Aiyeya 59:11 - The Keyagana NT and 25 OT books

¹¹ Lagaemo ani kana yaʼmo afela afu anagaʼmo meyaʼmogimo nagalu nagalu nehaya kava huta alopa gefatiʼmo huge kaugoʼyave nama anagaʼmogimo apake neʼaiya agufa gemo huta yulagefa aige huta maiʼnone. Kagaemo kame vayatimo agoti huka apateteka lagufamo alika katika latesanafeʼmo kagava maiʼnonaʼmonanafa ani kavaʼmoʼa lagaeteʼmo afagiʼaleʼmo haneʼniye.

Aiyeya 59:11 ပူးပေါင်းရင်းမြစ်များ

Samu 119:150

Hosu kavaʼmo nehaya vayaʼmo nahaopaleʼmo eʼnae. Apakaemo keʼaepa gekamo hanetegeʼapaeʼmo afagiʼaleʼmo maiʼnae.

Samu 119:155

Hosu vayaʼmogimo avoʼmo kae maleʼnaya keʼaepa gekaeʼmo kahauya nosayaʼmofeʼmo apakufamo alika katika apatesanafeʼmo afagiʼaleʼmo maiʼnae.

Samu 38:8

Lusi kava huno alagaʼmo nahaeʼnigeno lokiyaʼnimo alagi ohaneʼniye. Naipamoʼmo kanale osuʼnigeʼna kagegage nehuve.

Samu 55:2

Kagaemo nunumuʼmo geʼnimo alagepa huka afiteka nagae geleʼmo aeka atagaina huvo. Aliʼnova kana yaʼmoʼa alino hosu huno nateʼnigeʼna alagepa huʼna oʼmaiʼnove.

Samu 85:9

Ha le konali yaʼamoʼmo lagae mopaleʼmo hanege hanege huno hanesiyafeʼmo agaefeʼmo koli nehaya vayaʼmogi hapaopaleʼmo eno apakufamo alino katino apategaiye.

Aiyeya 51:20

Ve mafaʼne anagaʼmogimo apaumiʼmi huteʼa asagauʼa aiʼa muki taoni kaʼmo atupafiʼmo havaeliʼa uʼeʼa huʼnae. Apakaemo ina kava huʼa afela afumo umenimoʼmo atafauteno neʼmaiya agufa kavaʼmo huʼa maiʼnae. Ala kava neʼmo Gotikamoʼmo apakaefeʼmo gemo hapauteno aipamo leno neʼapateya kavaʼmoʼa apakaeteʼmo asagauno aiʼniye.

Aiyeya 59:14

Apakaemo vayaʼai kavaʼapimo aliʼa fako hisayafeʼmo Goti keʼaepa geʼamo akame osuʼnayaʼmofeʼmo alagepa kavaʼmo ago aliʼa hafaiʼa atalegekana kavaʼmo nehae. Fatago kavaʼmoʼa lahaopaleʼmo ohaneʼnifa afagitegamo haneʼniye.

Aiyeya 59:8

Alagepa huʼa magokepi lokaeʼa maisageno apaipamoʼmo falu hisiya kaʼmo noʼagae. Apakaemo vayaʼai kavaʼapimo alagepa huʼa aliʼa fako nosae. Apakaemo kaʼapimo kayagi kayaga kaʼmo valiʼnae. Ina lagimo ani kateʼmo visafi alagepa huʼa magokepi lokaeʼa maisaya kavaʼmo oʼagegae.

Aiyeya 59:9

Inagi apakaemo ina gemo huʼapaeʼmo, Hosu kavaʼmo huʼnonaʼmofeʼmo kame vayatimo agoti huno apatege laha maege nosiye. Lagaemo ha le yaʼmo agesunafeʼmo lahauʼniyaʼmonanafa hani nehiye. Lokiya yegemo lesiyafeʼmo agava maiʼnonaʼmonanafa alopa hanipikeʼmo umenitata nehune.

Neyomi 2:7

Gotiʼa hu maleʼniyana kame vayaʼapimogi Kuvini a kanomo atafauʼa avaleliʼa ugae. Avaleliʼa neʼvageʼapaeʼmo aliʼyaʼamo neʼaliya aʼne anagaʼmogimo hosu apaipamo kaliʼnigeʼa kaugoʼyavegana huʼa aviʼyaʼmo nehuʼapaeʼmo yulagefa aiʼapaeʼmo hapaifiʼyaleʼmo amagime amagime uʼa avaleliʼa ugae.

Neyomi 2:8

Akeyaʼvilagamo Niniva taonimo alopa ani keli kotugana huno haneʼniyaʼmonanafa hemenimo vayaʼamo taonifatiʼmo ataleʼa apaune heʼnae. Apakaefeʼmo huʼapaeʼmo, Maiyo, maiyo, huʼa keya aeʼnayaʼmonanafa oʼafiʼa magoke vekamoʼa aino atagineno oʼuʼniye.