Aiyeya 59:13 - The Keyagana NT and 25 OT books

¹³ Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Aiyeya 59:13 ပူးပေါင်းရင်းမြစ်များ

Samu 18:21

Nagaemo keʼaepa geʼamo akame huʼnovaʼmofeʼmae. Hosu kavaʼmo huʼna Gotiʼnimoʼmo ataleʼna oʼuʼnove.

Samu 78:36

Kanale vekamo maiʼniye, huʼa huʼnayana apaipafatiʼmo apakesamo afiteʼa osuʼnafa apavayaʼaletikeʼmo aigofe gemo huʼnae.

Mai'naya kavane 30:9

Fiku yanageʼna asole yaʼmo alisuvana nakameʼyamo kamiteʼna, Ala kava neʼmo ina laʼmae, huʼna huge kafu huteʼna kumayaʼmo aliteʼnaeʼmo Gotiʼnimogae, huʼna nehuva kagikaleʼmo aliʼna afepi katege huguve.

Aiyeya 32:6

Gotifeʼmo mono nosaya agufa kavaʼmo huge Ala kava netegamo aigofe gemo huge hisayafeʼmo negi vekamoʼmo negi nagi gemo huge hosu kavaʼmo hisiyafekeʼmo aipafiʼmo lusi kava huno agesa afige hugiye. Agaemo kafu nehaya vayaʼmo apaka tege aniʼapimo hano huʼniya vayaʼmo anifeʼmo hapauge hisiyafeʼmo hosu kavaʼmo hugiye.

Aiyeya 5:7

Isaleli vayaʼmo asole vayaʼaiteʼmo yagaino neʼapateya Ala kava neʼmo nofi hoyaʼagana huʼa maiʼnae. Yuta vayaʼmo Ala kava neʼmoʼa amuse nehiya nofigana huʼa maiʼnae. Agaemo vayaʼaitegamo fatago kavaʼmo hisayafeʼmo apakava maiʼniyaʼmonanafa vayaʼaitegamo hosu kavakeʼmo huʼa kana yaʼmo aliʼa apamiʼnae. Apakaemo alagepa huʼa aliʼa fako hisayafeʼmo apakava maiʼniyaʼmonanafa hosu kavaʼmo huʼnageʼapaeʼmo laha mao, huʼa keya aeʼa ge nehae.

Aiyeya 57:11

Lapakaemo ina lafeʼmo koli huʼnayaʼmofeʼmo nagaefeʼmo aigofe gemo naha paiteta nagaefeʼmo lapake kaniʼnigetapa lapaipafiʼmo nagaefeʼmo lapakesamo noʼafiye. Yatala afinaʼmo ge osuʼna afaʼa maiʼnovaʼmofeʼmo nagaefeʼmo koli nosafiye.

Aiyeya 58:13

Lapakaemo Sapati keʼaepa gemo amagita oʼatalege aote hu maleʼnova afinaʼmo amega lapakufamo amogaga neʼaiya kavaʼmo osuge lapakaemo hutapaeʼmo, Sapati afinafeʼmo lahauʼnigeta lamogaga neʼaune, hutapa huge Ala kava neʼmo aote afinaʼamo ala agiʼamo amige lapakaitapi aliyatapimo oʼalige lapauʼnisiya kavaʼmo kahau aetapa osuge lapamete lapakaitapi gemo osuge hutapa neʼmaisayana Ala kava nefekeʼmo lapamogaga aigae. Nagaemo lapa maesugetapa ala lapaki aliteta alagepa hutapa maiʼnetapaeʼmo afotapimoʼmo Yekopu hetamafatiʼmo aliteta alagepa neʼyaʼmo negae. Ala kava neʼmoʼa ani gemo huʼniye.

Aiyeya 58:2

Lama ge vayaʼmo oʼmaiʼnayaʼmonanafa muki afinaʼae afinaʼaeʼmo kahauya huʼa nagesayafeʼmo nehae. Apakaemo keʼaepa geʼnimo oʼataleʼa fatago kavaʼmo huʼa akame nehaya vayakana huʼa maiʼneʼapaeʼmo nahauʼniya kavaʼmo huʼa afisayafeʼmo apamogaga neʼaiyaʼmonanafa aigofe vayaʼmo maiʼnae. Apakaemo fatago kavafeʼmo ge huʼa nafi nekae. Nahaopaleʼmo eʼa maisayafeʼmo apamogaga neʼaiye.

Aiyeya 58:9

Ani afinaʼmo lapakaemo Ala kava nefeʼmo keya aeta ge hisageno getapileʼmo aeno atagaina huno lapa paigiye. Lapakaemo alopa gefatiʼmo alopa gefatiʼmo ge hisagenoʼaeʼmo agaemo hunoʼaeʼmo, Maiʼnove, huno hugiye. Lapakaemo vayaʼmo kana yaʼmo oʼapamige vayaʼmo alita afepiʼmo oʼapatege hosu gemo osuge

Matiyu 10:33

Aegauvaʼmonanafa vayaʼai apaulagaleʼmo nagaefeʼmo huʼapaeʼmo, oʼageʼnona vekae, huʼa nehisaya vayaʼaifeʼmo kokuʼnapi Afoʼnimo aulagaleʼmo olapakeʼnova vayane, huʼna hapa paiguve.

Taitasi 1:16

Apakaemo apavayaletiʼmo huʼapaeʼmo, Gotiʼa ageʼnone, huʼa nehayaʼmonanafa kavaʼapiletiʼmo oʼageʼnae, huʼa nehae. Gotiʼa apakaefeʼmo ohauʼnigenoʼaeʼmo geʼamo oʼafiʼa alagi hosu kavaʼmo nehaya vayaʼmo maiʼnayaʼmofeʼmo alagi alagepa kavaʼmo afaʼa osugae, huno nehiye.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

Yemisi 1:15

Aʼnemogi apaipaguʼeʼmo maiteʼa mafaʼnemo aliʼa neʼapataya kava huno apakufamoʼmo hauʼniya kavaʼmoʼa aipaguʼeʼmo maiteno hosu kavaʼmo alino neʼate. Hosu kavaʼmo alino ateʼnigeno ko sino alopa hetenoʼaeʼmo nefaliya kavaʼmo alino afole aino neʼate.

Yemisi 3:6

Apavayamo atagana huno haneʼneno alu hosu ge alu hosu gemo nehiye. Lavayamo lagufafiʼmo aise yaʼatomo haneʼniyaʼmonanafa muki lagufaʼamo alagi alino hosu huno neʼate. Lavayamoʼa ata kotegatiʼmo atamo aelineno muki vayaʼamogita lahaopaleʼmo kae maleʼniye.

Yasuva 24:27

Inagi Yasuvaʼa muki Isaleli vayaʼaifeʼmo ina gemo huno hapa painoʼaeʼmo, Ageyo, huno, Ani yafaʼmoʼa Ala kava neʼmoʼa muki laha paiʼniya geʼamo ago afiʼniyaʼmofemo ani yafaʼmoʼa vitanisi agufa gemo huno lapa paigiye. Lapakaemo ani yafaʼmo agetetapaeʼmo huʼnaya polomasi getapieʼmo lapakesamo afigae. Lapakaemo Gotitapimoʼmo lapakameʼyamo oʼamisayafeʼmo alagena yakana huno hanegaiye.