Aiyeya 59:12 - The Keyagana NT and 25 OT books

¹² Gekamo amagita ataleʼnona kavatimoʼmo kaulagaleʼmo magoʼe magoʼe huno afole neʼaiye. Hosu kavatimoʼmo agoti huno nelateyaʼmofeʼmo ani kana yaʼmo aliʼnone. Gekamo amagita ataleʼnona kavatimo laulagaleʼmo haneʼnigeta ani hosu kavatimo ageʼnone.

Aiyeya 59:12 ပူးပေါင်းရင်းမြစ်များ

Esala 9:13

Lagaemo hosu kavaʼmo huteta alopa vaiʼmo aliʼnonaʼmofeʼmo kayoʼmo ago lamiʼnanaʼmonanafa hosu kavatimo haneʼniya kavatefeʼmo alopa kayoʼmo lamisana agufa kavaʼmo huta maiʼnonaʼmonanafa alopa kayoʼmo olamika laha maeka hosu kavapatiʼmo lagufamo alika katika lateʼnane.

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Samu 51:3

Nagaemo ina hosu kava huʼnove, ina hosu kava huʼnove, huʼna aeʼna hakalo nehuve. Nagaemo hosu kavaʼnimo ageʼnogenoʼaeʼmo muki afinaʼmo ani hosu kavaʼnimoʼmo naulagaleʼmo afole aiʼnigeʼna ageʼnove.

Aiyeya 1:4

Apakaemo hosu kavaʼmo nehaya nofi vayane. Apakaemo hosu kavaʼapilefeʼmo alopa vaiʼmo aliʼnae. Hosu kavaʼmo nehaya mafaʼne anagaʼmo maiʼnae. Aliʼa hosu huʼa neʼapataya mafaʼne anagaʼmo maiʼnae. Apakaemo Ala kava neʼmo ataleʼa uʼnae. Apakaemo Isaleli vayaʼai Aote Vekamoʼmo aipamo leno apatesiya agufa kavaʼmo huʼnae. Geʼamo amagiʼa ataleteʼa aiʼa atagineʼa hosu kavategamo uʼnae.

Aiyeya 3:9

Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Aiyeya 64:4

Ma mopamo afole aiʼniya afinatetiʼmo mago vayaʼmogimo kagaekana agufa gotiʼa oʼagege kagaekana agufa gotifeʼmo ava gemo oʼafige huʼa maiʼnae. Kagaikaekeʼmo kagava neʼmaiya vayaʼmo hapa maesanafeʼmo aliʼyaʼmo neʼaline. Magoʼe huno ani agufa Gotiʼa alagi oʼmaiʼniye.

Hamakaki 1:4

Ani kavaʼmo nehayaʼmofeʼmo keʼaepa gemoʼa lokiyaʼamo ohaneʼnigeʼa aliʼa api aiʼa oʼapateʼnageno fatago kavaʼmo afole noʼaiye. Hosu vayaʼmogi fatago vayaʼmo faiʼa vego huʼa neʼapatayaʼmofeʼmo alagepa huʼa aliʼa api aiʼa noʼapatae, huno ha paiʼniye.