Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 59:3 - The Keyagana NT and 25 OT books

3 Vayaʼmo hapaeʼnaya kolaʼmo lapayateʼmo haneʼniya kavaʼmoʼa alino hosu huno lapateʼniye. Lapakinagoletiʼmo hosu kavaʼmo huʼnaya lapayaʼmo hosuʼniye. Lapavayafatiʼmo aigofe gemo huʼnae. Lapavenafuʼnaletiʼmo hosu gemo huʼnae.

အခန်းကိုကြည့်ပါ။ ကော်ပီ




Aiyeya 59:3
31 ပူးပေါင်းရင်းမြစ်များ  

Apakufamo apavaleliʼa haiteʼa hinuʼnamu gemo nehaya kavanagi apavayaletiʼmo aigofe gemo nehaya gegi vayaʼmo apayateti fikumo neʼapamagiya kavanagi hosu kavaʼmo hisayafeʼmo apaipafiʼmo apakesamo afiʼa aliʼa fako nehaya kavanagi apaiyaletiʼmo nagu nagu huʼa uʼa hosu kavaʼmo nehaya kavanagi agotileʼmo aigofe faigoko gemo nehaya kavanagi alagepa huʼa magokepi lokaeʼa maisayafeʼmo ohapauʼnigeʼa aliʼa fako huʼa neʼapataya kavafenagi huno alagi ohauʼniye.


Lapayaʼmo alita asaga huliʼnetapaeʼmo nunumuʼmo hisageʼnaeʼmo naulagaleʼmo aiʼna ati kaeteʼnaeʼmo olapakegauve. Vayaʼmogi kolaʼapimo lapayateʼmo haneʼniyaʼmofeʼmo asole nunumuʼmo hisageʼnaeʼmo oʼafiguve.


Yulusalemu taoniyo, huno, akeyaʼvilagamo alagepa huka geʼnimo afiʼnanaʼmonanafa hemenimo mago kumai a kanomo hamaleʼnane. Kagaemo agoti gemo alagepa huʼa afiʼnaya vayaʼe fatago vayaʼeʼmo havaiteʼnayaʼmonanafa hemenimo kagaemo kamitimo hapaenageʼa faliʼnaya vayaʼmogimo kili paeʼnae.


Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.


Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.


Mago afinaʼmo afole aisigetapaeʼmo lapakaemo Ala kava nefeʼmo keya aegayaʼmonanafa agaemo getapimo oʼafigiye. Lapakaemo hosu kavaʼmo huʼnayaʼmofeʼmo nunumuʼmo hisaya gemo oʼafigiye.


Apakaemo taonifiʼmo asole kagemi yaʼapiʼe vayaʼmogimo kaveta huge agoti huʼa apatege nehae. Taonifi vayaʼmogimo aigofe gemo huge apavayaletiʼmo humi apatege nehae.


Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.


alagepa vekamo kutulu yaʼmo aliʼnovaʼmofeʼmo hosu kavaʼmo huʼnove, huno hapa paiʼnigeʼapaeʼmo, lagae yaʼmo ohaneʼnifa kagaika yaʼmo haneʼniye, huʼa ha paiʼnae.


Apavayaletiʼmo aigofe gemo hugayaʼmonanafa apakupi mafaʼnemo faliʼnegekana huno maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ