Aiyeya 59:14 - The Keyagana NT and 25 OT books

¹⁴ Apakaemo vayaʼai kavaʼapimo aliʼa fako hisayafeʼmo Goti keʼaepa geʼamo akame osuʼnayaʼmofeʼmo alagepa kavaʼmo ago aliʼa hafaiʼa atalegekana kavaʼmo nehae. Fatago kavaʼmoʼa lahaopaleʼmo ohaneʼnifa afagitegamo haneʼniye.

Aiyeya 59:14 ပူးပေါင်းရင်းမြစ်များ

1 Kini 21:10

Lole hosu vekalaʼmo agae haopaleʼmo anategeʼana maiʼneʼanaeʼmo anakaemo gemo agaepiʼmo aliʼana faiʼana ateteʼanaeʼmo ina gemo huʼanaeʼmo, Nemotiyo, huʼana, Kagaemo Gotitegaʼe kini vekalegaʼeʼmo hosu gemo huʼnane, huʼana hugaʼae. Lapakaemo Nemotiʼmo taonifatiʼmo malagamo avalelituta lamita yafa kayotetiʼmo kamitimo amagisageno faligiye, huno avoʼmo kaeʼniye.

1 Kini 21:11

Inagi apakaemo Yesali taonifi vayatama vayaʼmogiʼe ala vayaʼmogiʼeʼmo ani avoʼmo aliteʼapaeʼmo inagi apakaemo Yeyemeʼmo huʼniya gemo akame huʼa neʼyaʼmo mosisayafeʼmo mago afinaʼmo lekana paiteʼa vayaʼaifeʼmo ge huʼnageʼa eʼa aliʼa anupa huʼnae. Apakaemo Nemotiʼmo hogote siyateʼmo aliʼa ateʼnageno fai maiʼniye.

Samu 119:150

Hosu kavaʼmo nehaya vayaʼmo nahaopaleʼmo eʼnae. Apakaemo keʼaepa gekamo hanetegeʼapaeʼmo afagiʼaleʼmo maiʼnae.

Aiyeya 1:21

Yulusalemu taoniyo, huno, akeyaʼvilagamo alagepa huka geʼnimo afiʼnanaʼmonanafa hemenimo mago kumai a kanomo hamaleʼnane. Kagaemo agoti gemo alagepa huʼa afiʼnaya vayaʼe fatago vayaʼeʼmo havaiteʼnayaʼmonanafa hemenimo kagaemo kamitimo hapaenageʼa faliʼnaya vayaʼmogimo kili paeʼnae.

Aiyeya 5:23

Apakaemo agoti gemo afiteʼapaeʼmo kutulu monimo alisayafeʼmo hosu kavaʼmo huʼnaya vayaʼaifeʼmo, fatago vayane, huʼa nehae. Apakaemo fatago vayaʼmogimo hosu kavaʼmo huʼa agoti nehae.

Aiyeya 5:7

Isaleli vayaʼmo asole vayaʼaiteʼmo yagaino neʼapateya Ala kava neʼmo nofi hoyaʼagana huʼa maiʼnae. Yuta vayaʼmo Ala kava neʼmoʼa amuse nehiya nofigana huʼa maiʼnae. Agaemo vayaʼaitegamo fatago kavaʼmo hisayafeʼmo apakava maiʼniyaʼmonanafa vayaʼaitegamo hosu kavakeʼmo huʼa kana yaʼmo aliʼa apamiʼnae. Apakaemo alagepa huʼa aliʼa fako hisayafeʼmo apakava maiʼniyaʼmonanafa hosu kavaʼmo huʼnageʼapaeʼmo laha mao, huʼa keya aeʼa ge nehae.

Aiyeya 59:11

Lagaemo ani kana yaʼmo afela afu anagaʼmo meyaʼmogimo nagalu nagalu nehaya kava huta alopa gefatiʼmo huge kaugoʼyave nama anagaʼmogimo apake neʼaiya agufa gemo huta yulagefa aige huta maiʼnone. Kagaemo kame vayatimo agoti huka apateteka lagufamo alika katika latesanafeʼmo kagava maiʼnonaʼmonanafa ani kavaʼmoʼa lagaeteʼmo afagiʼaleʼmo haneʼniye.

Aiyeya 59:4

Apakaepatiʼmo mago vekamoʼmo, alagepa hutapa alita fako hiyo, huno nosiye. Mukiʼamogi lama gemo afole aisigeno hapa maesiyafeʼmo agoti gefiʼmo alagepa huʼa akame huʼa ge nosae. Apakaiʼapimo hapa maesiyafeʼmo alu ge alu gemo aigofeʼmo nehae. Apakaemo hosu kavaʼmo apaipaguʼeʼmo maiʼneʼa aʼnemogi mafaʼnemo aliʼa neʼataya kava huʼa ani hosu kavaʼmo aliʼa neʼatae.

Aiyeya 59:9

Inagi apakaemo ina gemo huʼapaeʼmo, Hosu kavaʼmo huʼnonaʼmofeʼmo kame vayatimo agoti huno apatege laha maege nosiye. Lagaemo ha le yaʼmo agesunafeʼmo lahauʼniyaʼmonanafa hani nehiye. Lokiya yegemo lesiyafeʼmo agava maiʼnonaʼmonanafa alopa hanipikeʼmo umenitata nehune.

Neniyo 8:12

Yu vayaʼmogimo hosu kava huʼnayaʼmofeʼmo Gotiʼa Yu ami vayaʼmo alino ani lokiyaʼmo ayapi apateʼnigeno ani lokiyaʼmoʼa muki afinaʼae afinaʼaeʼmo ofalini nehaya kavaʼapileʼmo kame huteno lama gemo alino mopafi yaga auno ataleʼniye. Muki ani kavaʼmo huteno agaemo alagepa huno maiʼniye.

Hamakaki 1:4

Ani kavaʼmo nehayaʼmofeʼmo keʼaepa gemoʼa lokiyaʼamo ohaneʼnigeʼa aliʼa api aiʼa oʼapateʼnageno fatago kavaʼmo afole noʼaiye. Hosu vayaʼmogi fatago vayaʼmo faiʼa vego huʼa neʼapatayaʼmofeʼmo alagepa huʼa aliʼa api aiʼa noʼapatae, huno ha paiʼniye.