Aiyeya 59:6 - The Keyagana NT and 25 OT books

⁶ Kakanaʼapimoʼmo kukena yaʼapimo alino ohamalegaiye. Kavaʼapimoʼmo apakufaleʼmo aino ati kaeno oʼapategaiye. Aliʼyaʼapimo hosu aliʼyaʼmo haneʼnigeʼa apayatetiʼmo vayaʼmo nehapae.

Aiyeya 59:6 ပူးပေါင်းရင်းမြစ်များ

Aepa Gemae 6:11

Maiʼniyaʼmonanafa muki vayaʼmo Goti aulagaleʼmo hosu vayaʼmo maiʼneʼa kamemo huge vayaʼmo hapaege kaveta huge kavaʼmokeʼmo ma mopafiʼmo havai teʼnigeno ageʼniye.

Samu 55:11

Taonifiʼmo muki haopalegamo vayaʼmogimo aigofe gemo huge kumayaʼmo alige aliʼa afepiʼmo apatege kaveta huge huʼa nehae.

Samu 58:2

Haʼao, lapakaemo hosu kavakeʼmo hisayafeʼmo lapakesamo neʼafiye. Lapakaemo ma mopafi vayaʼmo alita hosu hutapa apatesayafeʼmo aliʼyaʼmo neʼaliye.

Aiyeya 5:7

Isaleli vayaʼmo asole vayaʼaiteʼmo yagaino neʼapateya Ala kava neʼmo nofi hoyaʼagana huʼa maiʼnae. Yuta vayaʼmo Ala kava neʼmoʼa amuse nehiya nofigana huʼa maiʼnae. Agaemo vayaʼaitegamo fatago kavaʼmo hisayafeʼmo apakava maiʼniyaʼmonanafa vayaʼaitegamo hosu kavakeʼmo huʼa kana yaʼmo aliʼa apamiʼnae. Apakaemo alagepa huʼa aliʼa fako hisayafeʼmo apakava maiʼniyaʼmonanafa hosu kavaʼmo huʼnageʼapaeʼmo laha mao, huʼa keya aeʼa ge nehae.

Aiyeya 57:12

Nagaemo na agufa fatago kavatapimo nehafi huʼna hapa paiteʼna aliʼyatapieʼmo aeʼna hakalo huguve. Alagi lapa oʼmaegaiye.

Aiyeya 58:4

Lama gemo huʼnaeʼmo, lapakaemo kame huge ge vaige hutapa maisayafeʼmo neʼyaʼmo oʼneta mo siʼnae. Lapayaʼmo alita lagokiliʼnetapa siki kayoʼmo neʼapamiye. Nunumuʼmo hisaya gemo kokuʼnapatiʼmo afisiyafeʼmo neʼyaʼmo mo nosiye.

Aiyeya 64:6

Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.

Maika 2:8

Hemenimo vayaʼnimogi kame huʼa nateteʼa kame vayaʼnimo hamaleʼnae. Lapakaemo aliʼa amufa lapamiʼnaya vayaʼmo ati vayaʼmogi kamemo ataleʼa noʼapilegamo neʼagetapaeʼmo yatala kukena yaʼapiʼe muki kukena yaʼapiʼeʼmo kumaya neʼaliye.

Maika 6:12

Apakaemo taonifiʼmo asole kagemi yaʼapiʼe vayaʼmogimo kaveta huge agoti huʼa apatege nehae. Taonifi vayaʼmogimo aigofe gemo huge apavayaletiʼmo humi apatege nehae.

Sefanaiya 1:9

Ani afinaʼmo nagaemo ala apaki vayaʼmogi aliʼyaʼapimo neʼaliya vayaʼmogimo vayaʼai no kipateʼmo apaya mukiki huʼa uʼa haiʼa apamagige kagemi yaʼapimo kumaya alige huteʼa aliniʼa uʼa aliʼyaʼmo afoʼamo nopiʼmo maleʼa havaite neʼmalaya vayaʼmo kayoʼmo apamiguve, huno hutenoʼaeʼmo,

Sefanaiya 3:1

Yulusalemu vayaʼmogimo osisaya agufa kavaʼmo huʼa Goti geʼamo amagiʼa ataleteʼapaeʼmo hosu kavaʼapiletiʼmo apakaiʼapimo aliʼa hosu huʼa apateʼnae. Apakaemo kana yaʼmo aliʼa apamiʼnayaʼmofeʼmo kana yaʼmo aliteʼa kage kage huʼa yulagefaʼmo aigae.

Malakai 2:16

Ala kava neʼmo Isaleli vayaʼmogi Gotiʼapimoʼmo muki vayaʼaiteʼmo yagaino neʼapateya vekamoʼmo hunoʼaeʼmo, Lapakaemo aʼnetapimo hapa faitapa neʼapatalaya kavafeʼmo alagi oʼnahauʼniye. Ani kavatetiʼmo kavetamo nehaya kavaʼmo afole neʼaigetapa aʼnetapimo neʼapamagiye. Ani hosu kavaʼmo afole neʼaiyaʼmofeʼmo lapaunelapameteʼmo alagepa hutapa yagaitapa atetetapa aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.