Aiyeya 59:8 - The Keyagana NT and 25 OT books

⁸ Alagepa huʼa magokepi lokaeʼa maisageno apaipamoʼmo falu hisiya kaʼmo noʼagae. Apakaemo vayaʼai kavaʼapimo alagepa huʼa aliʼa fako nosae. Apakaemo kaʼapimo kayagi kayaga kaʼmo valiʼnae. Ina lagimo ani kateʼmo visafi alagepa huʼa magokepi lokaeʼa maisaya kavaʼmo oʼagegae.

Aiyeya 59:8 ပူးပေါင်းရင်းမြစ်များ

Samu 125:5

Ala kava neʼmoʼa alagepa kaʼmo ataleʼa kayagi kayaga kateʼmo neʼvaya vayaʼmo apavalelino visigeʼa hosu kavaʼmo nehaya vayaʼeʼmo magokepi lokaeʼa ugae. Isaleli vayaʼmogitapae, huʼna, Ala kava neʼmoʼa lapa maenagetapa yuna lapaipamo kalita maiyo.

Mai'naya kavane 2:13

Ani vayaʼmogimo alagepa kaʼmo ataleʼa hosu kaʼmo hani huʼniya kateʼmo neʼvae.

Mai'naya kavane 2:15

Kavaʼapimoʼmo kayagi kayaga huʼniye. Api kaʼmo ago ataleʼnae.

Mai'naya kavane 21:8

Vaiʼmo neʼaliya vayaʼmogimo humiʼnami kavaʼmo nehayaʼmonanafa vaiʼmo noʼaliya vayaʼmogimo fatago kavaʼmo nehae.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Mai'naya kavane 3:17

Ani a kanomo neʼviya kaʼmo kanale kaʼmo haneʼniyanageʼa visaya vayaʼmo apamogaga aigae. Muki kaʼaleʼmo visaya vayaʼmogi apaipamoʼmo falu hugiye.

Aiyeya 5:7

Isaleli vayaʼmo asole vayaʼaiteʼmo yagaino neʼapateya Ala kava neʼmo nofi hoyaʼagana huʼa maiʼnae. Yuta vayaʼmo Ala kava neʼmoʼa amuse nehiya nofigana huʼa maiʼnae. Agaemo vayaʼaitegamo fatago kavaʼmo hisayafeʼmo apakava maiʼniyaʼmonanafa vayaʼaitegamo hosu kavakeʼmo huʼa kana yaʼmo aliʼa apamiʼnae. Apakaemo alagepa huʼa aliʼa fako hisayafeʼmo apakava maiʼniyaʼmonanafa hosu kavaʼmo huʼnageʼapaeʼmo laha mao, huʼa keya aeʼa ge nehae.

Aiyeya 59:11

Lagaemo ani kana yaʼmo afela afu anagaʼmo meyaʼmogimo nagalu nagalu nehaya kava huta alopa gefatiʼmo huge kaugoʼyave nama anagaʼmogimo apake neʼaiya agufa gemo huta yulagefa aige huta maiʼnone. Kagaemo kame vayatimo agoti huka apateteka lagufamo alika katika latesanafeʼmo kagava maiʼnonaʼmonanafa ani kavaʼmoʼa lagaeteʼmo afagiʼaleʼmo haneʼniye.

Aiyeya 59:9

Inagi apakaemo ina gemo huʼapaeʼmo, Hosu kavaʼmo huʼnonaʼmofeʼmo kame vayatimo agoti huno apatege laha maege nosiye. Lagaemo ha le yaʼmo agesunafeʼmo lahauʼniyaʼmonanafa hani nehiye. Lokiya yegemo lesiyafeʼmo agava maiʼnonaʼmonanafa alopa hanipikeʼmo umenitata nehune.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Matiyu 23:23

Keʼaepa gemo avoʼmo kaetapa alita apaya neʼmalaya vayanagi Falasi mono vayanagi hutapa aeta ati nekaya vayane, huʼna, vaehae, lapakaetegamo kage kage kavaʼmo afole aigiye. Lapakaemo keʼaepa gemo akame hisayafeʼmo hoyafati neʼyaʼmo aliniteta neʼmalaya yapatiʼmo teni huʼniya yaʼmo alita fako hutapa magoke yaʼmo Gotiʼmo neʼamiyaʼmonanafa hogote keʼaepa gemo aeno aga seʼniya keʼaepa geʼamo akame hisayafeʼmo vayaʼaitegamo fatago kavaʼmo osuge lahapau huta oʼapatege lama ge kavaʼmo osuge huʼnae. Ani kavaʼmo nehutapaeʼmo mago alu keʼaepa geʼeʼmo oʼataleyo.

Luki 1:79

Lagaetegamo enoʼaeʼmo hanipiʼmo fali kavaʼmo auneʼafiʼmo fai maiʼnona vayaʼmogitalegamo ha le yaʼmo lamiteno alagepa kaʼmo Gotiʼeʼmo lokaelita visuna kaʼmo alino lave ligiye, huka hapa paigane, huno huʼniye.

Lomu 3:17

Alagepa huʼa magokepi lokaeʼa maisaya kaʼmo alagi noʼagae.