Aiyeya 59:18 - The Keyagana NT and 25 OT books

¹⁸ Agaemo hosu kavaʼapilefeʼmo ina kava huno anonaʼapilefeʼmo kayoʼmo apamigiye. Aipamo neleya kavaʼaletiʼmo kame vayaʼamogi hosu kavaʼapimo anonaʼapilefeʼmo alino kanale huno kayoʼmo apamigiye. Agaemo solovala ani haigileʼmo afagiʼaleʼmo maiʼnaya vayaʼmogi hosu kavaʼapimo anonaʼapilefeʼmo lusi kava huno kayoʼmo apamigiye.

Aiyeya 59:18 ပူးပေါင်းရင်းမြစ်များ

Samu 62:12

O Ala kava nene, huʼna, vayakaeʼmo kahau huka neʼapatane, huʼna ago afiʼnove. Kagaemo kavaʼapilefeʼmo apamete apamete huka alika fako huka neʼapamine.

Aiyeya 1:24

Nehayaʼmofeʼmo Yulusalemu vayane, huno, Ala kava neʼmoʼa muki vayaʼaiteʼmo yagaino neʼapateya vekamo Isaleli vayaʼmogi lokiyaʼaʼe Gotiʼapimoʼmo ina ge huno huʼniye. Nagaetegamo kame hisaya vayaʼmo hapa faiʼna apatalegauve. Kame vayaʼnimo anonaʼapilefeʼmo kayoʼmo apamiguve.

Aiyeya 35:4

Lapakaemo apaipafiʼmo koli nehaya vayaʼaifeʼmo hutapaeʼmo, Koli osuta lokiya vaitapa maiyo. Afiyo, hutapa, Gotitapimoʼmo emineno hosu kavaʼmo anonaʼapilefeʼmo apamigiyaʼmonanafa lapakufamo alino katino lapategaiye.

Aiyeya 40:10

Ageyo, huʼna, Ala kava neʼmo Gotiʼa alopa lokiyaʼaʼeʼmo eminegaiye. Agaemo lokiyaʼaletiʼmo yagaino apategaiye. Ageyo, huʼna, miyaʼamo ago aliʼniye. He, aliyaʼalefeʼmo miyaʼamo aulagaleʼmo sipisipiʼamo maiʼnae.

Aiyeya 49:4

Huno naha paiʼnigeʼnaeʼmo ina gemo huʼnaeʼmo, Aliyaʼmo aliʼnovaʼmonanafa nahaise vose huʼna aliʼnova kavaʼnimo afaʼa lageso huʼnigenoʼaeʼmo neʼyaʼamo afole oʼaiʼniye. Oʼaiʼniyaʼmonanafa Ala kava neʼmoʼa aliʼnova aliʼyaʼnimo ageʼniyanageno ani aliʼyatetiʼmo alagepa miyaʼnimo namigiye, huʼna huʼnove.

Aiyeya 63:3

Nagaemo nofi alagamo aeno lata paiʼniya vekagana huʼna aeʼna lata paiʼnogenoʼaeʼmo muki vayapatiʼmo mago naha maesiya vekamo oʼmaiʼniye. Nagaemo naipamo leʼnigeʼna lusi kava huʼna ge hapauteʼnaeʼmo apakaemo lokiya vaiʼna aeʼna lata paiʼnogenoʼaeʼmo kolaʼapimoʼmo aino lakino kukena yaʼnileʼmo aeno kamaeʼniye.

Aiyeya 63:6

Nagaemo lusi kava huno naipamo neleya kavatetiʼmo muki nofi vayaʼmo aeʼna lata paiʼnove. Nagaemo naipamo neleya kapufatiʼmo aniʼmo nesaya kavaʼmo huʼnogeʼa neteʼapaeʼmo negi nagi huʼnae. Nagaemo lokiyaʼapimo aliʼna hano huʼna alagi ataleʼnove.

Aiyeya 65:6

Afiyo, huʼna, Nagaemo hosu kavaʼapimo mukuʼnifiʼmo avoʼmo kae maleʼnovanageʼna afaʼa oʼmaigufa anonaʼapilefeʼmo kayoʼmo apamiguve. He, hapaifiyaleʼmo kayoʼmo apamiguve.

Aiyeya 65:7

Nagaemo lapakaitapi hosu kavatapilefenagi lapakinago vayaʼmogi hosu kavaʼapilefenagi huʼna kayoʼmo lapamiguve. Lapakinago vayaʼmogimo anaga aveleʼmo uʼa haiʼa alagepa atumo neʼaiya laʼnefamo ofalinimo kaege aveleʼmo maiʼneʼa huʼa faipa huʼa natege huʼnayaʼmofeʼmo muki huʼnaya hosu kavaʼmo anonaʼapilefeʼmo aliʼna fako huʼna kayoʼmo apamiguve.

Aiyeya 66:14

Ani afinaʼmo lapakaemo nagaemo lapakaetegamo ani hisuva kavaʼmo agetetapaeʼmo lapaipafiʼmo lapamogaga aisageno lokiyatapimo magoʼe huno afole aigiye. Ani afinaʼmo Ala kava neʼmo aliʼyaʼamo neʼaliya vayaʼmo hapa maesiya lokiyaʼamo agegayaʼmonanafa kame vayaʼamogimo aipamo neleya kavaʼamo agesayafeʼmo alino apave ligiye.

Aiyeya 66:15

Afiyo, huʼna, Ala kava neʼmoʼa atamo aeno alisigeno asole talalaʼamoʼeʼmo lokiya yasimo aligekana huno nagu nagu huno emineno ayamukiki huno aipamo neleya atamoʼmo kame vayaʼamo alagi apaleno hano huno apatalegaiye.

Aiyeya 66:6

Alopa gefatiʼmo taonifatiʼmo keya neʼaya gemo afiyo. Alopa mono nopatiʼmo alopa agemo afiyo. Ala kava neʼmoʼa age aiteno kame vayaʼamogi hosu kavaʼmo anonaʼapilefeʼmo kayoʼmo neʼapamiye.

Neyomi 1:2

Ala kava neʼmo kaino gemo nehiya Gotiʼa hosu kavaʼmo anonaʼapilefeʼmo kayoʼmo neʼapamiye. Ala kava neʼmoʼa lusi kava huno aipamo leʼnigenoʼaeʼmo anonaʼapilefeʼmo kayoʼmo neʼapamiye. Ala kava neʼmoʼa kame huʼa atesaya vayaʼmo hosu kavaʼmo anonaʼapilefeʼmo kayoʼmo apamigiye. Agaemo kame vayaʼaeʼmo aipamo leno neʼapateyanageno kayoʼmo apamisiya afinafeʼmo agava maiʼniye.

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Luki 19:27

inagi kame vayaʼnimogi agaemo yagaino latesiyafeʼmo olahauʼniye, huʼa huʼnaya vayaʼmo apavaleliteta naulagaleʼmo kamitimo apamagiyo, huno hapa paiʼniye, huno Yesuʼa hapa paiʼniye.

Luki 21:22

Goti mukufiʼmo avoʼmo kae maleʼnaya gemo afole aisiyafeʼmo Gotiʼa ani afinaʼmo anonaʼapilefeʼmo lusi kava huno kayoʼmo apamigiye.

Lomu 2:6

Gotiʼa muki vayaʼmogimo huʼnaya kavaʼmo anonaʼapilefeʼmo miyaʼapimo apamigiye.

Leveleseni 16:19

Lusi imimaʼmo aliteno alopa taonifi mopamo alino aino akaka vaeʼnigeno alino fako huno loleʼe magoʼe atupamo hamaleʼniye. Muki alu kotega alu kotegamo haneʼniya taonimo asagauno aiʼniye. Gotiʼa alopa taonimo Mamiloni taonieʼmo age okanino agesamo afiteno nofi alagafati aniʼmo kapufiʼmo havai teʼniya aniʼmo alino amiʼniya kava huno aipamo leno apateteno lusi kayoʼmo apamiʼniye.

Leveleseni 19:15

Avayafatiʼmo emineʼniya naipemo ave nege nege naipeʼaletiʼmo alu kotega alu kotegamo maiʼnaya vayaʼmo kame huno apatesiya naipemo avayafatiʼmo emineʼniye. Agaemo aeni kayotetiʼmo yagaino apategaiye. Gotiʼa muki lokiyaʼaʼe vekamoʼmo lusi kava huno aipamo leno neʼapateyanageno agaemo alopa yuvapafiʼmo aiyalatetiʼmo aeno latapaisigeno kolaʼapimoʼmo anikana huno heno lamigiye.