agaemo uno yagaino neʼapateya siyateʼmo fai maiʼniya vekamo lamaga ayapatiʼmo alino kafage ki maleʼniya pepamo aliʼniye.

Leveleseni 6:16

Apakaemo aveʼe yafaʼefeʼmo, Aika naku paeka emikeka aika lati kaegeʼanao yagaino neʼapateya vekamo siyateʼmo fai maiʼniya vekaʼe aipamo leno nelateya aikeli sipisipimoʼeʼmo olagesaʼafeʼmae.